Ciyubululo 11:3 - Baibo Busansulushi Bwa Libuku Ili

³ Ndaakutuma bakamboni bangu bobilo abo beshi bakanoofwete masaka kwisa mukumushimikila makani akwe Lesa kwanshiku shili cuulu amyaanda yobilo alimwi amakumi osanwe alyomwi.”

Ciyubululo 11:3 ပူးပေါင်းရင်းမြစ်များ

Matalikilo 37:34

Jakobo wakakwamoona shakufwala mubuumba akufwala masaka. Wakamulila mwanaakwe kwa ciindi cilaamfu.

2 Samwelo 3:31

Lyalo Defedi wakaambila Joabu abantu boonse mbwaakalingaabo ayi, “Amukwamoone shakufwala shanu, mufwale masaka munooya cilila kunembo lyakwe Abina.” Mwiine mwaami Defedi wakalinga kuya cilila pesule lya libokoshi.

1 Baami 21:27

Ono Elija ndyaakamana kwaamba, Aabu wakakwamoona shakufwala shakwe akufwala masaka. Wakalikasha kulya akutalika koonabo mumasaka alimwi kaaenda kaaungumene alimwi cabuumba.

2 Baami 19:1

Mwaami Esekiya ndyaakanyumfwa makani ayo, wakakwamoona shakufwala shakwe kubuumba, wafwala lisaka akuya kuŊanda yakwe Lesa.

1 Makani 21:16

Defedi wakabona munjelo wakalinga kwiimfwi muluuwobo alimwi wakalinga kucite mupeeni mulyaansa lyakwe kaalibambite kunyonyoola Jelusalemu. Lyalo Defedi abamaloba abo boonse bakalinga kufwete masaka, bakafukama cakushisha shiwa panshi.

Neyemiya 9:1

Pabushiku bwamakumi obilo anshiiku shone mumweenshi weenka uyo, bene Isilaeli bakabungana akulikasha kulya, kabafwete masaka akulibika lusuko pamitwi kutondesha buumba.

Jobo 16:15

“Ntoolila akufwala masaka kutondesha buumba. Ndatondesha kulibombya kwiinda mukwikala mulusuko.

Kulumbaisha 69:11

Ndindakaalula masaka kuba shakufwala shangu sha buumba, bakatalika kunseka.

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Jelemiya 1:10

Sunu ndakupa nkusu pamishobo yoonse apamalelo oonse, nkusu shakushula akumwayoola, kunyonyoola akukoma, kuyaka akushanga.”

Malilo 2:10

Bamaloba ba muSiyoni balishiitebo panshi cakutaamba. Balitukweeta alusuko pamitwi yabo akufwala masaka. Bamyooye ba muJelusalemu bakotamina panshi.

Esekelo 4:6

“Nshiku ishi shaakwiinda, ukoone alimwi. Ono ukasanduluke akoonena kulubasu lwalulyo akunyamuna shibiibi sha mushobo wa bene Juda kwanshiku shili 40. Nkokwaamba ayi bushiku bomwi bunanokwiimikanina mwaaka womwi wa mulandu wabo.

Danyelo 12:7

Munjelo uyo wakalinga kufwete shakufwala sha nsalu iteshimite alimwi uyo wakalinga kwiimfwi peculu lya maanshi wakatambika maansa obilo oonse kwiculu. Lyalo ndakamunyumfwa kaashomesha cakulumbila muliina lyakwe Lesa waLyoonse alyoonse ayi, “Ciindi ico cilaakuba ca myaaka yotatwe amusa. Mapensho eshi akese pabantu bakwe Lesa aakumana, shintu shoonse ishi shilaakwiinda.”

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Danyelo 8:14

Lyalo ndakanyumfwa usalalite umwi wakakumbula ayi, “Cilaakutola macolesha amacuunsa ali 2,300, lyalo Ŋanda yakwe Lesa ilaakusalashikwa.”

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Jona 3:5

Bene Ninife bakashoma makani ayo akwe Lesa. Lyalo bakasuminishanya kulikasha kulya, kuswa kubamanene abanike, boonse bakafwala masaka kubonesha ayi basanduka kuswa kushibiibi shabo.

Jona 3:8

Sombi muntu uli woonse alifweke masaka alimwi akufweka shifubwa shoonse. Woonse muntu ulyeelete kufwambaana kupaila kuli Lesa akuleka bubi bwakwe, alimwi amibo itabete kabotu.

Shakubelenga 11:26

Lyalo bamaloba bobilo pabaabo bali makumi osanwe aobilo bakalinga kwiitwa ayi Elidadi alimwi aMedadi bakacaala mumisumba, tabakwe kuya kuTente. Mweenka mumisumba umo, Mushimu wakesa pali mbabo, mpeeke abalo bakatalika kulaluka.

Mateyo 11:21

Wakabaambila ayi, “Mapensho kuli ndimwe nomandabala a Kolasini aBetisaida, mukwiinga shaankamiko isho shakacitilwa muli ndimwe, neshakacitilwa muTaya aSidoni, mandabala anene a bantu bakunsengwe, naakwiinga bakasanduka kale kuswa kushibiibi akufwala masaka alimwi akulinanika milota, kutondesha ayi balyuungumene ceebo cakubisha.

Mateyo 18:16

Sombi na wabula kukunyumfwila, ambilaawo aumwi nabi bobilo uyaabo kwaamba ayi, ‘Makani aambwe pameenso a bakamboni bobilo nabi botatwe,’ kweelana ambokulembetwe mumaswi akwe Lesa.

Luka 10:13

“Mapensho kuli ndimwe nomandabala a Kolasini aBetisaida mukwiinga shaankamiko isho shakacitilwa muli ndimwe, neshakacitilwa muTaya aSidoni, mandabala anene a bantu bakunsengwe, naakwiinga bakasanduka kale kuswa kushibiibi akufwala masaka alimwi akulinanika milota, kutondesha ayi balyuungumene ceebo cakubisha.

Luka 24:48

Mwebo muli bakamboni ba shintu ishi.

Joni 15:27

Amwebo muli bakamboni bangu mukwiinga mwekala anebo kuswa kumatalikilo.

Joni 3:27

Joni wakakumbula ayi, “Taaku cintu muntu nceenga wacana na Lesa taakwe kumupa.

Milimo ya Batumwi 1:8

Sombi mulaakutambula nkusu na Mushimu Usalashi ukese pali ndimwe. Lyalo mulaakuba bakamboni bangu muJelusalemu, muJudeya moonse alimwi amuSamaliya kushikila amucishi coonse ca panshi.”

Milimo ya Batumwi 13:31

alimwi nshiku shiinji wakaboneka kubantu abo mbwaakeendaabo kataanshi kuswa kuGalili kuya kuJelusalemu. Bantu aba mbobakamboni bakwe kubantu ba muIsilaeli.

Milimo ya Batumwi 2:32

Lesa wakabusha Jesu uyu kuswa kubafu, aboobo swebo soonse tuli bakamboni ba shintu ishi.

Milimo ya Batumwi 3:15

Mwebo mwakacaya wooyo upa buumi bwancinencine, sombi Lesa wakamubusha kuswa kubafu. Ono swebo tuli bakamboni pacikani ici.

1 Bene Kolinto 12:28

Mucoonde, Lesa wakataanguna kubika batumwi, kuboolaawo balaluki, kubolaawo bafundishi. Lyalo ndipakesa abo bantu beshikucita shaankamiko, bamwi abo bakapekwa nkusu shakushilika, kucafwa bamwi, kweendelesha ncito nabi kwaamba milaka yeensu.

2 Bene Kolinto 13:1

Ono luno ndwatatu ndoondibambite kwisa kooko kuli ndimwe. Malembo akwe Lesa alaamba ayi, “Makani oonse alyeelete kwiimikaninwa abakamboni bobilo nabi botatwe.”

Bene Efeso 4:11

Ngowooyo “wakapa bantu shipo” akusala kwaamba ayi bamwi babe batumwi, bamwi babe balaluki, bamwi babe beshikushimikila, bamwi babe beembeshi abafundishi.

Dutolonomi 17:6

Nacibi boobo, ulyeelete kucaikwa na paba bakamboni bobilo nabi botatwe beenga bamushinina. Teelete kucaikwa na palibo kamboni womwi.

Dutolonomi 19:15

“Kamboni womwi taakoonshi kulengesha ayi muntu umwi apekwe mulandu. Kulyeelete kuba bakamboni bobilo nabi botatwe ayi apekwe mulandu.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Ciyubululo 11:2

Sombi utapimi musena uli kunsengwe lya Ŋanda yakwe Lesa mukwiinga wakapekwa kubaswamashi bakunsengwe, abo mbweshi bakalyatoole Ndabala inene Isalalite kwamyeenshi ili makumi one alimwi ayobilo.

Ciyubululo 11:6

Bakamboni aba balicite nkusu shakushinka mwiculu, kwaamba ayi mfula italoki munshiku nshebatooshimikila makani akwe Lesa. Balicite nkusu shakusandula tuntupu twa maanshi ayi tube bulowa alimwi ankusu shakuleta mwaalu uli woonse mucishi ca panshi ciindi cili coonse ncebasuni.

Ciyubululo 12:6

Mwanakashi lakwe wakacicila muluyanga, umo muli musena wakamubambila Lesa. Nkomunya uko ulaakulamwa kabotu kwanshiku shili cuulu amyaanda yobilo alimwi anshiiku shili makumi osanwe alyomwi.

Ciyubululo 13:5

Munyama uyu wakasuminishikwa kwaamba maswi akulisumpula akucobola Lesa. Wakasuminishikwa akuba ankusu shakweendelesha kwamyeenshi ili makumi one alimwi ayobilo.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.