Ciyubululo 10:5 - Baibo Busansulushi Bwa Libuku Ili

⁵ Lyalo munjelo uyo ngondakabona umwi mweendo kaalyatite palweenge apamusena pataapu maanshi, wakatambika lyaansa kwiculu

Ciyubululo 10:5 ပူးပေါင်းရင်းမြစ်များ

Matalikilo 14:22

Abulamu wakakumbula ayi, “Ndashinisha pameenso aMwaami Lesa wakwiculu Wiindaawo, mulengi wa liculu acishi ca panshi,

Neyemiya 9:6

Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.

Kulumbaisha 146:5

Ulicite coolwe muntu ucafwikwa kuMwaami Lesa wakwe Jakobo, ncakwiila muntu ucinkite manungo muMwaami Lesa, Lesa wakwe.

Kulonga 20:11

Munshiku shosanwe abomwi, nebo neMwaami Lesa ndakalenga cishi ca panshi, liculu, lweenge alimwi ashintu shoonse shili muli nshisho. Sombi pabushiku bwasanu ashobilo ndakookesha. Nceceeco nebo neMwaami Lesa, ncendakapeta coolwe bushiku bwakookesha bwa Cibelu akubusalasha.

Kulonga 6:8

Ndaakumutola kucishi ico ncendakashomesha cakulumbila kupa Abulaamu, Isaki alimwi aJakobo. Ono ndaakupa ndimwe kwaamba ayi cikabe cinenu cancinencine. Nebo ndime Mwaami Lesa.’ ”

Esekelo 20:15

Ndakashomesha cakulumbila kuli mbabo kaantambikite lyaansa mwiculu kabali muluyanga kwaamba ayi teshi nkabatole mucishi ico ncendakabashomesha. Nkokwaamba ayi cishi umo muli bubile abulongo bubotu ico ciinda cishi cimwi cili coonse kubota.

Esekelo 20:23

Paceebo ceeco, ndakashomesha cakulumbila alimwi kuli mbabo kaantambikite lyaansa mwiculu kabali muluyanga kwaamba ayi ndaakubatandila pakati ka mishobo ya mucishi ca panshi coonse.

Esekelo 20:28

Ndakabashisha mucishi ico ncendakashomesha cakulumbila ayi ndaakubapa. Ono ndibakabona tulundu tulaamfu ashisamu shicite matewu aanji, bakatalika kubenga milambu, kupa shipo isho shakasonkomona bukali bwangu, kupa tununkila kabotu akutila shipo sha cakunwa patulundu toonse ashisamu shoonse.’

Esekelo 20:42

Mulaakwishiba ayi anu ndi Mwaami Lesa na nkamubooshe mucishi ca Isilaeli, cishi ico ncendakashomesha cakulumbila kaantambikite lyaansa mwiculu ayi ndaakucipa bamashali banu bakulukulu.

Esekelo 20:5

Ubaambile ayi nebo neMwaami Lesa Shinkusu shoonse ndaamba ayi, ‘Bushiku mbondakasala bene Isilaeli, ndakashomesha cakulumbila alyaansa litambikitwe mwiculu kubamulunyungu lwakwe Jakobo akuliyubulula kuli mbabo muIjipiti. Kaantambikite lyaansa mwiculu, ndakabaambila ayi, ndi Mwaami Lesa, Lesa wanu.

Esekelo 36:7

Paceebo ceeco nebo neMwaami Lesa Shinkusu shoonse ndaamba ayi, ‘Ndashomesha cakulumbila kaantambikite lyaansa lyangu mwiculu ayi mishobo imushingulukite ayalo ilaakusebaana.’

Esekelo 47:14

Ndakashomesha cakulumbila kaantambikite lyaansa lyangu kubamashali banu bakulukulu kwaamba ayi ndaakubapa cishi cino ayi ncabo. Aboobo mulyeelete kwaabana shipansha sheelene pakati kanu.

Danyelo 12:7

Munjelo uyo wakalinga kufwete shakufwala sha nsalu iteshimite alimwi uyo wakalinga kwiimfwi peculu lya maanshi wakatambika maansa obilo oonse kwiculu. Lyalo ndakamunyumfwa kaashomesha cakulumbila muliina lyakwe Lesa waLyoonse alyoonse ayi, “Ciindi ico cilaakuba ca myaaka yotatwe amusa. Mapensho eshi akese pabantu bakwe Lesa aakumana, shintu shoonse ishi shilaakwiinda.”

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Milimo ya Batumwi 17:23

Mukwiinga ndindakalinga kweendeenda mundabala yanu inene umu, ndakabona misena njemupaililaamo pamwi pacipaililo kapalembetwe ayi, ‘Kuli Lesa Utashibikitwe.’ Anu uyo eenka ngomulambila kamutamwishi, ngowooyo ngoontoomulwiitaawo bulya.

Bene Loma 1:20

Kuswabo lyeelyo Lesa ndyaakalenga cishi, bantu balakonsha kwishiba cakutatonsha kwaamba ayi nkusu shakwe tasheeli alimwi ayi ndushinisho nguLesa. Bantu balakonsha kwishiba shintu ishi kwiinda musheesho nshaakalenga. Aboobo taaku mpweenga bayubila mulandu.

Dutolonomi 32:40

Ndakonsha kutambika lyaansa kwiculu akushomesha cakulumbila ayi, mbocili lushinisho ayi nebo ndanooli muumi lyoonse,

Bene Ebulu 6:13

Ono Lesa ndyaakashomesha kupa Abulaamu cintu cimwi, wakalumbila ayi ulaakucita kweelana akushomesha kwakwe. Ono mukwiinga tekwakalinga umwi munene kwiinda pali nguwe, Lesa wakasebensesha liina lyakwe mwiine pakulumbila.

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Ciyubululo 10:2

Wakalinga kucite libuku liniini licalukite mulyaansa. Mpeeke mweendo wakululyo wakalinga kulyatite palweenge, awalo wakucipiko koolyatite petala.

Ciyubululo 14:7

Wakoolobesha ayi, “Amulemeke akulumbaisha Lesa mukwiinga ciindi nceelete koombolosha bantu boonse cashikila! Amumulambile uyo wakalenga liculu, cishi ca panshi, lweenge alimwi atuntupu twa maanshi!”

Ciyubululo 16:17

Munjelo wasanu abobilo alakwe wakapukwita shakalinga mumbale yakwe ifongomene mumuuwo. Mpomunyaawo liswi lyakoolobeshekwa kuswa pacuuna ca bwaami muŊanda yakwe Lesa kwiculu ayi, “Cacitika ono!”

Ciyubululo 4:11

“NoBaami baLesa, baLesa besu, mulyeelete kupekwa bulemu, mucinshi, alimwi ankusu mukwiinga ndimwe mwakalenga shintu shoonse. Ncakwiila kwiinda mukuyanda kwanu shoonse shakaba bweenka mboshibete alimwi shakaba abuumi.”

Ciyubululo 4:9

Ono na shilengwa shuumi ishi shone shapa bulemu, mucinshi alimwi akulumba kuli wooyo wakalinga kushiite pacuuna ca bwaami, muumi lyoonse alyoonse,