Ciyubululo 10:4 - Baibo Busansulushi Bwa Libuku Ili

⁴ Shilulumo ishi ndishakanyumfwika, ndakalinga kusuni kulemba, sombi ndakanyumfwa liswi kuswa kwiculu lyakwaamba ayi, “Utayubululi sheesho shilulumo shili shosanwe ashobilo nsheshaamba. Utashileembi, sobwe!”

Ciyubululo 10:4 ပူးပေါင်းရင်းမြစ်များ

Isaya 29:11

Aboobo busansulushi bwa maswi a bulaluki ali mucili anga nciloto bwashisikwa kuli ndimwe. Buli anga ndibuku lyakalamatikwa. Nabi mukaye kumuntu ucishi kubelenga akumwaambila ayi, “Twaseenga mutubelengeleko cintu ici,” ulaakukumbula ayi, “Nshikoonshi kucibelenga! Cililamatikitwe.”

Isaya 8:1

Ono Mwaami Lesa wakandwiita ayi, “Bwesa cakulembelaawo cinene ulembewo maswi aya mumabala anene anene ayi Maa Shalali Ashi Basi, nkokwaamba ayi kusaala kwakufwambaana, kubwesa buboni calubilo.

Isaya 8:16

Mwebo nobashikwiiya bangu, mulyeelete kulama akusunga kabotu maswi ayo Lesa ngwaandwiita.

Danyelo 12:4

Kuswawaawo wakandwiita ayi, “Ono webo Danyelo cala libuku ili akalamatila wakeshibilo kushikila kumeelelesho aciindi. Baanji balaakuya uku akooku kuya mukufusha busongo.”

Danyelo 12:9

Alakwe wakakumbula ayi, “Danyelo, nyamuka unooya. Maswi aya ngabushishi alimwi alyeelete kunooli abushishi kushikila kumeelelesho aciindi.

Danyelo 8:26

Cili anga nciloto ici ca milambu yamacolesha amacuunsa ncewapekwa cilaakucitika cancinencine. Nakubi boobo bulya cibebo cabushishi mukwiinga cilaakucitika kalekale.”

Dutolonomi 29:29

“Kuli shintu shimwi isho Mwaami Lesa, Lesa wesu nshaakatushisa. Sombi wakatuyubulwita Milawo yakwe kwaamba ayi swebo abamulunyungu lwesu tunooikonkela kwamuyayaya.

Ciyubululo 1:11

Liswi ilyo lyakanyumfwika ayi, “Shoonse nshootoobona, ushilembe mulibuku akulitumisha kushoonde ishi shili shosanwe ashobilo, nkokwaamba ayi kuEfeso, Simeena, Pegamamu, Tiyatila, Sadisi, Filadelufya alimwi aLawodisiya.”

Ciyubululo 1:19

Ono aboobo lemba shintu shoonse nshewabona, isho shitoocitika cino ciindi alimwi asheshi shikacitike kunembo.

Ciyubululo 10:8

Mpomunyaawo liswi ilyo ndindakalinga ndanyumfwa kuswa kwiculu, ndakalinyumfwa alimwi ayi, “Koya ukabwese libuku liniini licalukite mulyaansa lya munjelo wiimfwi palweenge alimwi apetala.”

Ciyubululo 22:10

Wakaŋambila alimwi ayi, “Utashisi maswi a bulaluki ali mulibuku ili ceebo ciindi ndyeshi shikacitike cili pafwaafwi.