Bene Loma 3:1 - Baibo Busansulushi Bwa Libuku Ili

¹ Sa mutooyeeya ayi baJuda kuli mbobeendawo baswamashi bakunsengwe? Mbubotunshi buli mukupalulwa?

Bene Loma 3:1 ပူးပေါင်းရင်းမြစ်များ

Matalikilo 25:32

Esau wakaamba ayi, “Cilibo kabotu! Ntooyanda kufwa pano. Ono bunenebantu butooncafwanshi?”

Kulumbaisha 147:20

Taaku mushobo umwi ngwaakacitila boobo, ceebo bamumishobo imwi tabeshi milawo yakwe. Amulumbaishe Mwaami Lesa!

Shikushimikila 6:11

Mukwaamba maswi aanji aanji, ndyetwaamba shamaano shiniini. Ino ico cilacafwanshi kumuntu uli woonse?

Shikushimikila 6:8

Anu musongo uleendawonshi pamuluya? Ino mukandu nimpindunshi njaacana mukwishiba bwakulilemeka kunembo lya bamwi?

Malaki 3:14

Mwebo mulaamba ayi, “Taaku mbocibete kusebensela Lesa. Anu muli mpindunshi mukucita kuyanda kwakwe nabi kuliswangata ceebo ca sheesho nshetwakacita pameenso a Mwaami Lesa Shinkusu shoonse?

Joni 4:22

Mwebo nobene Samaliya mulalambila ncemuteshi, sombi swebo tulalambila ncetwishi mukwiinga lupulusho lulaswa kubaJuda.

Bene Loma 3:2

Muli mpindu inene abuumbi ceebo Lesa wakataanguna kupa baJuda makani akwe kwaamba ayi baalaame.

Bene Loma 3:9

Ono nkokwaamba ayi sa swebo sobaJuda kuli mpotwiindilawo baswamashi bakunsengwe pameenso akwe Lesa? Taapuuwo, mukwiinga ndasansulula kale kwaamba ayi baJuda abaswamashi bakunsengwe boonse mbamucita shibi.

1 Bene Kolinto 15:32

Ono na ndakalwana abantu muEfeso abo bakalinga anga ninkalamu kwiindabo miyeeyo iswa kubantu, ingayi nebo mpindu yangu nciinshi? Sombi na taaku kubuka kwa bafu, anu nkucitabo bweenka bwaamba bantu ayi, “Atulye akunwa ceebo ciilo mabala tulaakufwa.”

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.