Bene Loma 3:5 - Baibo Busansulushi Bwa Libuku Ili

⁵ Ono na kutalulama kwesu kulalengesha kubonekela patuba ayi Lesa ulacita shiluleme, inga twaamba buyani pacikani ici? Sa inga twaamba ayi Lesa taaluleme pakutoombolosha akutupa mulandu? (Apa ndaamba bweenka bwaamba bantu.)

Bene Loma 3:5 ပူးပေါင်းရင်းမြစ်များ

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

Jobo 8:3

Sa Lesa uloombolosha cakunyengelela? Sa Shinkusu shoonse ulaalilwa kucita shiluleme?

Naamu 1:2

Lesa ngushibusuba alimwi ngushikuboosha cishole. Mwaami Lesa ulaboosha cishole alimwi ngumukali abuumbi. Mwaami Lesa ulaboosha cishole kubaabo bamupatite alimwi ulatolelela kukalala kubalwani bakwe.

Bene Loma 12:19

Nobamakwesu bubi tabeelanishi, sombi mwebo amulekelebo Lesa woombolosha akupa mulandu. Kweelana abwaamba Malembo akwe Lesa ayi, “Amubaleeke ndime mboosha shishole, ndaakubapa milandu abalo, mbwaamba Mwaami Lesa.”

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Bene Loma 3:19

Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape.

Bene Loma 3:7

Bamwi inga baamba ayi, “Na kubeca kwangu kulabonesha patuba kushomeka kwakwe Lesa akufusha bulemu bwakwe, ono inga waŋombolosha buyani ayi ndimucita shibi?”

Bene Loma 4:1

Ono twaambe buyani pali Abulaamu mushali wesu mukulukulu sobaJuda? Nciinshi cakacitika pacikani ici?

Bene Loma 5:8

Sombi Lesa wakatutondesha kwaamba ayi ulitusuni abuumbi ceebo Jesu Klistu wakatufwita katucili bamucita shibi.

Bene Loma 6:1

Ino twaambe buyani? Sa tutolelele kubisha kwaamba ayi luse lwakwe Lesa lufulileeko?

Bene Loma 6:19

Amuleke nsebenseshe cikoshanyo ca shintu shicitika lyoonse kwaamba ayi munyumfwishe. Pakutaanguna mwakalinga mwalibenga nobeene amyoyo yanu yoonse kwaamba ayi mube basha ba shintu shitasalalite alimwi ashibiibi shimwi shoonse. Mbweeke ubo mulyeelete kulibenga amyoyo yoonse kuba basha ba bululami, nkokwaamba ayi kucita shintu shisalalite.

Bene Loma 7:7

Ino ono twaambe buyani? Sa twaambe ayi Milawo njibiibi? Sobwe, tabwishi mbocibete ubo! Sombi njiMilawo yakalengesha ayi nshibe bubi. Nikuteshi Milawo yaamba ayi, “Utabi amunyono pashintu sha mubyo”, naakwiinga nshishibiiwo lunkumbwa lwa mushobo uyu.

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

Bene Loma 9:30

Ncetutokwaamba nceeci, baswamashi bakunsengwe tebakalinga kweelesha kulilulamika pameenso akwe Lesa. Sombi Lesa wakabalulamika ceebo bakamushoma.

1 Bene Kolinto 15:32

Ono na ndakalwana abantu muEfeso abo bakalinga anga ninkalamu kwiindabo miyeeyo iswa kubantu, ingayi nebo mpindu yangu nciinshi? Sombi na taaku kubuka kwa bafu, anu nkucitabo bweenka bwaamba bantu ayi, “Atulye akunwa ceebo ciilo mabala tulaakufwa.”

1 Bene Kolinto 9:8

Sa aya makani ngoontokwaamba atooswabo mubusongo bwa buntu nabi alilembetwe amuMilawo?

2 Bene Kolinto 6:4

Sombi mushintu shoonse tulalitondesha ayi tuli basebenshi bakwe Lesa, kwiinda mukutolelela kushoma mushiindi sha mapensho apusenepusene.

2 Bene Kolinto 7:11

Amubone buumba bwanu busangalasha Lesa ncebwamucitila! Bwamulengesha kuyandishisha, ayi mucite akutondesha ayi tamucite mulandu. Mwakakalala abuumbi alimwi mwakalinga kuloondete paceeco cakacitika. Bwakamulengesha kuyanda kumbona akupa mulandu wooyo wakabisha kweelana ambwaaelete. Ono mucikani coonse ici mwatondesha ayi tamucite mulandu.

Bene Galatiya 2:18

Ono na ndatalika alimwi kukonkela nshila ya Milawo yeenka njendakakaka, ntootondesha ayi ndishi kusotoka Milawo.

Bene Galatiya 3:15

Nobamakwesu, ntooyanda kumulwiitako cikoshanyo ca cintu ncetucita nshiku shoonse. Na bantu bobilo bapangana akusuminishanya pacikani cimwi, taaku muntu weenga wapwaya cipangano ico nabi kunungaako.

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!