Bene Loma 4:6 - Baibo Busansulushi Bwa Libuku Ili

⁶ Ici nceceeci Defedi ncaakaambila ayi ulicite coolwe muntu uyo Lesa ngwaalulamika pameenso akwe, kuteshi ceebo ca milimo ibotu njaacita.

Bene Loma 4:6 ပူးပေါင်းရင်းမြစ်များ

Kulumbaisha 112:1

Amulumbaishe Mwaami Lesa! Ulicite coolwe muntu uloonda Mwaami Lesa, muntu usangalala mukulama milawo yakwe.

Isaya 54:17

Sombi taaku cakulwanisha ceshi cikakonshe kumucisa. Abalo abo bamupa milandu mulaakuba ashakubakumbula. Ici cilaakuba ncecilambu ca basebenshi bangu.” Mwaami Lesa waamba.

Jelemiya 22:6

“Kuli ndime ŋanda ya bwaami ya muJuda njibotubo anga ngumusena wa Gilyadi. Ee, njibotubo anga ntulundu twa kuLebanoni, Nakubi boobo ndaakwiilengesha kuba anga nduyanga, ncakwiila anga ngamandabala umo mutekaali bantu.

Jelemiya 33:16

Munshiku sha bweendeleshi bwakwe bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Mateyo 25:19

“Ndipakeenda ciindi cilaamfu, mwaami wa basebenshi abo wakesa. Wakababunganya ayi bamusansulwiite mbuli mbobakasebensesha maali akwe.

Bene Loma 1:17

Mukwiinga Makani Abotu aya alasansulula Lesa mbwaalulamika muntu pameenso akwe. Kululamikwa uko kulacitika kulilabo na muntu washoma kuswa kumatalikilo kushikila akumeelelesho. Kweelana abwaamba Malembo akwe Lesa ayi, “Uyo ululamikwa ceebo cakushoma, ulaakuba abuumi.”

Bene Loma 3:27

Aboobo apa taapu nceenga walisumpwitaawo muntu, sobwe. Ceebo taalulamikwi pameenso akwe Lesa kwiinda mukukonkela Milawo, sombi ceebo cakushoma muli Jesu.

Bene Loma 4:11

Pesule Abulaamu wakapalulwa ayi cibe cishibilo cakutondesha ayi Lesa wakamululamika ceebo ca lushomo lwakwe. Aboobo Abulaamu ngoishiwabo boonse abo bashoma muli Jesu. Paceebo ceeci Lesa ulabalulamika nabi tabana kupalulwa.

Bene Loma 4:24

Sombi alaamba apali ndiswe sweshi tukalulamikwe pameenso akwe Lesa ceebo ca lushomo ndotucite muli nguwe wakabusha Jesu Klistu Mwaami wesu kuswa kubafu.

Bene Loma 4:5

Ono muntu ushomabo muli Lesa ululamika bamucita shibi, kutashoma milimo yakwe ibotu, Lesa ulamubona ayi uliluleme kwiinda mulushomo lwakwe.

Bene Loma 4:7

Wakaamba ayi, “Balicite coolwe abo Lesa mbaalekelela shibiibi shabo, abo bacite shibiibi nshaakashiminganya!

Bene Loma 4:9

Sa coolwe cakaamba Defedi cilibo kubaabo bakapalulwa beenka? Sobwe! Abalo batakwe kupalulwa balaba acoolwe, kweelana aMalembo ngotwaswa mukwaamba ayi, “Ceebo cakwaamba ayi Abulaamu wakashoma Lesa, aboobo Lesa wakamubona ayi uliluleme.”

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Galatiya 3:14

Klistu wakacita boobo kwaamba ayi coolwe Lesa ncaakashomesha Abulaamu cipekwe akubaswamashi bakunsengwe boonse kwiinda muli nguwe. Ncakwiila akwaamba ayi kwiinda mulushomo tukatambule Mushimu Usalashi ngwaakashomesha Lesa.

Bene Galatiya 4:15

Nciinshi cacitika, nobantu nomwakalinga kukondetwe bobulya? Mukwiinga ndishinishite kwaamba ayi necakalinga kukonsheka naakwiinga meenso anu mwalobolaamo akumpa.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Dutolonomi 33:29

Mulicite coolwe mwebo nobene Isilaeli! Taaku mushobo uli mbuli ndimwe nomwakafunwa aMwaami Lesa. Mwaami Lesa mwiine ndyeliyawo lyanu alimwi ngomupeeni wanu, uyo umufuna akulengesha ayi mukome. Balwani banu balaakwisa mukulibombya kuli ndimwe, nakubi boobo mulaakubalyatoola.”

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

2 Timoti 1:9

Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika.

Jemusi 2:18

Ono umwi muntu inga waamba ayi, “Webo ulicite lushomo, nebo ndicite micito ibotu.” Nebo palwaangu inga ndamwaambila ayi, “Ntondeshe mbweenga muntu waba alushomobo lutacite micito, nebo ntookutondesha lushomo kwiinda mumicito yangu.”

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.