Bene Loma 11:2 - Baibo Busansulushi Bwa Libuku Ili

² Lesa taakwe kukaka bene Isilaeli abo mbwaakasala kuswabo kumatalikilo. Sa tamushi bwaamba Malembo akwe Lesa mucikani cilya Elija ndyaakasenga cankusu ayi Lesa ape mulandu bene Isilaeli?

Bene Loma 11:2 ပူးပေါင်းရင်းမြစ်များ

Matalikilo 44:15

Mpeeke Josefu wakaamba ayi, “Ino mwacitanshi? Sa temwalinga kwishi kwaamba ayi muntu uli mbuli ndime inga weshiba shintu kwiinda mukulotela?”

Neyemiya 9:30

Kwamyaaka iinji mwakalinga kukomenyabo caamba pali mbabo. Mwakalinga kubacenjesha aMushimu wanu kwiinda mubalaluki banu. Sombi balo tebakalinga kumunyumfwila, sobwe. Aboobo mwakabaaba mumaansa a balwani babo.

Kulumbaisha 94:14

Mwaami Lesa teshi akafutatilewo bantu bakwe. Ee, teshi akalekeleshe abo mbwaakasala.

Kulonga 32:1

Ono bantu ndibakabona ayi Mose wacelwa kuswa pakalundu, bakabungana kuli Aloni akumwaambila ayi, “Swebo tatwishi cacitika kuli Mose uyo wakatukusha mucishi ca Ijipiti. Paceebo ceeci tupangile lesa weshi atutanjilile.”

Jelemiya 31:37

Na kukabe bushiku bantu mbweshi bakakonshe kupima liculu akukonsha kubona lwiimbi lwa cishi ca panshi akulwishiba, mbobushiku nebo neMwaami Lesa mbweshi nkakake bene Isilaeli ceebo ca shibiibi nshebakacita. Nebo neMwaami Lesa ndaamba.”

Shakubelenga 16:15

Mpomunyaawo Mose wakakalala abuumbi akwaambila Mwaami Lesa ayi, “Mutatambuli mulambu nabi womwi ngweshi babenge. Taaku nabi womwi ngondakabishisha alimwi nshikwe kubwesaawo nabibo mbongolo yabo.”

Maako 12:26

Ono apalo pamakani akubushikwa kuswa kubafu, sa tamuna kubelengaawo mulibuku ndyaakalemba Mose pamakani a cikupu cakalinga kunyaka? Palya Lesa wakaambila Mose ayi, ‘Nebo ndime Lesa wakwe Abulaamu, Lesa wakwe Isaki alimwi aLesa wakwe Jakobo.’

Luka 4:1

Jesu wakaswaako kuMulonga wa Joodani kaaswite Mushimu Usalashi uyo wakamutanjilila kuya muluyanga.

Joni 4:11

Lyalo mwanakashi wakakumbula ayi, “Nkambo, tamucite ceela ca kutekesha alimwi mukalo uyu ngulaamfu. Ino maanshi ayo apa buumi mutokwaakusha kuli?

Milimo ya Batumwi 13:48

Baswamashi bakunsengwe ndibakanyumfwa boobo, bakasangalala abuumbi akutalika kulumbaisha maswi a Mwaami abotu. Mpomunyaawo abo Lesa mbwaakasala ayi babe abuumi butamaani, bakashoma.

Milimo ya Batumwi 15:18

Ubo mbwaatokwaamba Mwaami Lesa uyo wakeshibisha bantu kale kale.’ ”

Milimo ya Batumwi 3:17

“Ono nobamakwesu, ndishi kwaamba ayi mwebo abamatanjilili banu mwakacita sheeshi kuli Jesu mukutashiba.

Milimo ya Batumwi 7:40

Lyalo bakaambila Aloni ayi, ‘Tupangile balesa abo beshi batutanjilile mukwiinga tatwishi cacitika kuli Mose uyo wakatukusha muIjipiti.’

Bene Loma 6:16

Mulishi kabotu kwaamba ayi na muntu walibenga kuba musha wa muntu umwi, ulyeelete kunoomunyumfwila. Nkokwaamba ayi na muli basha ba bubi mulaakufwa. Na mulanyumfwila Lesa, ulaakumululamika pameenso akwe.

Bene Loma 9:23

Wakacita boobo kwaamba ayi ayubulule bulemu bwakwe bwancinencine kuli ndiswe, sotwakanyumfwilwa nkumbu akubambilwa limwi ayi tukatambuleko bulemu ubu.

Bene Loma 9:6

Ono nshintokwaamba ayi Lesa taakwe kucita kweelana akushomesha kwakwe ceebo teshi bene Isilaeli boonse babandwa ayi mbantu bakwe Lesa cancinencine.

1 Bene Kolinto 6:2

Sa tamwishi kwaamba ayi bene Klistu mbweshi bakoomboloshe bantu bakunsengwe boonse mucishi ca panshi? Ono na mulaakoombolosha cishi coonse, sa tamweelete koombolosha tukani tuniini twa mushobo uyu pakati kanu?

1 Bene Kolinto 8:3

Sombi muntu usuni Lesa ulishibikitwe kuli nguwe.

Bene Filipi 1:22

Na kubukila buumi kulampa ciindi cakusebensa ncito itondesha shisepo, anu nceenga ndasalaawo nshicishi.

Bene Ebulu 1:1

Kale kale, Lesa wakalinga kwaamba kubamashali besu bakulukulu mankanda aanji alimwi amunshila shipusenepusene, kwiinda mubalaluki bakulukulu.

1 Pita 1:2

Mumiyeeyo yakwe Lesa Ishiwesu wakamusala. Mwakasalashikwa aMushimu Usalashi ayi munoonyumfwila Jesu Klistu akusanshikwa abulowa bwakwe. Luse aluumuno shikomene muli ndimwe lyoonse alyoonse.