Ciyubululo 11:2 - Baibo Busansulushi Bwa Libuku Ili

² Sombi utapimi musena uli kunsengwe lya Ŋanda yakwe Lesa mukwiinga wakapekwa kubaswamashi bakunsengwe, abo mbweshi bakalyatoole Ndabala inene Isalalite kwamyeenshi ili makumi one alimwi ayobilo.

Ciyubululo 11:2 ပူးပေါင်းရင်းမြစ်များ

Kulumbaisha 79:1

NobaLesa, baswamashi batulwana mucishi canu, babisha Ŋanda yanu Isalalite. Banyonyoola ndabala ya Jelusalemu.

Isaya 48:2

Nakubi boobo mulatwanga akwaamba ayi ndimwe beene ndabala inene isalalite alimwi ayi mulicinkite manungo muli Lesa wa bene Isilaeli, uyo wiitwa ayi Mwaami Lesa Shinkusu shoonse.

Isaya 5:5

“Ono nceshi nkacite kumuunda wangu nceeci. Ndaakumwaya lushito lwa nguwo, lyalo muunda uyo ulaakunyonyoolwa. Ndaakupwaya lubumbu luutabilila, lyalo mulaakulyatoolwa abanyama bamuluundu.

Isaya 52:1

Amubuke, Amubuke! Amubuke nobamundabala inene ya Siyoni! Amube ankusu mbuli kataanshi. Amufwale shakufwala shanu sha bulemu, nobamundabala ya Jelusalemu, ndabala inene isalalite. Balya bakunsengwe batapalwitwe teshi bakenjilewo tubili mundabala yanu.

Malilo 1:10

Balwani ba njiyo bakabwesa buboni bwa njiyo boonse. Lyalo yakabona mishobo ya bakunsengwe keenjila amuŊanda yakwe Lesa. Ee, bantu abo Mwaami Lesa mbwaakalinga kukasha kwisa mumabungano akwe.

Esekelo 4:6

“Nshiku ishi shaakwiinda, ukoone alimwi. Ono ukasanduluke akoonena kulubasu lwalulyo akunyamuna shibiibi sha mushobo wa bene Juda kwanshiku shili 40. Nkokwaamba ayi bushiku bomwi bunanokwiimikanina mwaaka womwi wa mulandu wabo.

Esekelo 42:20

Anu lubumbu lwakalinga kushingulukiteko lwakalinga kucite mamita ali 250 kumbasu shoonse. Lubumbu ulo ndolwakalinga kupansaanya shintu shisalalite ashintubo.

Danyelo 12:7

Munjelo uyo wakalinga kufwete shakufwala sha nsalu iteshimite alimwi uyo wakalinga kwiimfwi peculu lya maanshi wakatambika maansa obilo oonse kwiculu. Lyalo ndakamunyumfwa kaashomesha cakulumbila muliina lyakwe Lesa waLyoonse alyoonse ayi, “Ciindi ico cilaakuba ca myaaka yotatwe amusa. Mapensho eshi akese pabantu bakwe Lesa aakumana, shintu shoonse ishi shilaakwiinda.”

Danyelo 7:19

“Ono ndakayanda kwishiba shamunyama wane uyo wakalinga kupuseneeko abanyama bamwi boonse, munyama uyo wakalinga kuloondesha abuumbi, uyo wakalinga kucite meeno anene a nshimbi amaala a bulonse, uyo wakapwayoola banyama bamwi ameeno akwe a nshimbi akubalya alimwi akulyatoola sheesho shakacaala.

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Danyelo 8:10

Liica ilyo lyakaba ankusu abuumbi cakulwanabo alikoto lya nyenyeenshi sha kwiculu. Lyakawaala shimwi panshi akushilyatoola.

Danyelo 8:13

Lyalo ndakanyumfwa usalalite umwi kaamba aumwi usalalite wakamwaambila ayi, “Citooba ciindi cilaamfu buyani cili anga nciloto ici kacitana kucitika cancinencine? Citooba ciindi cilaamfu buyani bubi ubo bulensha bunya kabushinkila kubengwa kwa milambu ya bushiku abushiku? Citooba ciindi cilaamfu buyani likoto lya nyenyeenshi sha kwiculu kalilyatililwa pantu pomwi aŊanda yakwe Lesa?”

Danyelo 8:14

Lyalo ndakanyumfwa usalalite umwi wakakumbula ayi, “Cilaakutola macolesha amacuunsa ali 2,300, lyalo Ŋanda yakwe Lesa ilaakusalashikwa.”

Shakubelenga 14:34

Mulaakupenshekwa kwamyaaka ili makumi one ceebo ca kubisha kwanu, nkokwaamba ayi mwaaka womwi ulaakunokwiimikanina bushiku bomwi panshiku shili makumi one nshemwakasowa pakubona cishi. Lyalo mulaakwishiba mbocaamba na nebo ndamwaalookila!

Mateyo 27:53

Bakaswa mushuumbwe. Ono Jesu ndyaakabuka kuswa kubafu, balo bakaya muNdabala inene Isalalite umo mobakabonekela kubantu baanji.

Mateyo 4:5

Kuswawaawo Mubiibi uyo wakatola Jesu kuJelusalemu, ndabala inene isalalite, akumubika pakansunswa ka ciluli ca Ŋanda yakwe Lesa.

Mateyo 5:13

“Mwebo ndimwe mwiinyo wa cishi, sombi na mwiinyo wasambalala, inga mwacita buyani kwaamba ayi ube kabotu alimwi? Taucite ncito, nkuusowabo abantu kabalyatolaawo.

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

Ciyubululo 11:11

Ono ndipakeenda nshiku shotatwe amusa, muuya upa buumi wakaswa kuli Lesa akwinjila muli mbabo. Mpomunyaawo bakabuka, beemikana, lyalo boonse bakababona bakaloonda abuumbi.

Ciyubululo 11:3

Ndaakutuma bakamboni bangu bobilo abo beshi bakanoofwete masaka kwisa mukumushimikila makani akwe Lesa kwanshiku shili cuulu amyaanda yobilo alimwi amakumi osanwe alyomwi.”

Ciyubululo 12:6

Mwanakashi lakwe wakacicila muluyanga, umo muli musena wakamubambila Lesa. Nkomunya uko ulaakulamwa kabotu kwanshiku shili cuulu amyaanda yobilo alimwi anshiiku shili makumi osanwe alyomwi.

Ciyubululo 21:10

Mpomunyaawo Mushimu Usalashi wakantanjilila, alakwe munjelo uyo wakantola peculu pakalundu kanene kalaamfu. Lyalo wakambonesha ndabala inene isalalite ya Jelusalemu keeswa kwiculu kuli Lesa.

Ciyubululo 21:2

Ndakabona andabala inene isalalite ya Jelusalemu keeswa kwiculu kuli Lesa. Yakalinga kubambitwe, anga ngumwanakashi utokweebwa uyo walibambila kuya kuli ibaye.

Ciyubululo 22:19

Na muntu uli woonse wakusha maswi amwi pamaswi abulaluki ali mulibuku ili, Lesa alakwe ulaakumukushishaako shisepo sha kucisamu cipa buumi, amusena wakwe wa mundabala inene isalalite, isho shasansululwa mulibuku ili.