Bene Loma 2:3 - Baibo Busansulushi Bwa Libuku Ili

³ Sombi webo omweensuma, shintu sheenka ishi nshoopetawo babyo milandu, awebo omwiine nshoocita. Sa utooyeeya ayi webo ulaakuyuba mulandu wakwe Lesa?

Bene Loma 2:3 ပူးပေါင်းရင်းမြစ်များ

2 Samwelo 10:3

bamaloba ba bene Amoni bakaambila Anuni mwaami wabo ayi, “Sa mutooyeeya ayi ndushinisho nceebo cakupa bulemu baishiwanu Defedi ncaatumina basankwa bakwe ayi bese bamulishaanisheeko pakufwa kwabo? Sa taakwe kubatumabo kuli ndimwe ayi babonebone ndabala inene mbweebete akwiisensa, lyalo akese akeekoome?”

Jobo 35:2

“Sa Jobo webo utooyeeya ayi ubo mbootokwaamba cililuleme? Sa webo ulyeelete kwaamba ayi, ‘Nebo ndiluleme pameenso akwe Lesa?’

Kulumbaisha 50:21

Ishi shintu ndalinga kunoomweebelabo kamushicita. Mwebo mwalinga kuyeeya ayi ndi anga ndimwe. Ono sunu ntoomukalalila akutula mulandu wanu patuba kunembo lyanu.

Kulumbaisha 56:7

NobaLesa amubape mulandu pabubi bwabo, mubukali bwanu amunyonyoole mishobo iyi.

Tushimpi 11:21

Amwishibe ayi bamucita shibi balaakupekwa mulandu, sombi baluleme teshi bakapekwewo mulandu.

Tushimpi 16:5

Mwaami Lesa ulipatite bantu boonse balisumpula, Anu amwishibe ayi teshi akabalangilishebo cakutabapa mulandu.

Esekelo 17:15

Sombi mwaami wa bene Juda lakwe wakaashuka akutuma beshikumwiimikanina kuIjipiti kuya mukuleta maaki alikoto lya bashilumamba linene. Sa muntu uyu ulaakuswitilila? Sa uyo weenga wacita sha mushobo uyo inga wapuluka? Sa inga wakonsha kupwaya cipangano amana wapuluka?’

Esekelo 17:18

Mwaami wa bene Juda wakapwaya kushomesha cakulumbila kwakwe acipangano ico ncaakapanga ayi ulaakucilama. Wakacita shintu ishi shoonse aboobo teshi akapulukewo, sobwe.’

Danyelo 10:19

Kuswawaawo wakaŋambila ayi, “Cileke kuloonda. Webo ulalemekwa abuumbi pameenso akwe Lesa. Aboobo utalisukami nabi kuloonda cintu cili coonse.” Ndyaakaamba boobo ndakeendaawo kuyuma akwaamba ayi, “Nkambo amundwiitebo nshemweelete kwaamba ceebo mwanengesha kuba ankusu.”

Mateyo 23:33

Mwebo nobana bansoka, nobana bampili! Ino mulaakuyuba buyani mulilo utamaani?

Mateyo 26:53

Sa tooshi kwaamba ayi inga ndasengabo shuulu sha baanjelo kuli baTa alimwi ayi inga bampa paciindi ceenka ico?

Luka 12:14

Sombi Jesu wakamukumbula ayi, “Webo ndaba, ino ngani waamba ayi nebo mbe moomboloshi pali ndimwe nabi shikwaabanya shintu shakamushiila ishiwanu mulobe.”

Luka 22:58

Ndipakeendakobo ciindi ciniini musankwa umwi alakwe wakamubona akumwaambila ayi, “Te awebo walinga kweenda aJesu?” Sombi Pita wakakumbula ayi, “Tau, teshi ndime!”

Luka 22:60

Sombi Pita wakakumbula ayi, “Sobwe, ayo makani ngootokwaamba nsheeshi nebo napaceyi!” Lyalo Pita kaacaamba kombwe wakalila.

Bene Loma 1:32

Balishi mulawo wakwe Lesa wakwaamba ayi bantu bacita shintu sha mushobo uyu balyeelete kufwa. Nakubi boobo tabacitibo shintu ishi, sombi balalumbaisha abaabo bashicita.

Bene Loma 2:1

Omweensuma, webo nowoombolosha babyo, taaku mpweshi ukayubile mulandu, nabi ubaani. Ceebo ndiwoombolosha bamwi pabubi bweenka mboocita, awebo utolishinina omwiine.

Bene Loma 2:2

Soonse tulishi kwaamba ayi Lesa uloombolosha mubululami bantu bacita shibiibi sha mushobo uyu.

Bene Loma 9:20

Ino webo ndiwaani kwaamba ayi upikishanye aLesa? Sa nongo inga yaambila wakeebumba ayi, “Wakamumbilanshi bobulya?”

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Bene Ebulu 2:3

Ino swebo tulaakupuluka buyani na tatutoonyumfwila makani a lupulusho lunene bobulya? Mwaami Jesu mwiine ngowakataanguna kwaamba shalupulusho ulu, abalo abo bakamunyumfwa bakatulwiitilisha ayi ngalushinisho.