Bene Loma 16:2 - Baibo Busansulushi Bwa Libuku Ili

² Amumutambule mbuli muKlistunyinaanu bweenka mbobeelete kutambulana bantu bashoma muli Lesa. Amumucaafwe mushintu shoonse shiyandika mukwiinga lakwe wakalinga kucafwa bantu baanji kubikaawo anebo.

Bene Loma 16:2 ပူးပေါင်းရင်းမြစ်များ

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Milimo ya Batumwi 9:13

Ndyaakanyumfwa, Ananiyasi wakakumbula ayi, “Nkambo, bantu baanji bakandwiita makani amuntu uyu alimwi ashintu shibiibi nshaakacita kubantu banu ba muJelusalemu.

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Milimo ya Batumwi 9:36

Mundabala ya Jopa mwakalinga kwikala mwanakashi wakalinga kushoma muli Jesu wiitwa ayi Tabita (muciGiliki liina lyakwe nguDokasi nkokwaamba ayi nalufwi). Mwanakashi uyu wakalinga kucita milimo ibotu lyoonse akunoocafwa bakandu.

Milimo ya Batumwi 9:39

Mpomunyaawo Pita wakalibambila akuyaabo. Ndyaakashika, bakamutola mucipinda ca peculu umo bamukalubinje banakashi mobakamushinguluka kabalila. Lyalo bakatalika kumubonesha minjila ashakufwala sha peculu shakatunga Dokasi kaacili muumi.

Milimo ya Batumwi 9:41

Pita wakamucata palyaansa akumucafwa ayi eemikane. Lyalo wakeeta bashomi, kubikaawo abamukalubinje banakashi akupa Tabita kuli mbabo kaali muumi.

Bene Loma 15:7

Anu amutambulane camaansa obilo bweenka Klistu mbwaakamutambula kwaamba ayi mulemeke Lesa.

Bene Loma 16:15

Alimwi ndaansha Filologasi aJuliya, Neliyasi anankashi yakwe, Olimpasi alimwi abantu bashoma muli Lesa boonse mbobekalaabo.

Bene Loma 16:23

Gayasi, mwine ŋanda iyo njeentookalaamo alimwi mubunganina coonde, wamwaansha noonse. Alakwe Elasitasi uyo ulama maali a mundabala inene alimwi amukwabesu Kwatasi, bamwaansha. [

Bene Loma 16:6

Ndaansha aMaliya uyo wamusebensela cankusu.

Bene Loma 16:9

Ndaansha Abenasi musebenshinyineesu muli Klistu alimwi ndaansha Sitakisi mweensuma usunikwi.

Bene Efeso 5:3

Ceebo muli bana bakwe Lesa, bufuule, kucita shintu shitaluleme alimwi akukumbwa camunyono shintu sha bamwi bantu, tasheelete kwaambwa pakati kanu, sobwe.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Filipi 2:29

Aboobo amumutambule camaansa obilo akusangalala ayi ngumukwabesu muMwaami. Bantu bamushobo wooyu boonse, amubalemeke.

Bene Kolose 4:10

Alisitakasi, kailima wamwaansha, alakwe Maako mupyala wakwe Banabasi wamwaansha. Mwakalwiitwa kale ayi na Maako akese kumishaanu uko, mukamutambule kabotu.

1 Timoti 2:10

Sombi baliboteshe amilimo ibotu yeelete banakashi balyaamba ayi balalambila Lesa.

2 Timoti 1:18

Nkumbu shakwe Lesa shikabe anguwe pabushiku bwakoombolosha. Webo ulishi kale kabotu kufula kwa shintu nshaakancitila muEfeso.

Taitasi 2:3

Mbweeke ubo banakashi bamanene kobaambila ayi banookala buumi busalalite. Tabeelete kuba bafuyishi nabi bacakolwa, sombi balyeelete kunokwiisha shintu shibotu.

Filimoni 1:12

Ono ntoomuboosha kuli ndiwe, anu mukucita boobo cilibo anga ndakutumina amoyo wangu woonse.

Filimoni 1:17

Aboobo na ulaamba ayi ndimusebenshinyoko, tambula Onesimasi bweenka mbweenga wantambula.

2 Joni 1:10

Paceebo ceeco, na umwi muntu wesa kuli ndimwe kaateeishi sheeshi, mutamutambuli akumutambula mumaandaanu. Muteeleshi nabi kumwaansha.