Bene Loma 13:1 - Baibo Busansulushi Bwa Libuku Ili

¹ Muntu uli woonse ulyeelete kunyumfwila beendeleshi ba cishi ceebo taaku muntu ucite nkusu shakweendelesha shitakwe kuswa kuli Lesa. Beendeleshi boonse baliiwo, nguLesa wakabasala.

Bene Loma 13:1 ပူးပေါင်းရင်းမြစ်များ

Kulumbaisha 62:11

NobaLesa mwakaambabo linkanda lyomwi, sombi nebo ndabwesaawo shintu shobilo. Comwi ncakwaamba ayi nobaLesa muli beshinkusu.

Tushimpi 24:21

Omwanaangu, kolemeka Mwaami Lesa alimwi amwaami ukulela. Utacatani pomwi abaabo beshikubabukila

Danyelo 2:21

Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.

Danyelo 4:17

Beshinkombe basalalite mbobaambilisha kupingula uko kwaamba ayi bantu boomi boonse beshibe ayi Mwaami Lesa Shinkusu shoonse ngoocite nkusu pamalelo a bantu alimwi ngooapa kubantu bali boonse mbwaasuni. Ncakwiila ulapa bantu balibombya kweendelesha malelo ayo.’

Danyelo 4:32

Ulaakutandaanishikwa kuswa pakati ka bantu akuya mukwikala abanyama bamuluundu. Ulaakunoolya bwiisu anga niŋombe kwamyaaka yosanwe amyaaka yobilo. Kuswawaawo ulaakusumina ayi Mwaami Lesa wa kwiculu Wiindaawo ngomwaami pamalelo a bantu alimwi ayi ngooapa kubantu abo mbwaasuni.”

Mateyo 6:13

Mutatwinjishi mumasunko, sombi mutufuune kuswa kuMubiibi ulya. [Mukwiinga Bweene, nkusu abulemu nshanu muyayaya. Ameni.’]

Joni 19:11

Jesu lyalo wakakumbula ayi, “Nootakwe kupekwa nkusu kuswa kuli baTa, naakwiinga toocite nkusu pali ndime. Nakubi boobo uyo wakangaba kuli ndiwe ngoocite cibiibi cinene.”

Milimo ya Batumwi 2:41

Mpeeke bantu baanji bakashoma maswi akaamba Pita. Lyalo bakabombekwa. Alimwi pabushiku bweenka ubo, bantu aba bakaba mulikoto lyabo mpashi bakalinga shuulu shotatwe.

Bene Loma 12:21

Paceebo ceeco mutaleeki bubi kwaamba ayi bumukoome, sombi amubukoome kwiinda mukucita shintu shibotu.

Bene Loma 13:2

Aboobo uyo woonse utanyumfwili beendeleshi taatoonyumfwila Lesa. Ncakwiila uyo ucita boobo ulaakulilengesha kupekwa mulandu.

Bene Efeso 5:21

Ceebo mulalemeka Klistu, mulyeelete kunyumfwana.

Dutolonomi 17:12

Uyo woonse weshi akanyanshe moomboloshi nabi mupailishi utoosebensa kunembo lya Mwaami Lesa, Lesa wanu ulyeelete kucaikwa. Munshila iyi mulaakukusha bubi ubu pakati ka bene Isilaeli.

1 Timoti 2:2

Mupailile baami abaabo bali mubweendeleshi kwaamba ayi twikale muluumuno cakulemeka Lesa abuumi bubotu.

Taitasi 3:1

Ibalusha bantu bako ayi banoonyumfwila bamaami abeendeleshi. Banoobakonkela akulibambila kucita milimo yoonse kabotu kabotu.

Judi 1:8

Sombi bantu aba balacita mbomunya ubo. Kwiinda mukukonkela shiloto shabo, balabisha mibili yabo. Balakaka nkusu shakwe Lesa alimwi akucobola baanjelo bakwe balemekwa.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Ciyubululo 17:14

Balaakulwana aMwanaambelele, sombi Mwanaambelele uyu pantu pomwi abaabo mbwaakeeta akusala alimwi bashomeka kuli nguwe, balaakukoma bamaami abo mukwiinga lakwe nguMwaami wa bamaami alimwi nguMweendeleshi wa beendeleshi.”

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”

1 Samwelo 2:8

Ulasumpula bakandu kuswabo kwiine kumiyanda, ulakusha bakandu kuswa mubuumba bwabo. Ulabalengesha kwikala mubwanabwankashi abanaabaami akubalengesha kuba mumisena ya bulemu. Lwiimbi loonse lwa nsengwe ndwa Mwaami Lesa, pali ndulo mpaakayaka cishi ca panshi.