Bene Loma 5:2 - Baibo Busansulushi Bwa Libuku Ili

² Mwaami wesu uyu ngowakatucalwita nshila kwiinda mulushomo kwaamba ayi Lesa atucitile luse ulo ndotubeteemo abobulya. Aboobo tulasangalala mukwiinga tulashoma ayi tulaakutambula shipo sha mubulemu bwakwe Lesa.

Bene Loma 5:2 ပူးပေါင်းရင်းမြစ်များ

Kulumbaisha 17:15

Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.

Kulumbaisha 73:24

Mulantanjilila amilasho yanu nobeene, kumamanino mulaakunjisha mubulemu bwanu.

Tushimpi 14:32

Mucita shibi ulanyonyoolwa ceebo ca shibiibi shakwe, sombi ululeme ulicite kwakuyuba ceebo cakushomeka kwakwe.

Abakuku 3:18

ndaakusekelela muMwaami Lesa, ndushinisho ndaakusangalala muli Lesa, Mupulushi wangu.

Mateyo 25:21

Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’

Joni 10:7

Aboobo Jesu wakabaambila alimwi ayi, “Ntoomulwiita calushinisho ayi ndime mulyango wa mbelele.

Joni 10:9

Ndi mulyango alimwi uyo woonse unjila kwiinda muli ndime ulaakupulushikwa. Ulaakwinjila akuswa alimwi akucana cakulya.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 5:24

“Ntoomwaambila calushinisho ayi uyo woonse unyumfwa maswi angu akushoma wooyo wakantuma ulicite buumi butamaani. Teshi akoomboloshekwe, sombi waswa kale mulufu kuya mubuumi butamaani.

Milimo ya Batumwi 14:27

Ndibakashika muAntyoki, bakabunganya bashomi boonse. Mpeeke bakabasansulwita shoonse Lesa nshaakacita kwiinda muli mbabo alimwi ambwaakabonesha nshila baswamashi bakunsengwe ayi bashome.

Bene Loma 11:20

Ncakwiila mbocibete ubo. Balo bakatyolwa ceebo cakutashoma, sombi mwebo muli kucisamu ceebo ca lushomo. Nakubi boobo tamweelete kulisumpula, sombi mulyeelete kucenjela.

Bene Loma 12:12

Mulyeelete kunoosangalala ceebo ca ceeco ncemutoolangila, amukalike myoyo muciindi ca makatasho alimwi munoopaila lyoonse.

Bene Loma 14:4

Tooelete kubona musebenshi wa muntu umwi ayi utoobisha. Ngumwaami wakwe mwiine ngweenga wakonsha kwishiba na wacita kabotu nabi tau. Kwalo ndishi kwaamba ayi ulaakucita kabotu mukwiinga Lesa ulaakumuyumya.

Bene Loma 15:13

Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

Bene Loma 3:23

ceebo bantu boonse bakabisha akulela kubulemu bwakwe Lesa.

Bene Loma 5:5

Akwalo kulangila uku takutulenshi nsoni ceebo Lesa ulitusuni abuumbi kwiinda muMushimu Usalashi uyo ngwaakatupa.

Bene Loma 8:1

Ono abo bashoma muli Jesu Klistu, Lesa taabapi mulandu.

Bene Loma 8:24

Mukwiinga kwiinda mulushomo ulu twakapulushikwa. Ono na twacibona ameenso ico ncetutoolangila, sa inga katucilangilabo? Sa kuli muntu ulangila ncaabwene kale? Taaku.

1 Bene Kolinto 15:1

Ono nobamakwesu, ndisuni kumwiibalusha Makani Abotu ngondakamushimikila. Mwakaatambula alimwi ndolwiimbi lwa lushomo lwanu.

2 Bene Kolinto 3:18

Swebo soonse sotucite shiwa shitafweketwe shisani, tuli anga nshilola shitondesha bulemu buswa kuMwaami. Tutoosandululwa kuba mbuli nguwe, kuswa mubulemu bumwi kuya mubuumbi bwiindaawo, kwiinda muMwaami uli nguMushimu.

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse

Bene Efeso 2:18

Mukwiinga kwiinda muli Klistu swebo soonse, baJuda abaswamashi bakunsengwe, tulakonsha kushika pameenso akwe Ishiwesu muMushimu womwi.

Bene Efeso 3:12

Kwiinda muli Klistu amulushomo lwesu muli nguwe, tulyaangulukite kuya pameenso akwe Lesa cakutatonsha.

Bene Efeso 6:13

Paceebo ceeco amufwale shakulwanisha isho Lesa nshaamupa, kwaamba ayi mukacikoonshe kulwana cakutaboola pesule pabushiku bwa kushikilwa bubi. Mwaakumanisha kulwana, mulaakushimpa.

2 Bene Tesalonika 2:16

Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

Ciyubululo 21:11

Yakalinga kubeka ceebo ca bulemu bwakwe Lesa. Ndabala inene iyi yakalinga kubekabo anga ndibwe lyamakwebo libeka abuumbi, ee, anga ndibwe lya maanshi.

Ciyubululo 21:23

Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.

Ciyubululo 21:3

Mpeeke ndakanyumfwa liswi lyakoolobeshekwa kuswa kucuuna ca bwaami ayi, “Ono musena wakwe Lesa waba pakati ka bantu! Ulaakunookalaabo, abalo balaakuba bantu bakwe. Lesa mwiine ulaakunooli ambabo alimwi ulaakuba Lesa wabo.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’