Ciyubululo 10:1 - Baibo Busansulushi Bwa Libuku Ili

¹ Kuswawaawo, ndakabona aumwi munjelo shinkusu kaaswa kwiculu. Wakalinga kupilite mulikumbi, kumutwi wakwe kwakalinga kushingulukite nkongolo. Ciwa cakwe cakalinga kubala anga ndisuba alimwi myeendo yakwe yakalinga anga njimyaalamyaala ya mulilo.

Ciyubululo 10:1 ပူးပေါင်းရင်းမြစ်များ

Kulumbaisha 104:3

Mwakayaka ŋanda yanu peculu lya maanshi a kwiculu. Mulasebensesha makumbi anga shikoci shanu sha nkondo. Muleendela pamapapaminwa a muuwo.

Kulumbaisha 97:2

Makumbi amunshinshe ushiya mbi shilimushingulukite. Bululami akoombolosha kwakutanyengelela shili anga ndwiimbi lwa cuuna ca bwaami bwanu.

Kulonga 16:10

Ono Aloni ndyaakalinga kwaamba, bene Isilaeli boonse bakacebukila muluyanga. Paciindi ceenka ico, bakabona bulemu bwa mwaami Lesa mulikumbi.

Lwiimbo lwakwe Solomoni 5:15

Myeendo yakwe ili anga ngamacinko a mabwe a alabasita, ayo ngobakeemika mushapanshi sha golodi. Ulicite bulemu anga ntulundu twa kuLebanoni tucite shisamu shilaamfu sha sida.

Isaya 19:1

Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Isaya 54:9

“Muciindi cakwe Nowa ndakashomesha ayi cishi ca panshi teshi nkacinyonyoolewo tubili amaanshi. Mbweeke ubo ndashomesha kutapulwitawo tubili bukali pali ndimwe. Teshi nkamukalalileewo nabi kumupa mulandu.

Malilo 3:44

Mwakalifwekelesha likumbi kwaamba ayi mutanoonyumfwa mipailo yesu.

Esekelo 1:28

Ono bweenka buboneka nkongolo mumakumbi pabushiku bwa mfula, mbweeke ubo bulemu bumushingulukite mbobwakalinga. Anu uyo ngowakalinga mumuni utowa uyo utondesha bulemu bwa Mwaami Lesa. Ndindakabubona, ndakafukama cakushisha ciwa panshi. Mpomunyaawo ndakanyumfwa liswi lyakalinga kwaamba kuli ndime.

Danyelo 10:6

Mubili wakalinga kuboneka anga ngamabwe amakwebo eetwa ayi kilisolaiti. Ciwa cakwe cakalinga kubeka anga ngamabeebe a mfula. Meenso akwe akalinga kunyaka anga ngumulilo. Maansaakwe amyeendo yakwe shakalinga kuboneka anga ngubulonse wafulwa. Liswi lyakwe lyakalinga kunyumfwika anga nciyobeyobe ca likoto linene lya bantu.

Danyelo 7:13

“Muciindi ca cili anga nciloto ico mashiku, ndakabona wakalinga kuboneka anga ngumwanaamuntu keesa mumakumbi a kwiculu. Ndyaakashika pafwaafwi, wakatondeshekwa kuli Lesa walyoonse alyoonse.

Bene Lefi 16:2

Wakaamba ayi, “Lwiita mukwanu Aloni ayi teelete kwiinjila muMusena Usalalite Wiindaawo uli kwisule lya cisani cakushitilisha kulilabo na wayanda, mukwiinga umo moombonekela mulikumbi peculu lya cifwekesho ca Libokoshi lya Cipangano. Na akabule kunyumfwila, ulaakufwa.

Mateyo 17:2

Mpomunyaawo mubili wakwe Jesu wakasanduka pameenso abo. Ciwa cakwe cakabala anga ndisuba ashalo shakufwala shakwe shakaboolabo tuu.

Luka 21:27

Lyalo balaakubona MwanaaMuntu keesa mulikumbi ankusu alimwi abulemu bukankamika.

Milimo ya Batumwi 26:13

Nobaami, twakalinga kuya bweenda munshila, lisuba kalili pakati ka mutwi, ndindakabona mumuni kuswa kwiculu. Mumuni uyu wakalinga kwiinda pamumuni wa lisuba alimwi wakabeka pali ndime abaabo mbondakalingaabo.

Ciyubululo 1:7

Amubone, utoosa amakumbi! Bantu boonse balaakumubona kubikaawo abaabo boonse bakamuyasa. Mishobo yoonse mucishi ca panshi ilaakulila ceebo ca nguwe. Ameni!

Ciyubululo 18:1

Kuswawaawo ndakabona munjelo umwi kaaswa kwiculu. Wakalinga kucite nkusu shiinji alimwi cishi coonse ca panshi cakabekabeka ceebo ca mumuni wakubala kwakwe.

Ciyubululo 18:21

Mpomunyaawo munjelo ucite nkusu wakabwesa libwe linene lili anga ndyakupelelaawo akuliwaala mulweenge kaamba ayi, “Mbweeke bulya ndabala inene ya Babiloni mbweshi ikanyonyoolwe, teshi ikabonekeewo alimwi!

Ciyubululo 20:1

Kuswawaawo ndakabona munjelo kaaswa kwiculu. Mulyaansa wakalinga kucite cakucalwisha cilindi citeeli alimwi ancetani inene.

Ciyubululo 4:3

Ciinso ca wooyo wakalinga kushiite pacuuna ico, cakalinga kubeka anga ngamabwe amakwebo abekabeka alimwi aasalala pyu. Cuuna ico cakalinga kushingulukitwe ankongolo yakalinga kuboneka anga ndibwe liitwa ayi emalodi.

Ciyubululo 5:2

Mpomunyaawo ndakabona munjelo ucite nkusu, uyo wakoolobesha ayi, “Ngani weelete kulamatula bakalamatila aba ayi acalule libuku ili?”

Ciyubululo 8:13

Mpomunyaawo ndakalangilisha akunyumfwa mumbankwashi wakalinga kuuluka mwiculu, kaaolobesha ayi, “Mapensho! Mapensho! Mapensho kubantu ba mucishi ca panshi ceebo ca sheesho sheshi shikacitike na baanjelo botatwe aba bacaala bakalishe mapeenga abo!”