Bene Loma 7:9 - Baibo Busansulushi Bwa Libuku Ili

⁹ Kaantana kwishiba bwaamba Milawo ndakalinga muumi, sombi ndindakeshiba shaMilawo kuyandishisha kubisha kwakakomena, kweelana ambocibete ndakafwa.

Bene Loma 7:9 ပူးပေါင်းရင်းမြစ်များ

Kulumbaisha 40:12

Nebo ndisakatitwe amapensho aanji koonse koonse, shibiibi shangu shafulisha abuumbi cakuncala ameenso. Ee, shiinji kwiinda misusu yangu ili mumutwi. Paceebo ceeco ndatyongola abuumbi mumoyo wangu.

Mateyo 19:20

Musankwa uyo wakakumbula ayi, “Milawo yoonse iyi ndaikonkela. Ino cimwi cacalaako nciinshi?”

Luka 15:29

Sombi wakakumbula baishi ayi, ‘Amubone! Myaaka kufula njindamusebensela anga ngumusha alimwi nshina kumubishishaawo napaceyi. Sombi tamuna kumpaawo kale nabibo kapongo kwaamba ayi nsekelele abeensuma.

Luka 18:21

Musankwa uyo wakakumbula ayi, “Iyi milawo yoonse ndeekonkela kuswa kubwanike bwangu.”

Bene Loma 10:5

Kweelana acikani cakululamikwa kwiinda mukukonkela Milawo, Mose wakalemba ayi, “Uyo woonse ukonkela Milawo, ulaakuba abuumi.”

Bene Loma 7:10

Mpeeke Milawo yakalinga kweelete kuletela bantu buumi, nebo yakandetela lufu.

Bene Loma 7:11

Ceebo bubi bwakacana nshila muMilawo alimwi kwiinda muMilawo bwakambeca akuncaya.

Bene Loma 7:4

Mbocibete akuli ndimwe nobamakwesu. Kweelana amakani aMilawo mwebo mwakafwa akuba shipansha sha mubili wakwe Klistu, uyo wakabushikwa kuswa kubafu kwaamba ayi tusebensele Lesa milimo ibotu.

Bene Loma 7:6

Ono Lesa wakatwaangulula kuswa kuMilawo mukwiinga twakafwa kuli njiyo yakalinga kutwaangite. Aboobo mubwikaalo bukulukulu bwakukonkelabo Milawo ilembetwe twakaswaamo, bulya Mushimu Usalashi ngootucafwa kusebensela Lesa munshila ipya.

Bene Loma 7:8

Sombi kwiinda muMilawo iyi, bubi bwakacana nshila yakulengesha miyeeyo yakukumbwa shintu shimwi shoonse muli ndime. Ceebo na taaku Milawo, bubi tabucite nkusu.

Bene Loma 8:7

Aboobo na muntu kaasunibo shiyanda mubili wakwe, ulaba mulwani wakwe Lesa mukwiinga taakonkeli milawo yakwe Lesa, ncakwiila inga taacikoonshi.

Bene Galatiya 2:19

Kweelana akukonkela Milawo, nebo ndifwite ceebo Milawo yeenka iyo yakancaya kwaamba ayi nsebensele Lesa amoyo wangu woonse.

Bene Galatiya 3:10

Paceebo ceeco, boonse abo basuni kululamikwa pameenso akwe Lesa kwiinda mukukonkela Milawo, balishinganishitwe. Mukwiinga Malembo akwe Lesa alaamba ayi, “Uyo woonse utaciti shoonse shilembetwe muMilawo yakwe ulishinganishitwe kuli Lesa.”