Bene Loma 5:4 - Baibo Busansulushi Bwa Libuku Ili

⁴ Kutaboola pesule nkokuleta bwikaalo buyanda Mwaami Lesa alimwi bwikaalo ubo mbobuleta kulangila.

Bene Loma 5:4 ပူးပေါင်းရင်းမြစ်များ

Kulumbaisha 71:14

Sombi nebo kulangila kwangu kunanooli muli ndimwe lyoonse. Ndanoomulumbaishabo lyoonse alyoonse.

Luka 21:19

Kwiinda mukushoma cakutaboola pesule mulaakutambula buumi bwancinencine.

Bene Loma 15:4

Mukwiinga shoonse shili muMalembo akwe Lesa, shilatwiisha ayi tunoolangila kwiinda mukukalika myoyo alimwi akuyuminishikwa kuswa muMalembo.

Bene Filipi 2:22

Mwebo noonse mulishi kale bubotu bwa milimo yakwe Timoti, mbuli mbondakasebensaakwe anga ngumwaana abaishi pakushimikila Makani Abotu.

Bene Ebulu 6:19

Kulangila kwesu uku, kuli anga nceela cakwiimikisha bwaato mubuumi bwesu. Nkokwaamba ayi kulalengesha ayi tubule boowa alimwi tunooshinishite. Kulaakutushisha kwiculu muŋanda yakwe Lesa kwiinda mucisani cishitilisha akwinjila mumusena usalalite wa mukati.

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.