Bene Loma 1:3 - Baibo Busansulushi Bwa Libuku Ili

³ Makani Abotu aya alaamba shaMwanaakwe, Mwaami wesu Jesu Klistu, wakashalwa mulunyungu lwakwe Defedi mukushalwa kwabuntu.

Bene Loma 1:3 ပူးပေါင်းရင်းမြစ်များ

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Kulumbaisha 2:7

Ono mwaami uyo waamba ayi, “Ntokwaambilisha Mwaami Lesa ncaamba. Wandwiita ayi, ‘Webo uli mwanaangu, sunu ndaba baiso.

Jelemiya 33:26

Ono mbocibete lushinisho ayi ndakacita boobo, mbweeke ubo mbweshi nkacite kweelana acipangano cangu abamulunyungu lwakwe Jakobo alimwi amusebenshi wangu Defedi. Ndaakusalawo muntu womwi pabamulunyungu lwakwe Defedi ayi alele bamulunyungu lwakwe Abulaamu, Isaki aJakobo. Ndaakufwita nkumbu bantu bangu akubalengesha kuswitilila alimwi.”

Amosi 9:11

Mwaami Lesa waamba ayi, “Bushiku bulaakushika ndyeshi nkabooshe bulemu kubulelo bwakwe Defedi. Bulelo ubo bwababo anga niŋanda yawa akunyonyooka. Ndaakuyakulula lubumbu akuboosha bulemu bwa njiyo. Ndaakwiiyakulula akwiibamba bweenka mboyakalinga pakataanshi.

Mateyo 1:1

Jesu Klistu wakashalwa mulunyungu lwakwe Defedi aAbulaamu.

Mateyo 1:16

Jakobo wakashala Josefu muka Maliya, banyina Jesu wiitwa ayi Klistu.

Mateyo 1:6

Jese wakashala mwaami Defedi. Ono Defedi wakashala Solomoni muli muka Uliya.

Mateyo 12:23

Lyalo bantu boonse bakakankamana akwaamba ayi, “Sa uyu inga waba mwanaakwe Defedi?”

Mateyo 15:22

Mpeeke kwakesa mwanakashi kuli Jesu wa kuKenani uyo wakalinga kwikala kweenka uko. Wakoolobesha ayi, “Amunyumfwileeko nkumbu Nkambo, nobana bakwe Defedi! Mwanaangu mwanakashi ulicite bashikaswa.”

Mateyo 26:63

Sombi Jesu wakoomunabo tontolo. Mupailishi munene wakeepusha Jesu alimwi ayi, “Ntookwaambila muliina lyakwe Lesa muumi ayi, ulumbile na ndiwe Usalitwe wakwe Lesa ulya, Mwanaakwe Lesa.”

Mateyo 27:43

Ulashoma muli Lesa akwaamba ayi, ‘Ndi Mwanaakwe Lesa.’ Ono Lesa aamupulushe na ulimusuni!”

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

Mateyo 9:27

Jesu ndyaakaswaako uko, basankwa boofu bobilo bakamukonkela, kaboolobesha ayi, “NoBana babo baDefedi, amutunyumfwileko nkumbu!”

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Luka 1:69

Watupa Mupulushi ucite nkusu kuswa mulunyungu lwakwe Defedi musebenshi wakwe.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Joni 1:34

Ono nebo nemwiine ndalibonena alimwi nceceeco ncendaambila cakutatonsha ayi, ‘Uyu nguMwanaakwe Lesa!’ ”

Joni 1:49

Natanaelo wakakumbula ayi, “NoBafundishi, ncakwiila muli Banababo baLesa! Muli Baami ba bene Isilaeli!”

Joni 10:30

Nebo abaTa tulibo womwi.”

Joni 10:36

Ono cilaakweela kuli kuwooyo Ishi ngwaakasala akutuma mucishi ca panshi? Anu nceebonshi mutokwaamba ayi ndacobola Lesa mukwiinga ndaamba ayi, ‘Ndi Mwanaakwe Lesa?’

Joni 20:28

Tomasi wakaambila Jesu ayi, “NoBaami bangu, nobaLesa bangu!”

Joni 20:31

Sombi ishi shakalembwa kwaamba ayi mushome ayi Jesu ngoUsalitwe, Mwanaakwe Lesa alimwi ayi kwiinda mukumushoma, mube abuumi butamaani.

Joni 5:25

Ntoomulwiita calushinisho ayi ciindi cilaakushikila alimwi cashikila kale, bafu ndyeshi bakanyumfwe liswi lya Mwanaakwe Lesa alimwi abo beshi bakalinyuumfwe balaakuba abuumi butamaani.

Joni 7:42

Sa Malembo akwe Lesa taambi ayi, ‘Usalitwe wakwe Lesa ulaakuswa mulunyungu lwakwe Defedi alimwi ulaakushalilwa mundabala ya Betileemu umo mwakalinga kwikala mwaami Defedi?’ ”

Milimo ya Batumwi 2:30

Ceebo wakalinga mulaluki mukulukulu, wakeshiba ayi Lesa wakamushomesha akumukonkomesha ayi mulunyungu lwakwe mulaakuswa aumwi mwaami ngweshi akabe mbuli nguwe.

Milimo ya Batumwi 3:13

Mukucita ceeci Lesa wakwe Abulaamu, Isaki alimwi aJakobo, Lesa wa bamashali besu bakulukulu, watondesha bulemu kumusebenshi wakwe Jesu. Mwebo mwakamwaaba mumaansa a beendeleshi alimwi mwakamukaka pameenso akwe Pilato nakubi kwaamba ayi lakwe wakalinga kusuni kumwaangulula.

Milimo ya Batumwi 8:36

Ndibakalinga kuya munshila, bakashika pamusena umwi pakalinga maanshi. Mpomunyaawo mweendeleshi wakaamba ayi, “Amubone anaaya maanshi! Sa kuli cimwi nceenga cankasha kubombekwa?” [

Milimo ya Batumwi 9:20

Wakeendililabo kuya mushoonde sha baJuda akutalika kushimikila ayi Jesu nguMwanaakwe Lesa.

Bene Loma 1:9

Lesa uyo ngoonsebensela amoyo woonse kwiinda mukushimikila Makani Abotu aamba shaMwanaakwe, ngukamboni wangu ayi ico ncentokwaamba ncalushinisho. Ulishi alimwi kwaamba ayi ndamuyeeya lyoonse

Bene Loma 4:1

Ono twaambe buyani pali Abulaamu mushali wesu mukulukulu sobaJuda? Nciinshi cakacitika pacikani ici?

Bene Loma 9:3

Necalinga kukonsheka, naakwiinga nebo ndasumina ayi Lesa anshingane akumpansaanya aKlistu mumusena wa bene misheesu.

Bene Loma 9:5

Balo bakaswa mucishiko ca mishobo yoonse ya bene Isilaeli. Alakwe Klistu kwiinda mukushalwa kwabuntu ngwa mumushobo wabo. Aalumbaishikwe lyoonse Lesa uyo weendelesha shintu shoonse. Ameni.

1 Bene Kolinto 1:9

Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.

1 Bene Kolinto 10:18

Amuyeeye bucita bene Isilaeli, abo balyaako shipo shipekwa kuli Lesa pacipaililo. Sa tababi lubasu mukulambila Lesa?

Bene Galatiya 4:4

Sombi ciindi ceelete ndicakashikila, Lesa wakatuma Mwanaakwe uyo wakashalwa mumwanakashi alimwi Mwaana uyo wakalinga kukonkela aMilawo ya baJuda.

1 Bene Tesalonika 1:10

Peculu lya waawo mutoolindilila Mwanaakwe kuswa kwiculu wiitwa ayi Jesu, uyo Lesa ngwaakabusha kuswa kubafu. Jesu uyo ngootufuna kuswa kubukali bwakwe Lesa.

1 Timoti 2:5

Ceebo kuli Lesa womwibo ashikwiimikana pakati kakwe Lesa abantu womwibo. Muntu uyo nguKlistu Jesu,

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

2 Timoti 2:8

Ibaluka Jesu Klistu uyo wakabushikwa kuswa kubafu alimwi wakashalwa mulunyungu lwakwe Defedi, mbuli bwaamba Makani Abotu ngoonshimikila.

1 Joni 1:3

Ico ncetwakabona akunyumfwa ncetutoomushimikila kwaamba ayi mwebo alimwi aswebo tusenkane mubwanabwankashi bwakwe Lesa alimwi aMwanaakwe Jesu Klistu.

1 Joni 3:23

Lesa wakatupa mulawo wakwaamba ayi tushome muMwanaakwe Jesu Klistu alimwi akusunana kweelana aKlistu mbwaakatulwiita.

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.

1 Joni 4:15

Uyo woonse usumina patuba ayi Jesu nguMwanaakwe Lesa, ulekala muli Lesa, alakwe Lesa ulekala muli nguwe.

1 Joni 5:1

Uyo woonse ushoma ayi Jesu ngoUsalitwe wakwe Lesa, ngumwanaakwe Lesa. Alakwe uyo woonse usuni ishi, ulisuni amwaana.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

1 Joni 5:5

Ngani weenga wakoma sha mucishi ca panshi? Eenkabo uyo ushoma ayi Jesu ngoMwanaakwe Lesa.

2 Joni 1:7

Ceebo kuli babeshi baanji balibo cishi coonse ca panshi, abo batasumini ayi Jesu Klistu wakesa mubuntu. Muntu utasumini makani aya ngumubeshi alimwi ngumulwani wakwe Klistu.

Ciyubululo 2:18

“Mutanjilili wa kucoonde ca kuTiyatila umulembele ayi, “Aya ngamakani aamba Mwanaakwe Lesa, ucite meenso aboneka anga ngumulilo utoonyaka alimwi ashimpanta shibekabeka anga ngubulonse waswabo mukufulwa.