Ciyubululo 10:3 - Baibo Busansulushi Bwa Libuku Ili

³ Lyalo wakoolobesha muliswi lyakanyumfwika anga nkubuluma kwa nkalamu. Ndyaakamana koolobesha, shilulumo shili shosanwe ashobilo shakanyumfwika.

Ciyubululo 10:3 ပူးပေါင်းရင်းမြစ်များ

Kulumbaisha 29:3

Liswi lya Mwaami Lesa lilanyumfwika pamaanshi, ncakwiila Mwaami Lesa shibulemu ulaluluma, ulaluluma peculu lya maanshi ayoosha.

Tushimpi 19:12

Bukali bwa mwaami buli anga nkubuluma kwa nkalamu. Sombi nkumbu shakwe shili anga ngumume kubwiisu.

Isaya 31:4

Mwaami Lesa wandwiita ayi, “Bweenka nkalamu mboibuluma, ee, bweenka nkalamu inene mboicemba pamunyama ngoyacata alimwi bweenka mboitaloondi beembeshi batooiyobelela nabi bafule buyani, mbweeke ubo taaku weshi akakonshe kukasha nebo neMwaami Lesa kufuna Kalundu ka Siyoni.

Isaya 42:13

Mwaami Lesa ulaya kunkondo mbuli muntu ucibwene kulwana. Ulalikalasha akulibambila kulwana bweenka bucita shilumamba mwiine mwiine. Ulaakoolobesha kutondesha ayi nkondo yatalika, ndushinisho ulaakukoma balwani bakwe.

Isaya 5:29

Bashilumamba abo balalilabo anga ninkalamu, ee, anga mbaana ba nkalamu abo babuluma na bacata munyama. Balamutolaanya cakubulaawo aukonsha kumufuna.

Jelemiya 25:30

“Ono webo Jelemiya ubasansulwite makani aya woonse akwaamba ayi, ‘Mwaami Lesa ulaakululuma kwiculu, Ulaakukalooka kumusena wakwe usalalite. Ulaakubulumina bantu bakwe. Ulaakoolobesha cankusu anga mbantu abo batyana minyansa, ee, koolobeshesha boonse bekala mucishi ca panshi.

Esekelo 10:5

Ono coongo ca mapapaminwa a bakelebu cakalinga kunyumfwika akulubansa lwa kunsengwe. Cakalinga kunyumfwika anga ndiswi lya Mwaami Lesa Shinkusu shoonse.

Osiya 11:10

“Nebo neMwaami Lesa ndaakubuluma anga ninkalamu abalo bana bangu balaakwisa kuswa kumbo kabesa citutuma.

Jowelo 3:16

Mwaami Lesa ulaakubuluma kuKalundu ka Siyoni akululuma kuswa kundabala inene ya Jelusalemu. Lyalo cishi ca panshi aliculu shilaakutenkaana. Sombi Mwaami Lesa ulaakuba ciyubilo ca bantu bakwe, ee, ulaakufuna bantu bakwe bene Isilaeli.

Amosi 1:2

Amosi wakaamba ayi, “Mwaami Lesa utoobuluma kuKalundu ka Siyoni akululuma kundabala inene ya Jelusalemu. Mafulo amana kuyuma. Bwiisu bwa peculu paKalundu ka Kamelo bwayuma.”

Amosi 3:8

Na nkalamu yalila, ngani utakoonshi kuloonda? Na Mwaami Lesa Shinkusu shoonse waamba, ngani weenga wakaka kwaambilisha maswi akwe?

Ciyubululo 14:2

Mpeeke ndakanyumfwa liswi kuswa kwiculu lyakalinga kunyumfwika anga ngamaanshi atoowoota alimwi anga ncilulumo cinene. Liswi ili lyakalinga kunyumfwika anga mbeshikulisha tulumbu baanji batoolisha.

Ciyubululo 15:1

Lyalo ndindakalanga mwiculu, ndakabona acimwi cintu cinene abuumbi alimwi cikankamika. Pakalinga baanjelo bosanwe abobilo alimwi amyaalu yosanwe ayobilo. Myaalu iyi njeyamamanino mukwiinga bukali bwakwe Lesa mpweshi bukamanine.

Ciyubululo 15:7

Mpomunyaawo cilengwa cimwi ca shilengwa shone isho shuumi, cakapa baanjelo abo bosanwe abobilo mbale shifongomene sha golodi, kashiswite bukali bwakwe Lesa muumi lyoonse alyoonse.

Ciyubululo 4:5

Mucuuna momunya umo mwakalinga kuboneka kubeka kwa mfula, kunyumfwika ciyobeyobe alimwi acilulumo. Kunembo lya cuuna kwakalinga kunyaka shimunimweenge shili shosanwe ashobilo. Isho njemishimu ili yosanwe ayobilo yakwe Lesa.

Ciyubululo 8:5

Lyalo munjelo wakabwesa cakubikamo tununkila kabotu cilya akubwesa makalangasha pacipaililo, wacisusha akuciwaala mucishi ca panshi. Mpomunyaawo kwakaba ciyobeyobe alimwi acilulumo, kubeka kwa mfula alimwi acitentanshi.