Bene Loma 7:18 - Baibo Busansulushi Bwa Libuku Ili

¹⁸ Ndishi kwaamba ayi moyo wangu tookoonshi kunengesha kucita cintu cibotu mubuumi bwa buntu. Nakubi kwaamba ayi ndisuni kucita cintu cibotu, sombi ndaalilwa kucicita.

Bene Loma 7:18 ပူးပေါင်းရင်းမြစ်များ

Matalikilo 6:5

Ono Mwaami Lesa ndyaakabona mbuli womwi awomwi pacishi ca panshi mbwaakalinga mububi, akubica kwa miyeeyo yabo ciindi coonse,

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

Jobo 14:4

Anu ngani ukonsha kukusha cintu cisalalite kuswa mucintu citasalalite? Ncakwiila taaku nabi womwi weenga wacita boobo.

Jobo 25:4

Ino muntu inga walulama buyani pameenso akwe Lesa? Anu muntu wakashalwa kumwanakashi inga wabula buyani kampenda?

Kulumbaisha 119:173

Kamulibambite kuncafwa lyoonse mukwiinga ndakasala kukonkela milasho yanu.

Kulumbaisha 119:176

Ndeengaila anga nimbelele isowekete. Amunyandoole nemusebenshi wanu, ceebo nshilubiiko milawo yanu.

Kulumbaisha 119:32

Ndeenda munshila ya milawo yanu ceebo mwakaangulula moyo wangu ayi kaamunyumfwila.

Kulumbaisha 119:40

Amubone mboonsunishi kukonkela milawo yanu, amumpe buumi bupya ceebo mwebo muliluleme.

Kulumbaisha 119:5

Inga cambotela abuumbi kushomeka kwaamba ayi nokweenda munshila shanu.

Kulumbaisha 51:5

Nebo ndakalinga mucita shibi kuswabo kukushalwa, ncakwiila mucita shibi kuswabo bushiku bama mbobakamita.

Isaya 64:6

Soonse twalinga kubisha kuswabo kale kale. Nabi micito yesu ibotu ilibo anga ncakufwala cishipite citoonunka. Twanyana kushibiibi shesu cakuba anga nditewu alimwi shibiibi shesu nshemunya shitootuululusha anga ncipuupu.

Mateyo 15:19

Mukwiinga mumoyo momuswa miyeeyo ibiibi, ya bucayi, bulale, bufuule, bwiipi, bukamboni bwakubeca alimwi abufuyishi.

Luka 11:13

Ono na mwebo, nobantu nobeshishibi, kamwishi kupa bana banu shipo shibotu, ino lakwe Ishiwanu wa kwiculu inga waalilwa buyani kupa Mushimu Usalashi kubaabo bamusenga?”

Joni 3:6

Ushalwa kumuntu ngumuntu, sombi uyo ushalwa kuMushimu Usalashi ngumushimu.

Bene Loma 13:14

Tatweelete kubika maano musheesho shiyanda mubili, sombi Jesu Klistu abe nsheshakulwanisha shesu.

Bene Loma 7:15

Nshishi na nciinshi nceencita ceebo nshiciti ceeco nceensuni ayi ncite, sombi ndacita ceeco nceempatite.

Bene Loma 7:19

Nshiciti cintu cibotu ico nceensuni kucita, sombi ndacita bubi mbontasuni kucita.

Bene Loma 7:25

Aalumbwe Lesa eshi akamfuune kwiinda muli Jesu Klistu Mwaami wesu! Anu mbulya mboombete, nebo nemwiine ndisuni kukonkela Milawo yakwe Lesa, sombi kwiinda mulunkumbwa ndakonkela mulawo untola kububi.

Bene Loma 7:5

Ceebo nditwakalinga kwikala mubuumi bwa buntu, kuyandishisha kubisha uko kwakayuminishikwa aMilawo, kwakalinga kweendelesha buumi bwesu. Aboobo kwakatuletela lufu.

Bene Galatiya 5:17

Mukwiinga buumi bwa buntu ubo bulisuni sheesho shitasuni Mushimu Usalashi, ashalo shisuni Mushimu Usalashi teshi nshesheesho shisuni buumi bwa buntu. Shintu shobilo ishi tasheendelani, nkokwaamba ayi inga tamuciti shibotu isho nshemusuni kwaamba ayi mucite.

Bene Galatiya 5:24

Ono abo bali kulubasu lwakwe Klistu bakapopa buumi bwa buntu alimwi asheesho shoonse shisuni buumi ubo pamucilingano.

Bene Filipi 2:13

Mukwiinga Lesa ngoosebensa muli ndimwe ayi muyande akucita shintu kweelana amuyeeyo wakwe.

Bene Filipi 3:12

Nshintokwaamba ayi ndashitambula kale, sombi ntoocica kwaamba ayi nkatambule shoolwe ishi mukwiinga ncaakancatila Klistu Jesu ayi mbe waakwe.

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

1 Pita 4:2

Paceebo ceeco, mubuumi bwanu bwa mucishi ca panshi tamweelete kukonkela shiyanda mibili yanu, sombi shiyanda Lesa.