Bene Lefi 9:23 - Baibo Busansulushi Bwa Libuku Ili

²³ Mpomunyaawo Mose aAloni bakenjila muTente ya Cipangano. Ndibakaswaamo, bakapa coolwe bantu, mpeeke bulemu bwa Mwaami Lesa bwakabonekela kubantu boonse.

Bene Lefi 9:23 ပူးပေါင်းရင်းမြစ်များ

2 Makani 7:1

Solomoni ndyaakamanabo kupaila, mulilo wakesa kuswa kwiculu akutenta milambu yoonse yakabengwa. Mpeeke bulemu bwa Mwaami Lesa bwakesula Ŋanda yakwe.

Kulonga 16:10

Ono Aloni ndyaakalinga kwaamba, bene Isilaeli boonse bakacebukila muluyanga. Paciindi ceenka ico, bakabona bulemu bwa mwaami Lesa mulikumbi.

Kulonga 39:43

Lyalo Mose wakeendaamo moonse akubona kwaamba ayi shoonse bashipanga kweelana abwakaamba Mwaami Lesa. Mpeeke Mose wakabapa coolwe.

Bene Lefi 9:4

kubikaawo amucende alimwi ambelele isankwa ayi shibe mulambu wa bwanabwankashi. Balyeelete kushibenga kuMwaami Lesa pantu pomwi acipo ca fulaulo cisenkene amafuta. Balyeelete kucita shoonse isho ceebo Mwaami Lesa utoobonekela kuli mbabo sunu.”

Bene Lefi 9:6

Lyalo Mose wakaamba ayi, “Mwaami Lesa walasha ayi mucite shoonse ishi kwaamba ayi bulemu bwakwe buboneke kuli ndimwe.”

Shakubelenga 14:10

Mpeeke bantu boonse bakayeeya kucaya Joshuwa aKalebu kumabwe, sombi paciindi ceenka ico, bene Isilaeli bakabona bulemu bwa Mwaami Lesa paTente lya Cipangano.

Shakubelenga 16:19

Ono Kola ndyaakamana kubunganya bantu abo bakalinga kumukonkela pamulyango waTente ya Cipangano kabalangene aMose alimwi aAloni, bulemu bwa Mwaami Lesa bwakaboneka kubantu boonse bakalinga kubungene.

Shakubelenga 16:42

Mpeeke ndibakabungana kabatongookela Mose aAloni, bakacebukila kuTente ya Cipangano akubona likumbi lyafwekeleshaawo alimwi abulemu bwa Mwaami Lesa bwakaboneka.