Ciyubululo 11:5 - Baibo Busansulushi Bwa Libuku Ili

⁵ Na umwi weelesha kwaamba ayi abaciise, mumilomo yabo mulaswa mulilo uyo unyonyoola balwani babo. Nkokwaamba ayi uyo woonse weelesha kubacisa, ulacaikwa munshila njemunya iyi.

Ciyubululo 11:5 ပူးပေါင်းရင်းမြစ်များ

Kulumbaisha 18:8

Mumashono akwe mwakalinga kunoosuntabo bwiishi. Amwalo mukanwa lyakwe kamunyakabo mulilo, mulilo uyo ukali anga ngwa makalangasha.

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Jelemiya 1:10

Sunu ndakupa nkusu pamishobo yoonse apamalelo oonse, nkusu shakushula akumwayoola, kunyonyoola akukoma, kuyaka akushanga.”

Jelemiya 5:14

Paceebo ceeco Mwaami Lesa, Lesa Shinkusu shoonse utokwaamba ayi, “Jelemiya, ono ceebo bantu aba bakaamba maswi aya, ndaakulengesha maswi angu ali mumulomo wako kuba mulilo akulengesha bantu aba kuba nkuni sheshi shikapye kumulilo uyo.

Esekelo 43:3

Cili anga nciloto ici cakalingabo anga nceeco ncendakabona Lesa ndyaakesa mukunyonyoola ndabala inene ya Jelusalemu alimwi aceeco ncendakabona kuMulonga wa Keba. Aboobo ndakaliwaala panshi akushishaawo ciwa.

Osiya 6:5

Paceebo ceeco ndakatuma balaluki bangu kwisa mukwaambilisha milandu akunyonyoolwa kwanu pakati kanu. Bupingushi bwangu bulibweneketebo patuba.

Sekaliya 1:6

Ndakapa bamashali banu bakulukulu milawo amilasho kwiinda mubasebenshi bangu balaluki, sombi balo bakeekaka akupekwa mulandu. Kuswawaawo bakasanduka kuswa kushibiibi shabo akusumina ayi nebo neMwaami Lesa Shinkusu shoonse ndakabapa mulandu kweelana akubisha kwabo bweenka mbondakayeeya kucita.’ ”

Sekaliya 2:8

Uyo woonse umutyunka munwe cilyeelenebo akutyunka ndime muliinso.” Paceebo ceeci Mwaami Lesa Shinkusu shoonse wakantuma kwaambila baabo bakalinga kusaala bantu bakwe ayi,

Ciyubululo 13:13

Munyama wabili uyu wakacita shaankamiko shinene abuumbi. Wakalengesha ayi mulilo uswe kwiculu akulokela pacishi ca panshi bantu boonse kabeebela.

Ciyubululo 9:17

Anga muciloto, ndakabona maaki alimwi abaabo bakalinga kutantiteewo. Bakalinga kufwete shakutabilisha pacaamba shisalala anga ngumulilo alimwi anga ndibwe liboneka mbuli liculu alimwi anga ngusalufa. Mitwi ya maaki aya, yakalinga kuboneka anga nja nkalamu alimwi mumilomo ya ngawo mwakalinga kuswa mulilo, bwiishi alimwi asalufa.