Bene Loma 4:16 - Baibo Busansulushi Bwa Libuku Ili

¹⁶ Lesa wakashomesha mukwiinga Abulaamu wakamushoma kwaamba ayi bamulunyungu lwakwe Abulaamu batambule cipo muluse lwakwe. Teshi kubaabo bakonkela Milawo beenka. Sombi abaabo bashoma bwakashoma Abulaamu ceebo Abulaamu ngoishiwesu soonse sotushoma.

Bene Loma 4:16 ပူးပေါင်းရင်းမြစ်များ

Isaya 51:2

Ncakwiila amuyeeye Abulaamu mushali wanu mukulukulu, muyeeye Saala uyo ngomwakashalwaako. Abulaamu ndindakamwiita ayi ansebensele taakalinga kucitewo mwaana nabi womwi. Sombi ndakamupa coolwe cakuba abaana. Lyalo ndakalengesha bamulunyungu lwakwe kufula abuumbi.

Luka 19:9

Jesu wakamwaambila ayi, “Lupulusho sunu lwashika muŋanda ino mukwiinga alakwe musankwa uyu ngumwanaakwe Abulaamu.

Bene Loma 15:8

Mukwiinga ntoomulwiita ayi Klistu wakesa mukucafwa baJuda kwaamba ayi atondeshe kushomeka kwakwe Lesa. Mukucita boobo shoonse Lesa nshaakashomesha bamashali besu bakulukulu shakacitika cancinencine.

Bene Loma 3:22

Nshila Lesa njaalulamikilamo bantu, nkushoma muli Jesu Klistu. Ulacita boobo kubantu boonse mukwiinga taaku bupusano buli pabaJuda abaswamashi bakunsengwe

Bene Loma 3:30

Kuli Lesa womwibo ndondoli alimwi ngoolulamika baJuda mulushomo alimwi abaswamashi bakunsengwe mbomunya.

Bene Loma 4:11

Pesule Abulaamu wakapalulwa ayi cibe cishibilo cakutondesha ayi Lesa wakamululamika ceebo ca lushomo lwakwe. Aboobo Abulaamu ngoishiwabo boonse abo bashoma muli Jesu. Paceebo ceeci Lesa ulabalulamika nabi tabana kupalulwa.

Bene Loma 5:1

Ono mukwiinga Lesa watululamika ceebo ca lushomo lwesu, pali luumuno pakati kakwe Lesa aswebo kwiinda muMwaami wesu Jesu Klistu.

Bene Loma 9:8

Aboobo ici cilaamba ayi teshi bana bakwe Abulaamu boonse beetwa ayi mbana bakwe Lesa. Sombi bana bakwe Abulaamu abo bakashalwa kweelana akushomesha kwakwe Lesa, mbobeelete kwiitwa ayi mbana bakwe Abulaamu cancinencine.

Bene Galatiya 3:14

Klistu wakacita boobo kwaamba ayi coolwe Lesa ncaakashomesha Abulaamu cipekwe akubaswamashi bakunsengwe boonse kwiinda muli nguwe. Ncakwiila akwaamba ayi kwiinda mulushomo tukatambule Mushimu Usalashi ngwaakashomesha Lesa.

Bene Galatiya 3:16

Anu Lesa wakashomesha Abulaamu shintu shimwi alimwi aumwi wamulunyungu lwakwe. Taakwe kwaamba ayi, “Bamulunyungu lwako” anga mbaanji, sombi ayi, “Wamulunyungu lwako” ceebo wakalinga kwaambabo muntu womwi, Klistu.

Bene Galatiya 3:22

Sombi Malembo akwe Lesa alaamba ayi bantu boonse bali munkusu sha bubi, kwaamba ayi uyo woonse ushoma muli Jesu Klistu akatambule cipo ico Lesa ncaakashomesha.

Bene Efeso 2:5

Nakubi kwaamba ayi twakalinga kufwite mumushimu ceebo ca shibiibi shesu, wakatupa buumi pantu pomwi aKlistu. Mwakapulushikwa kwiinda muluse lwakwe Lesa.

Bene Efeso 2:8

Mwakapulushikwa aluse lwakwe Lesa kwiinda mulushomo. Teshi munkusu shanu nobeene, sombi ncipo kuswa kuli Lesa.

Taitasi 3:7

Wakacita boobo ayi tululamikwe muluse lwakwe akwinjila mubuumi butamaani ubo mbotutoolangila.

2 Pita 1:10

Paceebo ceeco nobamakwesu, amwiindilishe kusebensa cankusu ayi mushinishe kwaamba ayi kwiitwa alimwi akusalwa kwanu kwakaswa kuli Lesa. Na mwacita boobo, teshi mukaweewo,