Bene Loma 7:4 - Baibo Busansulushi Bwa Libuku Ili

⁴ Mbocibete akuli ndimwe nobamakwesu. Kweelana amakani aMilawo mwebo mwakafwa akuba shipansha sha mubili wakwe Klistu, uyo wakabushikwa kuswa kubafu kwaamba ayi tusebensele Lesa milimo ibotu.

Bene Loma 7:4 ပူးပေါင်းရင်းမြစ်များ

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Isaya 62:5

Bweenka musankwa cikula bwangu mbwaaeba mwanakashi mooye, mbweeke ubo alakwe Mwaami Lesa mbweshi akakweebe. Bweenka shibwiinga mbwaasangalala pali nabwiinga wakwe, mbweeke ubo alakwe Mwaami Lesa mbweshi akanoosangalala pali ndiwe.

Mateyo 26:26

Ndibakalinga kulya, Jesu wakabwesa cimaande, walumba Lesa, akukomoona wapa bashikwiiya akubalwiita ayi, “Amutambule mulye, uyu ngumubili wangu.”

Maako 4:20

Sombi bantu bamwi bali anga nimbuto yakashangwa mubulongo bubotu. Balanyumfwa maswi akwe Lesa, baatambula, baashoma alimwi akucata shisepo. Bamwi balacata shili makumi otatwe, bamwi makumi osanwe alyomwi alimwi bamwi mwaanda.”

Joni 15:8

Na kamucata shisepo shiinji, ico inga caletela bulemu baTa, alimwi cilaakutondesha ayi muli bashikwiiya bangu bancinencine.

Joni 3:29

Uyo ucite nabwiinga ngushibwiinga. Nakubi boobo mubye shibwiinga uleemikana pafwaafwi akumukutika. Na wanyumfwa liswi lyakwe ulasangalala abuumbi. Mbweeke ubo anebo ndasangalala abuumbi.

Joni 6:51

Ndi cakulya cipa buumi cakaswa kwiculu. Na muntu uli woonse walya cakulya ici, ulaakuba abuumi butamaani. Cakulya ico nceshi nkamupe ngumubili wangu, uyo ngweshi nkape ayi bantu boonse ba mucishi ca panshi babe abuumi.”

Bene Loma 6:11

Mbweeke ubo amwebo mulyeelete kunooyeeya ayi mulifwite munkusu shakubisha, sombi mulekala mubuumi bwakusangalasha Lesa kwiinda muli Klistu Jesu.

Bene Loma 6:14

Nkokwaamba ayi tamweelete kusuminisha bubi ayi bumweendeleshe ceebo ceendelesha buumi bwanu teshi Milawo, sombi nduse lwakwe Lesa.

Bene Loma 6:2

Sobwe napaceyi! Kweelana amakani abubi swebo twakafwa, ono inga twatolelela buyani kwikala mububi?

Bene Loma 6:22

Ono bulya mwakaangululwa kuswa kububi, muli basha bakwe Lesa. Mpindu yanu mbuumi bululeme ubo buletela buumi butamaani.

Bene Loma 7:3

Paceebo ceeco na mwanakashi weebetwe wakumana amusankwa umwi ibaye kaacili muumi, nkokwaamba ayi wacita bulale. Sombibo na ibaye wafwa mwanakashi ulaangululwa kumulawo wa cikwati. Aboobo na weebwa kumusankwa umwi teshi kucita bulale.

Bene Loma 7:6

Ono Lesa wakatwaangulula kuswa kuMilawo mukwiinga twakafwa kuli njiyo yakalinga kutwaangite. Aboobo mubwikaalo bukulukulu bwakukonkelabo Milawo ilembetwe twakaswaamo, bulya Mushimu Usalashi ngootucafwa kusebensela Lesa munshila ipya.

Bene Loma 8:2

Ceebo kweendeleshekwa aMushimu Usalashi uko kuleta buumi kwiinda muli Klistu Jesu, kwaŋangulula kumulawo wa bubi uyo uleta lufu.

1 Bene Kolinto 10:16

Sa te nditunwita munkomeshi iyo njetulumba kuli Lesa, tulabaana bulowa bwakwe Klistu? Nditulya shinkwa uyo ngotukomoona, sa te tulabaana mubili wakwe Klistu?

2 Bene Kolinto 11:2

Ndamufwita munyono bweenka mbuli Lesa. Mwebo muli anga ngumooye utana kukumanawo kale amusankwa, uyo ngondakamamikisha kumusankwa womwibo, Klistu.

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

Bene Galatiya 5:18

Sombi na Mushimu Usalashi ngoomutanjilila, nkokwaamba ayi tamweendeleshekwi aMilawo.

Bene Efeso 2:15

Lakwe wakamanisha Milawo akwiisha koonse kwa baJuda ayi pamishobo yobilo ilya, apange mushobo womwi muli nguwe akuleta luumuno munshila yeeyo.

Bene Filipi 1:11

Buumi bwanu bulaakutondesha micito ya bululami, iyo iswabo kuli Jesu Klistu, kwaamba ayi boonse balemeke akulumbaisha Lesa.

Bene Filipi 4:17

Teshi kwaamba ayi ndisuni kunootambulabo shipo, sombi ayi mpindu yanu ikomeneneeko.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Kolose 1:22

Sombi bulya kwiinda mulufu lwa Mwanaakwe, Lesa walengesha ayi mube beshicibusanyina. Wakacita boobo kwaamba ayi mwiimikane kamusalalite, kamutacite kampenda alimwi kamutacite cibiibi cili coonse pameenso akwe.

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Bene Kolose 2:14

Wakashiminganya milandu yesu alimwi aMilawo ya njiyo yoonse, akwiimanisha kwiinda mukwiipopa pamucilingano.

Bene Kolose 2:20

Mwebo mwakafwa pantu pomwi aKlistu, aboobo tamubeteko lubasu kushintu sha kwishibila kwa mucishi ca panshi. Ceebonshi mucicita anga mbantu bacite buumi bwa mucishi? Ceebonshi mulakonkela milawo yakwaamba ayi,

Bene Ebulu 10:10

Ceebo Jesu Klistu wakacita ceeco Lesa ncaakalinga kusuni ayi acite, twakasalashikwa kwiinda mukubenga mubili wakwe linkanda lyomwibo ndondoli kwiimikanina bantu boonse.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

Ciyubululo 19:7

Atusangalale akukondwa, tulumbaishe bulemu bwakwe! Mukwiinga ciindi cakusekelela bwiinga bwa Mwanaambelele cashikila, alakwe mwanakashi ngwaatokweeba walibambila kale.

Ciyubululo 21:9

Umwi munjelo pabaabo bali bosanwe abobilo bakalinga kucite mbale shifongomene shili shosanwe ashobilo, isho shakalinga kuswite myaalu yamamanino ili yosanwe ayobilo, wakesa mukundwiita ayi, “Kosa nkuboneshe mwanakashi uyo weshi akeebwe kuMwanaambelele.”