Bene Loma 13:4 - Baibo Busansulushi Bwa Libuku Ili

⁴ Ceebo mweendeleshi ngumusebenshi wakwe Lesa utoosebensela kucafwa ndiwe. Ono na ulacita shibiibi ncakwiila ulyeelete kumuloonda mukwiinga ulicite nkusu shakukupa mulandu. Anu mweendeleshi ngumusebenshi wakwe Lesa uyo upa mulandu bacita shibiibi mumusena wakwe Lesa.

Bene Loma 13:4 ပူးပေါင်းရင်းမြစ်များ

Bene Loma 12:19

Nobamakwesu bubi tabeelanishi, sombi mwebo amulekelebo Lesa woombolosha akupa mulandu. Kweelana abwaamba Malembo akwe Lesa ayi, “Amubaleeke ndime mboosha shishole, ndaakubapa milandu abalo, mbwaamba Mwaami Lesa.”

Tushimpi 20:2

Bukali bwa mwaami buli anga nkubuluma kwa nkalamu. Uyo woonse usonkomona bukali bwakwe ulalicaisha.

Tushimpi 16:14

Bukali bwa mwaami bulatola kulufu, sombi musongo inga wakonsha kubootobeka.

2 Makani 19:6

Wakabaambila ayi, “Kamucenjela pakoombolosha milandu mukwiinga tamutokoomboloshela muntu, sombi mutokoomboloshela Mwaami Lesa uyo uli amwebo pakoombolosha.

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

Bene Loma 13:6

Ici nceceeco ncoosonkelela misonko mukwiinga beendeleshi ndibasebensa milimo yabo, balasebensela Lesa.

Mika 3:9

Amukutike mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Amukutike mwebo nomupatite koombolosha cakutanyengelela akusandula shiluleme kuba shitaluleme.

Esekelo 25:14

Ndaakuboosha cishole kucishi ca Edomu kwiinda mubantu bangu bene Isilaeli. Balaakucita bene Edomu kweelana abukali bwangu buyoosha. Lyalo bene Edomu balaakwishiba mbocibete kubooshelwa cishole kuli ndime. Nebo neMwaami Lesa Shinkusu shoonse ndaamba.’ ”

Esekelo 22:27

Abalo bacinenenene bali muli ncico bali anga mbaumpe batookwamoona munyama ngobacata. Balatila bulowa mukucaya bantu ayi babile.

Jelemiya 5:28

Baliinite alimwi balalya kabotu. Kubisha kwabo takumaniiwo. Taboomboloshi milandu ya banabanshiwa mbuli mboyeelete. Bakandu tababafuniiko mumakani abo.

Isaya 1:17

Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”

Tushimpi 20:26

Mwaami musongo ulapupulusha akukusha bamucita shibi akubapa milandu kwakutabanyumfwila nkumbu.

Tushimpi 20:8

Mwaami ndyeekala pacuuna cakwe ca bwaami pakoombolosha, ulapupulushabo bubi boonse ameenso akwe.

1 Baami 10:9

Aalumbaishikwe Mwaami Lesa, Lesa wanu! Wabonesha mbwaasangalete pali ndimwe kwiinda mukumubika pacuuna ca bwaami bwa bene Isilaeli. Mukwiinga lusuno lwakwe pabene Isilaeli teshi lukamaane, wamupa bwaami kwaamba ayi pakati kabo pabe koombolosha kwakutanyengelela alimwi abululami.”

Joshuwa 20:9

Ayo ngomandabala anene akulobokelaako, ngobakasalila bene Isilaeli pantu pomwi abaswamashi bakalinga kwikala pakati kabo, kwaamba ayi uyo woonse weenga wacaya umwi mumapuso, walobokela nkuko ayi afunwe kumuntu uyo weelete kuboosha cishole. Taakalinga kucaikwa kushikila woomboloshekwa capatuba abeshinkuta.

Joshuwa 20:5

Na shikuboosha cishole wamukonkela uko, bantu ba mundabala iyo tabeelete kwaaba shikufunwa mumaansaakwe ayi amucaaye. Sombi balyeelete kumufuna mukwiinga taakwe kucita kashanga kucaya mubye alimwi kuteshi mumfundilishi.

1 Pita 2:14

nabi kubeendeleshi mbaakabika kupa mulandu abo bacita shitaluleme akulumbaisha bacita shiluleme.