Ciyubululo 1:4 - Baibo Busansulushi Bwa Libuku Ili

⁴ Ndime Joni nentoolembela ndimwe noshoonde shosanwe ashobilo shili mucishi ca Esha. Lesa uyo uliiwo, wakalingaawo alimwi weshi akanooliiwo amupe luse aluumuno. Ayalo mishimu yosanwe ayobilo ili kunembo lya cuuna cakwe ca bwaami imupe luse aluumuno.

Ciyubululo 1:4 ပူးပေါင်းရင်းမြစ်များ

Kulumbaisha 90:2

Tulundu kamutana kutulenga, ee, cishi kamutana kucibikaawo, mwebo muli baLesa kuswabo lili alili, alimwi munanoolibo baLesa kwamuyayaya.

Kulonga 3:14

Mpomunyaawo Lesa wakaamba ayi, “NDIME WOOYO NGOOMBETE. Anu ulyeelete kubalwiita ayi, ‘Uyo wiitwa ayi NDIME wantuma kuli ndimwe.’

Isaya 11:2

Mushimu wa Mwaami Lesa ulaakumuselukila, ee, Mushimu wa busongo akunyumfwishisha. NguMushimu wakupanda maano akupa nkusu. Mushimu wa lushibo akuloonda Mwaami Lesa.

Isaya 41:4

Ino ono ngani wakacita shintu shoonse ishi? Ngani wakayeeya kucita boobo kuswa kumatalikilo? Ndimeeke neMwaami Lesa. Kumatalikilo ndakalingaako akwalo kumeelelesho ndaakubaako.”

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Sekaliya 3:9

Bona, libwe ndindabika kunembo lyako webo Joshuwa. Palibwe ilyo pali meenso ali osanwe aobilo. Ntootalaawo malembo pali ndilyo alimwi ndaakukusha shibiibi sha cishi cino mubushiku bomwibo.

Sekaliya 4:10

Balityongwete ceebo ncito taitooya panembo. Sombi balaakubona Selubabelo kaayaka Ŋanda yangu iyi, lyalo balaakusangalala abuumbi.” Lyalo munjelo wakasansulula pacili anga nciloto ayi, “Malampi ali osanwe aobilo eemikanina meenso osanwe aobilo a Mwaami Lesa ayo abona pacishi ca panshi coonse.”

Sekaliya 6:5

Alakwe wakankumbula ayi, “Uyu njimyuuwo yone yaswa kunembo lya Mwaami Lesa wa cishi coonse ca panshi.”

Joni 1:1

Kumatalikilo a cishi uyo wiitwa ayi Liswi wakalingaako kale. Uyu Liswi wakalinga pantu pomwi aLesa alimwi nguLesa.

Milimo ya Batumwi 19:10

Paulo wakacita mbomunya ubo kwamyaaka yobilo. Aboobo bantu boonse bakalinga kwikala mucishi ca Esha, baJuda abaswamashi bakunsengwe, bakanyumfwa maswi aamba paMwaami Jesu.

Milimo ya Batumwi 2:9

Sobamwi tulaswa kucishi ca Paatiya, Mediya akuElamu, kuMesopotamya, Judeya, Kapadosiya, Pontusi alimwi akuEsha.

Bene Loma 1:7

Aboobo ntoolembela ndimwe noonse nomuli muLoma nomusunikwi aLesa alimwi nomwakeetwa kwaamba ayi mube bantu bakwe. Luse aluumuno shibe amwebo kuswa kuli Lesa Ishiwesu aMwaami Jesu Klistu.

1 Bene Kolinto 1:3

Luse aluumuno shibe amwebo kuswa kuli Lesa Ishiwesu aMwaami Jesu Klistu.

2 Bene Kolinto 1:2

Luse aluumuno shibe amwebo kuswa kuli Lesa Ishiwesu aMwaami Jesu Klistu.

Bene Ebulu 13:8

Jesu Klistu taasandooki. Bweenka mbwaakalinga ciilo, asunu mbwaabete alimwi mbweshi akabe myaaka yamuyayaya.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

Ciyubululo 1:1

Libuku ili lilaamba pashintu Lesa nshaakayubulwita Jesu Klistu. Lesa wakamuyubulwita shintu ishi kwaamba ayi akaboneshe basebenshi bakwe sheelete kucitika cakufwambaana. Alakwe Klistu wakeshibisha Joni musebenshi wakwe kwiinda mumunjelo ngwaakatuma.

Ciyubululo 1:11

Liswi ilyo lyakanyumfwika ayi, “Shoonse nshootoobona, ushilembe mulibuku akulitumisha kushoonde ishi shili shosanwe ashobilo, nkokwaamba ayi kuEfeso, Simeena, Pegamamu, Tiyatila, Sadisi, Filadelufya alimwi aLawodisiya.”

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

Ciyubululo 1:20

Anu nyenyeenshi shosanwe ashobilo shili mulyaansa lyangu lyalulyo alimwi ashakubikaawo malampi sha golodi shili shosanwe ashobilo shileemikanina makani abushishi aya. Nyenyeenshi shosanwe ashobilo mbamatanjilili ba shoonde shili shosanwe ashobilo. Ashalo shakubikawo malampi shosanwe ashobilo nshoonde shili shosanwe ashobilo.

Ciyubululo 1:8

“Nebo ndime Matalikilo alimwi aMamanino,” mbwaamba Mwaami Lesa Shinkusu shoonse, uyo uliiwo, wakalingaawo alimwi weshi akanooliiwo.

Ciyubululo 1:9

Ndime Joni mukwabanu alimwi muli Jesu ndi pantu pomwi amwebo mukupenshekwa, mubwaami alimwi amukutolelela kushoma mumapensho. Ndakawaalwa pansumbu ino ya Patimosi ceebo ndakashimikila maswi akwe Lesa alimwi alushinisho Jesu ndwaakayubulula.

Ciyubululo 16:5

Pesule, ndakanyumfwa munjelo weendelesha maanshi kaamba ayi, “Mwacita ciluleme pakoombolosha mwebo Nomusalalite, nomuliiwo alimwi nomushi mukabeewo!

Ciyubululo 2:12

“Mutanjilili wa kucoonde ca kuPegamamu umulembele ayi, “Aya ngamakani aamba wooyo ucite mupeeni ukolete koonse koonse.

Ciyubululo 2:18

“Mutanjilili wa kucoonde ca kuTiyatila umulembele ayi, “Aya ngamakani aamba Mwanaakwe Lesa, ucite meenso aboneka anga ngumulilo utoonyaka alimwi ashimpanta shibekabeka anga ngubulonse waswabo mukufulwa.

Ciyubululo 2:8

“Mutanjilili wa kucoonde ca kuSimeena, umulembele ayi, “Aya ngamakani aamba wooyo uli ngoMatalikilo alimwi aMamanino uyo wakafwa akuba abuumi.

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”

Ciyubululo 22:8

Nebo neJoni ndakanyumfwa alimwi akubona shintu ishi. Ono ndindakashinyumfwa akushibona, ndakafukama muliimfwa lya munjelo uyo wakambonesha shintu ishi ayi mulambile.

Ciyubululo 3:1

“Mutanjilili wa kucoonde ca kuSadisi umulembele ayi, “Aya ngamakani aamba wooyo ucite mishimu yakwe Lesa ili yosanwe ayobilo alimwi anyenyeenshi shili shosanwe ashobilo. Utokwaamba ayi, ‘Milimo yako ndiishi alimwi ulicite mpuwo ayi uli muumi, nakubi kwaamba ayi ulifwite.

Ciyubululo 3:14

“Mutanjilili wa kucoonde ca kuLawodisiya umulembele ayi, “Aya ngamakani aamba wooyo uli ngoAmeni, kamboni ushomeka alimwi wancinencine. Ngomatalikilo a shintu shoonse Lesa nshaakalenga.

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Ciyubululo 4:5

Mucuuna momunya umo mwakalinga kuboneka kubeka kwa mfula, kunyumfwika ciyobeyobe alimwi acilulumo. Kunembo lya cuuna kwakalinga kunyaka shimunimweenge shili shosanwe ashobilo. Isho njemishimu ili yosanwe ayobilo yakwe Lesa.

Ciyubululo 4:8

Cilengwa cuumi coonse cakalinga kucite mapapaminwa ali osanwe alyomwi ayo akalinga kuswitebo meenso, mukati apansengwe. Malumwi amashiku teshakalinga kucileka kwiimba ayi, “Ulisalalite, Ulisalalite, Ulisalalite, Mwaami Lesa Shinkusu shoonse, wakalingaawo, uliiwo alimwi weshi akanooliiwo!”

Ciyubululo 5:6

Pesule, ndakabona Mwanaambelele kaaimfwi pakati ka cuuna ca bwaami, kaashingulukitwe ashilengwa shuumi isho shone abamaloba abo. Mwanaambelele wakalinga kuboneka anga wacaikwa. Wakalinga kucite meeca osanwe aobilo alimwi ameenso osanwe aobilo. Meenso ayo njemishimu yosanwe ayobilo yakwe Lesa iyo lakwe njaakatuma mucishi coonse ca panshi.

Ciyubululo 8:2

Lyalo ndakabona baanjelo bosanwe abobilo beemikana kunembo lyakwe Lesa, kabapekwa mapeenga ali osanwe aobilo.