Bene Loma 9:4 - Baibo Busansulushi Bwa Libuku Ili

⁴ Aba mbene Isilaeli abo Lesa mbaakasala ayi babe bana bakwe akubabonesha bulemu bwakwe. Lesa wakapanganaabo shipangano alimwi akubapa Milawo. Wakabeeisha mbobeelete kumulambila akubalasha shintu nsheshi akabacitile.

Bene Loma 9:4 ပူးပေါင်းရင်းမြစ်များ

Matalikilo 15:18

Lyalo apo peenka Mwaami Lesa wakapanga cipangano aAbulamu wakaamba ayi, “Ndashomesha kupa bamulunyungu lwako cishi coonse ici kuswa kumanyinsa aIjipiti kushika akuMulonga wa Yufuletisi,

Matalikilo 17:10

Webo abamulunyungu lwako mulyeelete kusumina kupalula basankwa boonse pakati kanu.

Matalikilo 17:2

Ndaakupanga cipangano cangu andiwe akukupa bamulunyungu lwako baanji.”

Matalikilo 17:7

“Ndaakucita mbondashomesha kuli ndiwe akubamulunyungu lwako mumyaaka iinji itoosa kweelana ambocili ncipangano camuyayaya. Ndaakuba Lesa wako awa bamulunyungu lwako.

Matalikilo 32:28

Mpomunyaawo musankwa uyo wakaamba ayi, “Liina ilyo sunu lyamana. Walwishanya aLesa alimwi abantu sombi wakooma. Paceebo ceeco liina lyako ono litooba Isilaeli.”

1 Baami 8:11

Likumbi ilyo lyakalinga kubengeshima kumumuni wa bulemu bwa Mwaami Lesa. Aboobo bapailishi bakaalilwa kuboolela mukati kuya mukucita milimo yabo.

Neyemiya 13:29

NobaLesa bangu, amwiibaluke bantu aba mbobakabisha bupailishi acipangano ca bupailishi aca bene Lefi.

Kulumbaisha 147:19

Wakayubulwita Jakobo maswi akwe. Wakayubulula milawo amilasho yakwe kubene Isilaeli.

Kulumbaisha 63:2

Ntookumbwa kumubonaawo mumusena wanu usalalite, akubonaawo nkusu shanu alimwi abulemu bwanu.

Kulumbaisha 73:1

Ncakwiila Lesa ngumubotu kubene Isilaeli, kubantu batacite kampenda.

Kulumbaisha 78:61

Lyalo wakasuminisha balwani babo kwaamba ayi babwese Libokoshi lya Cipangano cakwe ilyo lyakalinga citondesho ca nkusu abulemu bwakwe mwiine.

Kulumbaisha 89:3

Mwebo mwakaamba ayi, “Ndacita cipangano amuntu ngondakasala. Ndakashomesha cakulumbila kuli Defedi musebenshi wangu ayi,

Kulumbaisha 89:34

Teshi nkapwayewo cipangano cangu, nabi kubula kucita kweelana akushomesha kwangu kuli koonse.

Kulumbaisha 90:16

Amututondeshe milimo ikankamika sobasebenshi banu. Amusuminishe bamulunyungu lwesu kubona nkusu shanu sha bulemu.

Kulonga 12:25

Na mukashike mucishi ico Mwaami Lesa ncaakamushomesha kumupa, mulyeelete kunoosekelela kweelana ambondamulwiita.

Kulonga 34:27

Lyalo Mwaami Lesa wakaambila Mose ayi, “Lemba maswi oonse aya mukwiinga cipangano cesu awebo alimwi a bene Isilaeli cili pamaswi ngomunya aya.”

Kulonga 4:22

Anu webo ulyeelete kumulwiita ayi nebo neMwaami Lesa ndaamba ayi, ‘Isilaeli ngomwanaangu musankwa wakwiiya.

Kulonga 40:34

Mpeeke likumbi lyakafwekelesha Tente ya Cipangano akwiisusha bulemu bwa Mwaami Lesa.

Isaya 41:8

“Sombi mwebo nobene Isilaeli nobasebenshi bangu, nobamulunyungu lwakwe Jakobo, bantu mbondakasala, ee, nobamulunyungu lwakwe Abulaamu mweensuma,

Isaya 46:3

Mwaami Lesa waamba ayi, “Amukutike ono nobamulunyungu lwakwe Jakobo, ee, mwebo nomwakacaalaawo pabantu bangu bene Isilaeli. Ndamulama kuswa kuciindi ndimwakamitwa, ncakwiila kumulama kuswa ciindi ndimwakashalwa.

Isaya 5:2

Wakaulima akukushaamo mabwe oonse. Lyalo wakashangaamo minyansa iindaawo kubota. Mumuunda uyo wakayakaamo katungu akukabaamo cilindi cakutyaninaamo minyansa. Wakalinga kushomete ayi mulaakuswa shisepo shibotu, sombi mwakaswa minyansa iyo yakalinga kusakamwita.

Isaya 60:19

“Lisuba lilaakucileka kuba ngomumuni wako malumwi, nabi mweenshi kukupa mumuni mashiku, ceebo nebo neMwaami Lesa ndimeshi nkabe mumuni wako kwalyoonse alyoonse. Nebo neLesa wako neenka ndaakuba bulemu bwako.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

Jelemiya 31:9

Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Esekelo 1:28

Ono bweenka buboneka nkongolo mumakumbi pabushiku bwa mfula, mbweeke ubo bulemu bumushingulukite mbobwakalinga. Anu uyo ngowakalinga mumuni utowa uyo utondesha bulemu bwa Mwaami Lesa. Ndindakabubona, ndakafukama cakushisha ciwa panshi. Mpomunyaawo ndakanyumfwa liswi lyakalinga kwaamba kuli ndime.

Osiya 11:1

Mwaami Lesa waamba ayi, “Isilaeli ndyaakalinga mwaana ndakalinga kumusuni abuumbi alimwi ndakeeta mwanaangu uyo ayi aswe muIjipiti.

Shakubelenga 7:89

Ono Mose ndyaakenjila muTente ya Cipangano mukwaamba aMwaami Lesa, wakanyumfwa lakwe kaamwaambila kuswa pakati ka shintu shobilo shicite mapapaminwa shiitwa ayi bakelebu peculu lya cifwekesho ca nkumbu paLibokoshi lya Cipangano.

Mateyo 21:33

Jesu wakabaambila ayi, “Amunyumfwe cikoshanyo acimwi. Kwakalinga muntu wakalima muunda wa minyansa, akuyakilako lushito mweela muunda. Wakakaba cilindi cakutyaninamo minyansa alimwi akuyaka katungu kalaamfu kakulindililamo muunda. Lyalo wakoobwelekesha balimi bamwi, akuya lweendo kucishi cimwi.

Joni 1:17

Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.

Joni 1:47

Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.”

Milimo ya Batumwi 2:39

Mukwiinga Lesa nshaakashomesha, wakashomesha ndimwe abana banu alimwi abaabo boonse bali kulaale, abo Mwaami Lesa mbwaaita.”

Bene Loma 3:2

Muli mpindu inene abuumbi ceebo Lesa wakataanguna kupa baJuda makani akwe kwaamba ayi baalaame.

Bene Loma 8:15

Mukwiinga Mushimu ngomwakatambula toomwaaluli basha akumulenga boowa. Sombi ulamulengesha kuba bana bakwe Lesa. Ncakwiila munkusu sha Mushimu uyu tuleeta Lesa ayi, “Aba,” nkokwaamba ayi, “Ta!”

Bene Loma 9:6

Ono nshintokwaamba ayi Lesa taakwe kucita kweelana akushomesha kwakwe ceebo teshi bene Isilaeli boonse babandwa ayi mbantu bakwe Lesa cancinencine.

2 Bene Kolinto 11:22

Sa balo mbaEbulu? Anebo ndi muEbulu. Sa mbene Isilaeli? Anebo ndi mwine Isilaeli. Sa mbamulunyungu lwakwe Abulaamu? Anebo ngumushobo womwi.

Bene Galatiya 3:16

Anu Lesa wakashomesha Abulaamu shintu shimwi alimwi aumwi wamulunyungu lwakwe. Taakwe kwaamba ayi, “Bamulunyungu lwako” anga mbaanji, sombi ayi, “Wamulunyungu lwako” ceebo wakalinga kwaambabo muntu womwi, Klistu.

Bene Efeso 2:12

Ono amuyeeye ayi paciindi ico mwakalinga bantu bateshi Klistu. Mwakalinga baswamashi batasalitwe aLesa. Temwakalingaako lubasu kushipangano Lesa nshaakapanga abantu bakwe isho shakalinga kwiimfwi pasheesho Lesa nshaakabashomesha. Mwakalinga kushiitebo mucishi ca panshi kwakubula ancemwakalinga kulangila, kamuteshi aLesa.

Dutolonomi 14:1

“Mwebo muli bantu ba Mwaami Lesa, Lesa wanu. Paceebo ceeci, na mulicite cililo, tamweelete kulinengoola nabi kucesa misusu palumbwiishi.

Dutolonomi 29:1

Maswi aya nga mucipangano ca Mwaami Lesa ico ncaakaambila Mose ayi apange abene Isilaeli mucishi ca Moabu. Uku nkwiilikoobo pacipangano cakwe ambabo paKalundu ka Sinayi.

Dutolonomi 29:14

Cipangano cakulumbila ici ca Mwaami Lesa, tacikumitebo kuli ndimwe nweenka, sobwe.

Dutolonomi 31:16

Mwaami Lesa wakaambila Mose ayi, “Webo utoofwa onoono, ono na ufwe, bene Isilaeli balaakucileka kushomeka kuli ndime akutalika kulambila balesa beensu ba mucishi ico ncebatooyaamo. Balaakunkaka akupwaya cipangano cili pakati pali mbabo anebo.

Dutolonomi 4:13

Wakamulwiita ncemweelete kucita mukulama cipangano ncaakapanga amwebo. Mulyeelete kukonkela Milawo ili Likumi iyo njaakalemba pamabwe obilo apampamene.

Dutolonomi 7:6

Mukacite boobo ceebo muli bantu ba Mwaami Lesa, Lesa wanu, alimwi mulisalalite. Mwaami Lesa wakamusala ayi mube bantu bakwe kuswa pakati ka mishobo imwi yoonse ili pacishi ca panshi ipusenepusene.

Bene Ebulu 9:1

Cipangano citaanshi cakalinga kucite milawo yakulambililaamo Lesa kubikaawo alimwi amusena wakulambililaamo wakayaka bantu.

Bene Ebulu 9:10

Mukwiinga shilaambabo pashakulya, shakunwa alimwi anshila shakulisalashilaamo shipusenepusene. Yoonse iyi njimilawobo itakumite kumoyo wa muntu, itoosebensa kushikila Lesa ndyeshi akalenge shintu shoonse cipya.

Bene Ebulu 9:3

Kwisule lya cisani cakalinga kushitilisha mwakalinga cipinda cakalinga kwiitwa ayi Musena Usalalite Wiindaawo.

Bene Ebulu 9:5

Ono peculu paLibokoshi ili, pakalinga shintu shicite mapapaminwa shiitwa ayi bakelebu isho shakalinga kubonesha ayi Lesa mpwaali. Mapapaminwa a nshisho akalinga kufwekelesha cifwekesho ca Libokoshi apo pakalinga kulekelelwa shibiibi. Sombi bulya inga tacikonsheki kusansulula kabotu shoonse.

Bene Ebulu 9:6

Anu mbulya shintu mboshakalinga kubambitwe muTente. Bapailishi bakalinga kwinjila mucipinda citaanshi ca muTente lyoonse mukusebensa milimo yabo ya bupailishi.