Bene Loma 2:1 - Baibo Busansulushi Bwa Libuku Ili

¹ Omweensuma, webo nowoombolosha babyo, taaku mpweshi ukayubile mulandu, nabi ubaani. Ceebo ndiwoombolosha bamwi pabubi bweenka mboocita, awebo utolishinina omwiine.

Bene Loma 2:1 ပူးပေါင်းရင်းမြစ်များ

Luka 12:14

Sombi Jesu wakamukumbula ayi, “Webo ndaba, ino ngani waamba ayi nebo mbe moomboloshi pali ndimwe nabi shikwaabanya shintu shakamushiila ishiwanu mulobe.”

Luka 19:22

Mwaami wakwe wakamwaambila ayi, ‘Webo omusebenshi mubiibi! Ono maswi eenka ngowasebensesha atookushinina. Ulishi kwaamba ayi ndimukali, ndabwesa shiteshi shaangu akutebula mpontakwe kushanga.

Luka 6:37

“Mutoomboloshi bamwi kwaamba ayi amwebo Lesa atakamoomboloshi. Mutapi muntu mulandu kwaamba ayi mutapekwi mulandu amwebo. Sombi amumulekelele, Lesa alakwe ulaakumulekelela.

Bene Loma 14:22

Anu isho nshooshoma pashintu sha mushobo wooyu shilyeelete kubabo pali ndiwe aLesa. Ulicite coolwe uyo utalipi mulandu na wacita cintu ncaayeeya ayi cilyeelete kucitwa.

Bene Loma 2:2

Soonse tulishi kwaamba ayi Lesa uloombolosha mubululami bantu bacita shibiibi sha mushobo uyu.

Bene Loma 2:3

Sombi webo omweensuma, shintu sheenka ishi nshoopetawo babyo milandu, awebo omwiine nshoocita. Sa utooyeeya ayi webo ulaakuyuba mulandu wakwe Lesa?

Bene Loma 3:9

Ono nkokwaamba ayi sa swebo sobaJuda kuli mpotwiindilawo baswamashi bakunsengwe pameenso akwe Lesa? Taapuuwo, mukwiinga ndasansulula kale kwaamba ayi baJuda abaswamashi bakunsengwe boonse mbamucita shibi.

Bene Loma 9:20

Ino webo ndiwaani kwaamba ayi upikishanye aLesa? Sa nongo inga yaambila wakeebumba ayi, “Wakamumbilanshi bobulya?”

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

1 Bene Kolinto 7:16

Ono webo omwanakashi ushoma, ulishi buyani ayi ulaakulengesha ibayo kupulushikwa? Na webo omusankwa ushoma, ulishi buyani ayi ulaakulengesha mukaako kupulushikwa?

Jemusi 2:20

Webo omuntu muluya sa ulisuni kwishiba kwaamba ayi lushomo lutacite micito taaku mbolubete?

Jemusi 4:11

Nobamakwesu, mutanoofuyana. Uyo ufuya nabi woombolosha mushominyina, ulacobola akoombolosha Milawo yakwe Lesa. Ono na woombolosha Milawo, ingayi wacileka kwiikonkela, akuba shikuyoombolosha.