Bene Loma 3:9 - Baibo Busansulushi Bwa Libuku Ili

⁹ Ono nkokwaamba ayi sa swebo sobaJuda kuli mpotwiindilawo baswamashi bakunsengwe pameenso akwe Lesa? Taapuuwo, mukwiinga ndasansulula kale kwaamba ayi baJuda abaswamashi bakunsengwe boonse mbamucita shibi.

Bene Loma 3:9 ပူးပေါင်းရင်းမြစ်များ

Tushimpi 20:9

Anu ngani weenga waamba ayi, “Mumoyo wangu taamuuwo kampenda, ndisalalitebo alimwi nshicitewo cibiibi.”

Isaya 65:5

Kuswawaawo balaambila bamwi ayi, ‘Kamusoonoka, mutaseni pafwaafwi anebo mukwiinga ndisalalite abuumbi cakwaamba ayi mwebo tamukonshi kuncata!’ Bantu bamushobo uyo bancimabo anga mbwiishi bwenjila mumashono. Bukali bwangu pali mbabo bulibo anga ngumulilo utashimiki.

Luka 7:39

Lyalo muFalisi ulya wakeeta Jesu ndyaakabona bobulya, wakalyaamboosha ayi, “Muntu uyu naalinga mulaluki wancinencine naashiba mbwaabete mwanakashi uyu utoomucata mukwiinga ngumucita shibi.”

Bene Loma 1:18

Lesa wayubulula bukali bwakwe kuswa kwiculu pashibiibi bantu nshebacita alimwi akutamulemeka. Bubi bwabo mbobwalengesha bantu bamwi kuteshiba lushinisho lwapali nguwe.

Bene Loma 11:32

Lesa walengesha bantu boonse kuba anga mbakaili ceebo cakutamunyumfwila. Wakacita boobo kwaamba ayi abanyumfwile nkumbu boonse.

Bene Loma 11:7

Anu twaambe buyani? Ncakwiila bene Isilaeli tabakwe kucicana ncibakalinga kuyandoola. Sombi baniini abo Lesa mbwaakasala. Paceebo ceeco bamwi boonse bakaba beshicimpamya.

Bene Loma 2:1

Omweensuma, webo nowoombolosha babyo, taaku mpweshi ukayubile mulandu, nabi ubaani. Ceebo ndiwoombolosha bamwi pabubi bweenka mboocita, awebo utolishinina omwiine.

Bene Loma 3:1

Sa mutooyeeya ayi baJuda kuli mbobeendawo baswamashi bakunsengwe? Mbubotunshi buli mukupalulwa?

Bene Loma 3:19

Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape.

Bene Loma 3:5

Ono na kutalulama kwesu kulalengesha kubonekela patuba ayi Lesa ulacita shiluleme, inga twaamba buyani pacikani ici? Sa inga twaamba ayi Lesa taaluleme pakutoombolosha akutupa mulandu? (Apa ndaamba bweenka bwaamba bantu.)

Bene Loma 6:15

Ino ono cili buyani cikani ici? Sa tunoobishabo ceebo tatweendeleshekwi aMilawo, sombi aluse lwakwe Lesa? Kulaalebo!

Bene Loma 7:14

Tulishi kwaamba ayi Milawo yakaswa kuli Lesa. Sombi nebo ndimuntu alimwi ndimusha wa bubi.

1 Bene Kolinto 10:19

Sa ntokwaamba ayi shipekwa kucibumbwabumbwa nabi cibumbwabumbwa ciine kuli mboshibete?

1 Bene Kolinto 14:15

Ono ndyeelete kucita buyani? Ndanoopaila amuuya wangu, ono alimwi ndanoopaila amaano angu. Ndanokwiimba amuuya wangu, ono sombi ndanokwiimba amaano angu.

1 Bene Kolinto 4:7

Anu ngani wakakupa bunene pabamwi? Sa te nguLesa wakakupa shintu shoonse nshoocite? Ino ono inga walisumpula buyani pashintu shakupekwabo?

Bene Galatiya 3:10

Paceebo ceeco, boonse abo basuni kululamikwa pameenso akwe Lesa kwiinda mukukonkela Milawo, balishinganishitwe. Mukwiinga Malembo akwe Lesa alaamba ayi, “Uyo woonse utaciti shoonse shilembetwe muMilawo yakwe ulishinganishitwe kuli Lesa.”

Bene Galatiya 3:22

Sombi Malembo akwe Lesa alaamba ayi bantu boonse bali munkusu sha bubi, kwaamba ayi uyo woonse ushoma muli Jesu Klistu akatambule cipo ico Lesa ncaakashomesha.

Bene Filipi 1:18

Tacicite mulandu! Cintu cinene ncakwaamba ayi mububeshi nabi mulushinisho Jesu Klistu utooshimikilwa. Paceebo ceeco ndisangalete. Ee, ndanoosangaletebo lyoonse