Bene Loma 6:4 - Baibo Busansulushi Bwa Libuku Ili

⁴ Aboobo kwiinda mukubombekwa kwesu, cili anga twakafwa akufukilwa pantu pomwi anguwe kwaamba ayi bweenka Jesu Klistu mbwaakabushikwa kuswa kubafu kwiinda mubulemu bwa nkusu sha baIshi, aswebo twikale mubuumi bupya.

Bene Loma 6:4 ပူးပေါင်းရင်းမြစ်များ

2 Bene Kolinto 5:17

Aboobo na muntu waba muli Klistu ulaba abuumi bupya. Shikulukulu shamana, nkokwaamba ayi shoonse shaba shipya.

Bene Kolose 3:10

akwinjila mubuumi bupya. Buumi ubu Mulengi wanu utoobubotesha lyoonse mucikoshanyo cakwe kwaamba ayi mumwishibe kabotu.

Bene Loma 7:6

Ono Lesa wakatwaangulula kuswa kuMilawo mukwiinga twakafwa kuli njiyo yakalinga kutwaangite. Aboobo mubwikaalo bukulukulu bwakukonkelabo Milawo ilembetwe twakaswaamo, bulya Mushimu Usalashi ngootucafwa kusebensela Lesa munshila ipya.

1 Pita 3:21

Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.

Bene Loma 6:9

Tulishi kwaamba ayi Jesu Klistu wakabushikwa kuswa kubafu alimwi teshi akafweewo. Aboobo lufu talucite nkusu alimwi pali nguwe.

2 Bene Kolinto 13:4

Ceebo nabi wakapopwa pamucilingano mukulefuka kwa buntu, ngumuumi kwiinda munkusu shakwe Lesa. Tulilefukite muli nguwe, sombi munkusu shakwe Lesa tulaakuba boomi anguwe kwaamba ayi tukamucite bweelete.

Bene Loma 6:3

Sa tamwishi kwaamba ayi swebo soonse nditwakabombekwa twakaba womwi aJesu Klistu? Kwiinda mukubombekwa uko twakaba womwi anguwe mulufu lwakwe.

1 Joni 2:6

Uyo waamba ayi uli muli Lesa, alakwe ulyeelete kwikala bweenka bwakekala Jesu Klistu.

1 Bene Kolinto 6:14

Lesa wakabusha Mwaami Jesu kuswa kubafu, ulaakutubusha aswebo kwiinda munkusu shakwe.

Bene Loma 8:11

Na Mushimu wakwe Lesa uyo wakabusha Jesu Klistu kuswa kubafu uli muli ndimwe, anu Lesa eenka uyo wakabusha Klistu kuswa kubafu, ulaakubusha mibili yanu ifwa kwiinda muMushimu wakwe uli muli ndimwe.

Bene Efeso 4:17

Ono muliina lya Mwaami, ntoomulwiita amoyo woonse ayi tamweelete kunookala anga mbakunsengwe mukwiinga nshebayeeya taaku mboshibete

Bene Loma 6:19

Amuleke nsebenseshe cikoshanyo ca shintu shicitika lyoonse kwaamba ayi munyumfwishe. Pakutaanguna mwakalinga mwalibenga nobeene amyoyo yanu yoonse kwaamba ayi mube basha ba shintu shitasalalite alimwi ashibiibi shimwi shoonse. Mbweeke ubo mulyeelete kulibenga amyoyo yoonse kuba basha ba bululami, nkokwaamba ayi kucita shintu shisalalite.

Joni 11:40

Lyalo Jesu wakeepusha ayi, “Sa nshikwe kukulwiita ayi na ulashoma ulakonsha kubona bulemu bwakwe Lesa?”

Milimo ya Batumwi 2:24

Sombi Lesa wakamwaangulula kushicisa sha lufu akumubusha kuswa kubafu ceebo tecakalinga kukonsheka ayi lufu inga lwamukoma.

Bene Kolose 4:1

Nomucite basha, amucite shiluleme asheelete kubasha banu, mukwiinga mulishi kwaamba ayi amwebo mulicite Mwaami kwiculu.

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Joni 2:11

Ici, ncaankamiko citaanshi Jesu ncaakacita mucishi ca Galili, wakatondesha nkusu sha bulemu bwakwe, aboobo bashikwiiya bakwe bakamushoma.

Milimo ya Batumwi 2:32

Lesa wakabusha Jesu uyu kuswa kubafu, aboobo swebo soonse tuli bakamboni ba shintu ishi.

Bene Loma 6:8

Ono na twakafwa aKlistu, tulashoma kwaamba ayi tulaakuba abuumi pantu pomwi anguwe.