Bene Loma 2:6 - Baibo Busansulushi Bwa Libuku Ili

⁶ Ceebo Lesa ulaakulambula muntu woonse kweelana amilimo yakwe.

Bene Loma 2:6 ပူးပေါင်းရင်းမြစ်များ

Jobo 34:11

Lesa ulalambula muntu kweelana amilimo yakwe alimwi ulacitila muntu ico cimweelete.

Kulumbaisha 62:12

Cimwi ncakwaamba ayi noBaami baLesa mulicite lusuno. Ncakwiila mulaakulambula muntu womwi awomwi kweelana asheesho nshaakacita.

Kulonga 32:34

Ono koya, tanjilila bantu kuya kumusena uyo ngondakakulwiitaawo. Wiibaluke ayi munjelo wangu ulaakukutanjilila, sombi ciindi cilaakushikila ndyeshi nkape bantu mulandu pacibiibi cabo.”

Tushimpi 24:12

Na waamba ayi, “Taaku ncendakalinga kubwene,” sa uyo ubona mumyoyo ya bantu taaku nceeshi? Sa uyo ulama buumi bwako taaku ncaabwene? Sa teshi akalambule muntu kweelana amilimo yakwe?

Tushimpi 24:2

ceebo myoyo yabo balo ilayeeyabo kucita shalunkutwe. Ayalo milomo yabo ilaambabo shakubusha nshimfulunganya.

Tushimpi 26:10

Unjisha ncito muluya nabi shikwiinda, uli anga ngumuntu ucita ciyaseyase amifwi yakwe.

Shikushimikila 3:17

Ndakayeeya mumoyo wangu ayi, “Lesa ulaakoombolosha baluleme abamucita shibi mukwiinga kulaakuba ciindi cakucitilawo shintu shoonse. Ee, kulaakuba ciindi ca micito yoonse.”

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Jelemiya 32:19

Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.

Esekelo 18:20

Muntu uyo ubisha ngweshi akafwe. Mwaana teshi akapengele shibiibi sha mushali wakwe alakwe mushali teshi akapengele shibiibi sha mwanaakwe. Muntu ululeme ulaakulambulwa ceebo ca bululami bwakwe mwiine alakwe mucita shibi ulaakupengela bubi ubo mbwaacita mwiine.

Esekelo 18:30

“Ono nebo neMwaami Lesa Shinkusu shoonse ndaamba ayi, ‘Mwebo nobene Isilaeli, ndaakoombolosha womwi awomwi kweelana anshila shakwe. Amusanduke kuswa kushilubo shanu! Mutaleeki shibiibi shanu ayi shimunyonyoole.

Esekelo 36:19

Ndakabapalanganishisha pakati ka mishobo imwi. Ndakaboombolosha kweelana abwikaalo bwabo alimwi amicito yabo.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Bene Loma 14:22

Anu isho nshooshoma pashintu sha mushobo wooyu shilyeelete kubabo pali ndiwe aLesa. Ulicite coolwe uyo utalipi mulandu na wacita cintu ncaayeeya ayi cilyeelete kucitwa.

1 Bene Kolinto 3:8

Aboobo taaku bupusano pali wooyo ushanga autilila ceebo Lesa ulaakulambula womwi awomwi kweelana amilimo njaakacita.

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

2 Bene Kolinto 11:15

Aboobo tacikankamanishi kwaamba ayi abalo basebenshi bakwe balayubila mukuboneka anga mbasebenshi ba bululami. Meelelesho abo alaakuba bubete milimo yabo.

2 Bene Kolinto 5:10

Ceebo soonse tulyeelete kuya mukwiimikana pameenso akwe Klistu ayi atoomboloshe. Muntu woonse ulaakutambula ncaaelete kweelana ashoonse nshaakacita, shibotu nabi shibiibi mubuumi bwa buntu buno.

2 Timoti 4:14

Alekisanda shikufula sheela wakambishisha abuumbi. Mwaami Lesa ulaakumupa mulandu weelete kweelana ancaakacita.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

Ciyubululo 20:12

Lyalo ndakabona bafu, balemekwa abantubo, boonse kabeemfwi kunembo lya cuuna ca bwaami. Lyalo mabuku akacalulwa alimwi libuku limwi lyakacalulwa, ndyelibuku lya boomi. Bafu bakoomboloshekwa kweelana amicito yabo bweenka mbomwakalinga kulembetwe mumabuku.

Ciyubululo 22:12

Jesu utokwaamba ayi, “Amubone, ntoofwambaana kuboola! Ndaakuletelela ashilambu shangu shakwisa mukupa muntu womwi awomwi kweelana anshaakacita.