Ciyubululo 1:5 - Baibo Busansulushi Bwa Libuku Ili

⁵ Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Ciyubululo 1:5 ပူးပေါင်းရင်းမြစ်များ

Kulumbaisha 51:2

Amunsaanshe kulubisha kwangu koonse, akunsalasha kuswa kushibiibi shangu.

Kulumbaisha 72:11

Bamaami boonse balaakufukama kunembo lyakwe. Ncakwiila mishobo yoonse ilaakumusebensela!

Kulumbaisha 89:27

Anebo ndaakumucita ayi abe mwanaangu mutaanshi, ndaakumusumpula kwiinda baami bamwi ba pacishi ca panshi.

Tushimpi 14:5

Kamboni walushinisho taambiwo shabubeshi, sombi kamboni mubeshi uloomputabo shakuumputa.

Isaya 55:4

Amubone, lakwe ndakamusala kuba kamboni kubantu boonse. Ndakamulengesha kuba mutanjilili wa mishobo imwi yoonse.

Danyelo 2:2

Lyalo wakeeta beshimampelampela, beshikusonda, baloshi alimwi abasongo ba shintu shili mwiculu kwaamba ayi bese bamusansulwite ciloto ico. Ndibakashika, bakeemikana kunembo lya mwaami.

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Bene Lefi 13:58

Na wacicapa, mpeeke kubunda kwamana, ulyeelete kucicapa alimwi. Lyalo cilaakunoosalalite kweelana aMilawo.”

Sekaliya 13:1

Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Joni 13:1

Kabutana kushikila bushiku bwa Pasika bwa kwiibaluka kusotokela, Jesu wakalinga kwishi ayi ciindi cashikila cakuswa mucishi ca panshi akuya kuli baIshi. Lakwe wakalinga kusuni bantu bakwe abo bakalinga mucishi alimwi wakabasunisha.

Joni 13:34

Ntoomupa mulawo upya wakwaamba ayi, ‘Amusunane.’ Bweenka mboomusuni nebo, amwebo mulyeelete kusunana.

Joni 15:9

Bweenka mbuli baTa mbobansuni, mboomusuni amwebo. Aboobo amukalilile mulusuno lwangu.

Joni 18:37

Aboobo Pilato wakeepusha ayi, “Nkokwaamba ayi uli mwaami?” Jesu wakakumbula ayi, “Waamba kabotu pakwaamba ayi ndi mwaami. Ncakwiila nceceeco ncendakashalilwa alimwi ncendakeshita mucishi ca panshi. Ndakesita kusansulula shalushinisho. Woonse uyo uli kulubasu lwa lushinisho, ulanyumfwa nsheŋamba.”

Joni 3:11

Ntookulwiita calushinisho ayi tulaamba nshetwishi akupa bukamboni bwa shintu nshetwakabona, sombi mwebo tamusumini maswi esu, sobwe.

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Joni 3:32

Lakwe ulaamba shintu nshaakabona akunyumfwa mwiine, nakubi boobo taakuuwo muntu ushoma nshaamba.

Milimo ya Batumwi 20:28

Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.

Milimo ya Batumwi 26:23

Usalitwe wakwe Lesa ulaakucaikwa akuba mutaanshi kubushikwa kuswa kubafu kwaamba ayi akashimikile baJuda abaswamashi bakunsengwe ayi inga bapulushikwa. Mpeeke lupulusho lulaakuba anga ngumumuni kuli mbabo.”

Bene Loma 3:25

Lesa wakamwaaba ayi acaikwe kwaamba ayi lufu lwakwe lube nshila yakulekelelamo shibiibi sha bantu bashoma Jesu. Ici ncitondesho ca bululami bwakwe. Kale kale Lesa wakalinga kulangabo shibiibi sha bantu ceebo ca nkumbu shakwe shakulekelela.

Bene Loma 8:37

Taaku, sombi mushintu shoonse ishi shitucitikila tulakoma kwiinda muli Klistu utusuni.

1 Bene Kolinto 6:11

Ubo mbobabete bamwi pakati kanu. Sombi bulya mwakasanshikwa mwasalashikwa alimwi mwakalulamikwa muliina lya Mwaami Jesu Klistu aMushimu wakwe Lesa.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

Bene Efeso 2:4

Sombi Lesa wakatusuna abuumbi ceebo ca nkumbu shakwe shiteelekwi.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Dutolonomi 18:2

Teshi bakapekweewo cipansha ca cishi mbuli mikowa imwi yoonse. Balo ncebakapekwa ncoolwe cakuba bapailishi ba Mwaami Lesa, Lesa wanu kweelana ambwaakashomesha.

Dutolonomi 23:5

Nacibi boobo Mwaami Lesa, Lesa wanu taakwe kunyumfwa shakaamba Balaamu, sombi wakaalula mashingo ayo kuba coolwe kuli ndimwe ceebo Mwaami Lesa, Lesa wanu ulimusuni abuumbi.

Dutolonomi 7:8

Sombi Mwaami Lesa wakamusuna akuyanda kucita kweelana ambwaakashomesha cakulumbila kubamashali banu bakulukulu. Nceceeco ncaakamupulushisha kwiinda munkusu shakwe shinene akumwaangulula kuswa munkusu shakwe Falawo mwaami wa cishi ca busha ca Ijipiti.

Bene Kolose 1:18

Lakwe ngomutwi wa mubili wakwe, nkokwaamba ayi coonde. Lakwe ngomatalikilo a coonde alimwi ngomutaanshi kubushikwa kuswa kubafu, kwaamba ayi abe mutaanshi pashintu shoonse.

1 Timoti 6:13

Ono ntookwaambila pameenso akwe Lesa upa buumi shintu shoonse apameenso akwe Klistu Jesu, uyo wakapa bukamboni bubotu pameenso akwe Pontyasi Pilato,

1 Timoti 6:15

Lesa ulaakumulengesha kuboneka paciindi ceelete, Lesa shicoolwe uli ngomweendeleshi eenkabo, mweendeleshi wa beendeleshi alimwi Mwaami wa baami.

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

1 Pita 1:19

Wakamulubula kwiinda mubulowa buyandika abuumbi bwakwe Klistu, uyo wakalinga anga ngumwanaambelele utacite kampenda nabi cimeenga.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

1 Joni 4:10

Lusuno lwancinencine mbulya mbolubete. Teshi kwaamba ayi swebo twakataanguna kusuna Lesa, sombi lakwe wakatusuna akutuma Mwanaakwe kwaamba ayi shibiibi shesu shilekelelwe.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 11:3

Ndaakutuma bakamboni bangu bobilo abo beshi bakanoofwete masaka kwisa mukumushimikila makani akwe Lesa kwanshiku shili cuulu amyaanda yobilo alimwi amakumi osanwe alyomwi.”

Ciyubululo 17:14

Balaakulwana aMwanaambelele, sombi Mwanaambelele uyu pantu pomwi abaabo mbwaakeeta akusala alimwi bashomeka kuli nguwe, balaakukoma bamaami abo mukwiinga lakwe nguMwaami wa bamaami alimwi nguMweendeleshi wa beendeleshi.”

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”

Ciyubululo 2:13

Utokwaamba ayi, ‘Ndishi nkookala. Ulekala kumusena Satana nkwaaendelesha. Ulashomeka kuli ndime alimwi tookwe kusowa lushomo lwako muli ndime nabi paciindi Antipasi, kamboni wangu ushomeka, ndyaakacaikwa. Wakacaikwa kumusena nkomunya kwikala Satana.

Ciyubululo 3:14

“Mutanjilili wa kucoonde ca kuLawodisiya umulembele ayi, “Aya ngamakani aamba wooyo uli ngoAmeni, kamboni ushomeka alimwi wancinencine. Ngomatalikilo a shintu shoonse Lesa nshaakalenga.

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.