Bene Loma 1:1 - Baibo Busansulushi Bwa Libuku Ili

¹ Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

Bene Loma 1:1 ပူးပေါင်းရင်းမြစ်များ

1 Makani 23:13

Amulamu munenebantu wakashala Aloni alimwi aMose. Aloni abamulunyungu lwakwe bakapekwa mulimo wakulama shintu shisalalite lyoonsebo, kubenga milambu kunembo lya Mwaami Lesa, kumusebensela alimwi akupa shoolwe bantu muliina lyakwe kwalyoonse alyoonse.

Isaya 49:1

Amukutike mwebo nobantu bekala kulaale, ee, munyumfwe mwebo nomwikala kushishi sha kulaale. Mwaami Lesa wakanjita ayi nkamusebensele kaantana kushalwa. Wakeeta liina lyangu kaancili mumala muli bama.

Jelemiya 1:5

“Kaantana kukubumba mulifumo lya banyoko, ndakalinga kukwishi kale. Ncakwiila ndakakubika palubasu kootana kushalwa. Ndakakusala ayi ube mulaluki kumishobo iinji.”

Maako 1:14

Joni ndibakamubika muntolongo, Jesu wakaya kuGalili kaashimikila Makani Abotu akwe Lesa.

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Joni 15:15

Teshi kamwiiteewo ayi basebenshi ceebo musebenshi taashibi shitoocita mwaami wakwe. Sombi ntoomwiita ayi babyaanji ceebo shoonse nshendakanyumfwa kuli baTa, ndakamulwiita.

Joni 15:20

Amwiibaluke maswi ngondakamwaambila ayi, ‘Musebenshi taindi mwaami wakwe.’ Na nebo bakampensha amwebo balaakumupensha. Na bakakonkela kwiisha kwangu amwebo kwiisha kwanu balaakukukonkela.

Milimo ya Batumwi 13:9

Lyalo Saulo uyo wakalinga kwiitwa ayi Paulo wakesushikwa Mushimu Usalashi. Mpeeke wakalangilishisha muŋanga uyo

Milimo ya Batumwi 20:24

Nshicitaaco mulandu nabi ndafwa, cinene nkumanisha mulimo wangu uyo ngwaakampa Mwaami Jesu, wakushimikila Makani Abotu aamba paluse lwakwe Lesa.

Milimo ya Batumwi 21:40

Mutanjilili uyo wakamusuminisha. Lyalo Paulo wakeemikana pakutantila akuumusha bantu alyaansa. Ndibakoomuna, wakaamba muciEbulu ayi,

Milimo ya Batumwi 22:21

Ono Mwaami wakandwiita ayi, ‘Koyabo mukwiinga ndaakukutuma kulaale, kubaswamashi bakunsengwe.’ ”

Milimo ya Batumwi 22:7

Mpeeke ndakawita panshi akunyumfwa liswi lyakwaamba ayi, ‘Saulo, Saulo! Ino utoompensheshanshi?’

Milimo ya Batumwi 26:1

Mpomunyaawo Agilipa wakaambila Paulo ayi, “Wasuminishikwa ayi uliimikanine omwiine.” Paulo wakatambika lyaansa lyakwe akutalika kwaamba ayi,

Milimo ya Batumwi 26:14

Lyalo soonse twakawita panshi. Kuswawaawo ndakanyumfwa liswi muciEbulu lyakwaamba ayi, ‘Saulo, Saulo! Ino utoompensheshanshi? Utoolicisabo omwiine mukukakatila kulwana anebo, bweenka mbuli ŋombe itoofusa shibaka akushikila mukasamu kakolete kacite mwineyo.’

Milimo ya Batumwi 27:23

Mukwiinga mashiku Lesa uyo unyeendelesha alimwi ngoonambila, watuma munjelo wakwe kuli ndime.

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Bene Loma 1:16

Ndashoma amoyo woonse muMakani Abotu ceebo nshenkusu shakwe Lesa shakupulusha bantu boonse bashoma, kutaanguna baJuda, pesule baswamashi bakunsengwe.

Bene Loma 1:5

Kwiinda muli nguwe, Lesa wakampa mulimo unene wa butumwi kwaamba ayi nsebensele Klistu mukulengesha bantu ba mishobo yoonse ayi bamushome akunoomunyumfwila.

Bene Loma 1:9

Lesa uyo ngoonsebensela amoyo woonse kwiinda mukushimikila Makani Abotu aamba shaMwanaakwe, ngukamboni wangu ayi ico ncentokwaamba ncalushinisho. Ulishi alimwi kwaamba ayi ndamuyeeya lyoonse

Bene Loma 11:13

Ono ntokwaambila ndimwe nobaswamashi bakunsengwe. Ceebo cakwaamba ayi ndi mutumwi kubaswamashi bakunsengwe, ndalumba Lesa lyoonse pamulimo uyu ngwaakampa ayi ncite.

Bene Loma 15:16

Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa.

Bene Loma 15:29

Ndishi kwaamba ayi ndaakwisa uko, ndaakumuletela amwebo shoolwe shiswite shiswa kuli Klistu.

Bene Loma 16:18

Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo.

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

1 Bene Kolinto 1:1

Ndime Paulo uyo wakeetwa kweelana akuyanda kwakwe Lesa ayi mbe mutumwi wakwe Klistu Jesu. Ndi amukwabesu Sositenesi.

1 Bene Kolinto 9:1

Sa nshaangulukite? Sa nshishi mutumwi? Sa nshikwe kumubona Jesu Mwaami wesu? Sa te ndimwe shisepo sha mulimo ngondakasebensela Mwaami?

2 Bene Kolinto 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ndi pantu pomwi amushominyineesu Timoti. Ntoolembela ndimwe nocoonde cakwe Lesa cili muKolinto abashomi boonse bali mucishi ca Akeya.

2 Bene Kolinto 11:5

Ntooyeeya ayi nshiindwiiwo kubaabo mbomwaamba ayi, “Batumwi beendaawo.”

2 Bene Kolinto 11:7

Ndakalibombya kwaamba ayi mwebo musumpulwe ceebo ndakamushimikila Makani Abotu akwe Lesa cakutamulipilisha. Sa ndakabisha kucita boobo?

2 Bene Kolinto 12:11

Ono ntoocita anga ngumuntu muluya! Sombi ndimwe mwanengesha kuba boobo. Mwebo ndimwe mwakalinga kweelete kunumbaisha ceebo nakubi kwaamba ayi taaku mboombete, sombi abo mbomwaamba ayi, “Batumwi beendaawo,” tabanyindiiwo.

2 Bene Kolinto 2:12

Ono ndindakashika kuTulowasi mukushimikila Makani Abotu akwe Klistu, ndakabona kwaamba ayi Mwaami wakancalwita mulyango wakusebensa.

2 Bene Kolinto 4:5

Ceebo tatushimikili shapali ndiswe sobeene, sombi shapali Jesu Klistu ayi ngoMwaami. Swebo tulalyaamba ayi tuli basebenshi banu ceebo cakwe Jesu.

Bene Galatiya 1:1

Ndime Paulo mutumwi. Teshi muntu wakantuma sombi Jesu Klistu alimwi aLesa Ishiwesu uyo wakamubusha kuswa kubafu.

Bene Efeso 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ntoolembela bantu bakwe Lesa bali kuEfeso abo bashomeka muli Klistu.

Bene Efeso 1:13

Amwebo mwakaba bantu bakwe Lesa ndimwakanyumfwa makani aamba shancinencine, ngoMakani Abotu ayo akamuletela lupulusho. Mwakashoma Klistu, paceebo ceeco, Lesa wakamupa keshibilo kakwaamba ayi muli bantu bakwe pakumupa Mushimu Usalashi uyo ngwaakashomesha.

Bene Efeso 4:11

Ngowooyo “wakapa bantu shipo” akusala kwaamba ayi bamwi babe batumwi, bamwi babe balaluki, bamwi babe beshikushimikila, bamwi babe beembeshi abafundishi.

Dutolonomi 10:8

Paciindi ico, Mwaami Lesa wakasala mukowa wakwe Lefi ayi banoolama Libokoshi lya Cipangano, akumusebensela mubupailishi alimwi akunoopa shoolwe muliina lyakwe. Uyu ucili ngomulimo wabo asunu.

Bene Filipi 1:1

Ndime Paulo alimwi aTimoti basebenshi bakwe Klistu Jesu. Tutoolembela ndimwe noonse nobantu bakwe Lesa muli Klistu Jesu nomuli muFilipi, pantu pomwi abamatanjilili ba coonde abacafwi.

Bene Filipi 2:11

Alimwi boonse balaakusumina patuba ayi Jesu Klistu nguMwaami, mukupa bulemu kuli Lesa Ishiwesu.

Bene Kolose 1:1

Ndime Paulo mutumwi wakwe Klistu Jesu kwiinda mukuyanda kwakwe Lesa. Ndi aTimoti mukwabesu.

Bene Kolose 1:25

Anu nebo ndi musebenshi wa coonde ici mukwiinga Lesa wakampa mulimo wakucita pakati kanu. Mulimo uyu ngwakushimikila maswi akwe oonse.

1 Bene Tesalonika 2:2

Mulishi bene Filipi mbobakatupensha akutusebaanya cilensha nsoni mundabala yabo, katutana kwisa muTesalonika umo. Nakubi kwaamba ayi bantu baanji bakalinga kusuni kwiimika mulimo wesu, Lesa wesu wakatuyumya myoyo kwaamba ayi tukonshe kumulwiita Makani Abotu aswa kuli nguwe.

1 Bene Tesalonika 2:8

Peculu lya waawo ceebo cakumusunisha twakalinga kulibambite kuteshibo kumwishibisha shaMakani Abotu aswa kuli Lesa, sombi akupa buumi bwesu sobeene. Ncakwiila twakalinga kumusuni abuumbi!

1 Bene Tesalonika 2:9

Nobamakwesu, muliingashite mbotwakasebensa cankusu? Twakalinga kusebensa malumwi amashiku kwaamba ayi tutamupenshi mushintu nshetwakalinga kuyanda kusebensesha, nditwakalinga kumushimikila Makani Abotu aswa kuli Lesa.

1 Timoti 1:1

Ndime Paulo mutumwi wakwe Klistu Jesu kwiinda mukuyanda kwakwe Lesa Mupulushi wesu, aKlistu Jesu apo peemfwi kulangila kwesu.

1 Timoti 2:7

Nceceeco alimwi ncaakampeta butumwi abufundishi bwa kubaswamashi bakunsengwe kwaamba ayi nshimikile Makani Abotu a lushomo alushinisho. Nshintoobeca, ntokwaamba lushinisho.

2 Timoti 1:11

Lesa wakansala kuba mutumwi amufundishi kwaamba ayi nshimikile Makani Abotu.

Taitasi 1:1

Ndime Paulo musebenshi wakwe Lesa alimwi mutumwi wakwe Jesu Klistu. Ndakasalwa kwaamba ayi njumye lushomo lwa baabo Lesa mbwaakasala akubatanjilila mukwishiba shalushinisho isho shiletela buumi bwa buLesa.

Bene Ebulu 5:4

Taaku muntu usala kulipa bulemu bwakuba mupailishi munene, sombi nguLesa umwiita, bweenka mbwaakeeta Aloni.

Bene Ebulu 7:26

Jesu anu ngoMupailishi Munene utucafwa munshila shoonse shiyandika. Ulisalalite alimwi taacite kampenda nabi bubi muli nguwe. Wakapusanishikwa abamucita shibi alimwi wakasumpulwa kwiinda shoonse sha kwiculu.

Jemusi 1:1

Ndime Jemusi musebenshi wakwe Lesa aMwaami Jesu Klistu. Ntoolembela ndimwe nomikowa ili likumi ayobilo yakapalanganina mushishi shimwi shoonse. Ndamwaansha.

1 Pita 4:17

Mukwiinga ciindi cashikila cakwaamba ayi Lesa atalike koombolosha bantu bakwe. Ono na Lesa ulaakutaanguna koombolosha ndiswe, ino cilaakuba buyani kubaabo batashomi Makani Abotu akwe Lesa?

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.

Ciyubululo 1:1

Libuku ili lilaamba pashintu Lesa nshaakayubulwita Jesu Klistu. Lesa wakamuyubulwita shintu ishi kwaamba ayi akaboneshe basebenshi bakwe sheelete kucitika cakufwambaana. Alakwe Klistu wakeshibisha Joni musebenshi wakwe kwiinda mumunjelo ngwaakatuma.

Ciyubululo 22:6

Mpomunyaawo munjelo wakaŋambila ayi, “Maswi aya ngancinencine alimwi alyeelete kushomwa. Mwaami Lesa uyo upa Mushimu Usalashi kubalaluki, watuma munjelo wakwe ayi aboneshe basebenshi bakwe isho sheshi shikacitike onoono.”

Ciyubululo 22:9

Sombi lakwe wakaŋambila ayi, “Utaciti bobulya mukwiinga anebo ndi musebenshinyoko alimwi musebenshinyina bamakwanu balaluki pantu pomwi abaabo boonse bakonkela maswi ali mulibuku ili. Ulyeelete kulambila Lesa!”