Bene Loma 5:8 - Baibo Busansulushi Bwa Libuku Ili

⁸ Sombi Lesa wakatutondesha kwaamba ayi ulitusuni abuumbi ceebo Jesu Klistu wakatufwita katucili bamucita shibi.

Bene Loma 5:8 ပူးပေါင်းရင်းမြစ်များ

Isaya 53:6

Ono swebo soonse twasoweka mbuli mbelele, ncakwiila womwi awomwi watola nshila yakwe. Sombi Mwaami Lesa watubweselaako shibiibi shesu swebo soonse.

Joni 15:13

Taaku lusuno lunene muntu ndweenga wabaalo kwiinda loolu lwakwaamba ayi aabe buumi bwakwe ceebo ca babye.

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Bene Loma 3:5

Ono na kutalulama kwesu kulalengesha kubonekela patuba ayi Lesa ulacita shiluleme, inga twaamba buyani pacikani ici? Sa inga twaamba ayi Lesa taaluleme pakutoombolosha akutupa mulandu? (Apa ndaamba bweenka bwaamba bantu.)

Bene Loma 4:25

Lesa wakabenga Jesu kwaamba ayi acaikwe ceebo ca shibiibi shesu alimwi wakamubusha kuswa kubafu kwaamba ayi atululamike pameenso akwe.

Bene Loma 5:20

Lesa wakapa bantu Milawo kwaamba ayi babone kufula kwa shibiibi shabo. Nakubi boobo shibiibi ndishakafula, luse lwakwe Lesa lwakeendaawo kufula.

Bene Loma 5:6

Katutacite nkusu, Jesu wakatufwita swebo sobamucita shibi paciindi Lesa mwiine ncaakasala.

Bene Loma 5:7

Nciyumu abuumbi muntu kufwita muntu ululeme. Mpashi muntu inga wayumaako moyo kufwita muntu kabotu.

Bene Loma 8:32

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

Bene Loma 8:39

nabi shili kwiculu nabi panshi lya cishi, taaku cilengwa nabi comwi nceenga catupansaanya alusuno lwakwe Lesa, ulo ndwaatutondesha kwiinda muli Klistu Jesu Mwaami wesu.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

Bene Efeso 2:7

Wakacita boobo kwaamba ayi amushiindi shitoosa shoonse akanooboneshabo luse lwakwe lutana kubonekaawo, ulo ndwaakabonesha kuli ndiswe kwiinda muli Klistu Jesu.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

1 Timoti 1:16

Sombi nceceeco Lesa ncaakanyumfwila nkumbu kwaamba ayi kwiinda muli ndime, nemucita shibi wiindaawo, Klistu Jesu atondeshe bushimoyonteeka buteeli. Wakacita boobo kwaamba ayi mbe citondesho kubaabo boonse beshi bakashome muli nguwe akutambula buumi butamaani.

Bene Ebulu 8:3

Mupailishi munene woonse ulapekwa mulimo wakupa shipo alimwi amilambu kuli Lesa, aboobo Mupailishi wesu Munene alakwe ulyeelete kuba ashintu shakupa kuli Lesa.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

1 Joni 3:16

Klistu wakaaba buumi ceebo ca ndiswe, munshila iyi tuleshiba lusuno mbolubete. Aboobo aswebo tulyeelete kwaaba buumi bwesu ceebo ca babyeesu.