Bene Loma 13:2 - Baibo Busansulushi Bwa Libuku Ili

² Aboobo uyo woonse utanyumfwili beendeleshi taatoonyumfwila Lesa. Ncakwiila uyo ucita boobo ulaakulilengesha kupekwa mulandu.

Bene Loma 13:2 ပူးပေါင်းရင်းမြစ်များ

Kulonga 16:8

Lyalo Mose wakabaambila ayi, “NguMwaami Lesa eshi amupe nyama ayi mulye macolesha alimwi ashinkwa woonse uyandika macuunsa, mukwiinga Mwaami Lesa wanyumfwa mbuli mbomwamutongookela. Na mwatongookela ndiswe, nkokwaamba ayi mutootongookela Mwaami Lesa.”

Isaya 58:2

Balanambila mashiku amalumwi, balaboneka anga balisunishi kwishiba nshila shangu. Balalibonesha anga ngumushobo ucita shiluleme uyo utana kufutatilaawo milawo yangu neLesa wabo. Ee, balalibonesha anga balisuminite kukonkela milawo yangu. Balaamba ayi balisuni koombolosha kululeme alimwi ayi balisunishi kwaamba ayi nsene pafwaafwi ambabo.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Maako 12:40

Aba bantu mbobabwesa buboni bwa bamukalubinje banakashi, akubeca kupaila mipailo ilaamfulaamfu kwaamba ayi bantu bababoone. Ncakwiila, Lesa ulaakuboombolosha cankusu.”

Luka 20:47

Aba bantu mbobabwesa buboni bwa bamukalubinje banakashi akubeca kupaila mipailo ilaamfulaamfu kwaamba ayi bantu bababoone. Aba bantu ncakwiila Lesa ulaakuboombolosha cankusu.”

Bene Loma 13:1

Muntu uli woonse ulyeelete kunyumfwila beendeleshi ba cishi ceebo taaku muntu ucite nkusu shakweendelesha shitakwe kuswa kuli Lesa. Beendeleshi boonse baliiwo, nguLesa wakabasala.

Bene Loma 13:3

Ceebo beendeleshi tabaloondwi kubantu bacita shibotu, sombi kubaabo bacita shibiibi. Sa ulisuni kutaloonda mweendeleshi? Anu kocita shibotu, lyalo lakwe ulaakukulumbaisha.

Bene Loma 13:5

Paceebo ceeco ulyeelete kunyumfwila beendeleshi, kuteshibo ceebo ca bukali bwakwe Lesa, sombi ayi mukwiinga mumoyo wako ulishi ayi mboweelete kucita ubo.

Bene Loma 9:19

Ono umwi pali ndimwe inga weepusha ayi, “Ino ono na Lesa mbwaacita ubo, ulapetanshi bantu milandu? Ino ngani weenga wakasha Lesa kucita nshaasuni?”

Taitasi 3:1

Ibalusha bantu bako ayi banoonyumfwila bamaami abeendeleshi. Banoobakonkela akulibambila kucita milimo yoonse kabotu kabotu.

Jemusi 3:1

Nobamakwesu, baanji pakati kanu batanoolilila kuba bafundishi mukwiinga mulishi kwaamba ayi swebo sotwiisha, Lesa ulaakutoombolosha kwiinda bamwi.

1 Pita 2:13

Ceebo ca Mwaami Lesa, amulibombye kubeendeleshi boonse ba mucishi ca panshi nabi kumuleli munene wa kuLoma, mweendeleshi wiindaawo,