Bene Lefi 8:14 - Baibo Busansulushi Bwa Libuku Ili

¹⁴ Mpeeke Mose wakaleta mucende mwaana ayi ngwa mulambu wakulekelelwa shibiibi. Lyalo Aloni alimwi abana bakwe basankwa bakabika maansaabo pamutwi wa mucende.

Bene Lefi 8:14 ပူးပေါင်းရင်းမြစ်များ

Kulumbaisha 66:15

Ndaakubenga milambu yakutenta kuli ndimwe. Bwiishi bwa mbelele shisankwa bulaakushika kuli ndimwe. Ndaakubenga bacende ampongo.

Isaya 53:10

Mwaami Lesa waamba ayi, “Sombi wakalinga ngumuyeeyo wangu neMwaami Lesa wakwaamba ayi alyatilililwe akumulengesha ayi apenge munshila iyo. Nebo neMwaami Lesa ndakacita boobo kwaamba ayi buumi bwakwe bube mulambu wakumana milandu. Nakubi boobo bamulunyungu lwakwe ulaakubabona alimwi ulaakwikala buumi bulaamfu. Kwiinda muli nguwe lusuno lwangu neMwaami Lesa lulaakuswitilila.

Esekelo 43:19

Bapailishi bene Lefi bamulunyungu lwakwe Sadoki beenkabo mbobeelete kwisa kunembo lyangu mukunsebensela. Nebo neMwaami Lesa Shinkusu shoonse ndime ndapa mulawo uyu. Mulaakubapa mucende mwaana pakubenga mulambu wakulekelelwa shibiibi.

Esekelo 43:20

Ulyeelete kubwesa bulowa bumwi akubusanseela kushili anga ngameeca shone sha kumakonko one a cipaililo. Ukasanseele akumakonko one oonse a cipansha ca pakati ca cipaililo alimwi amumbasu sha ncico moonse. Munshila iyo ulaakucisalasha ayi ceelele kubengelwawo milambu kuli ndime.

Esekelo 44:27

Ono bushiku mbweenga wenjila mulubansa lwa mukati wa Ŋanda yangu kuya mukusebensela mumo, ulyeelete kubenga mulambu wakulekelelwa shibiibi. Nebo neMwaami Lesa Shinkusu shoonse ndaamba.

Bene Lefi 1:4

Ulyeelete kubika lyaansa pamutwi wakwe, lyalo ulaakutambulwa ayi ngumulambu wakukusha shibiibi shakwe.

Bene Lefi 16:21

Ulaakubika maansaakwe oonse obilo pamutwi wa njiyo akwaamba bubi boonse, shibiibi, alimwi akwaaloka kwa bene Isilaeli koonse pali njiyo. Pakucita boobo ulaakushituntulwita pamutwi wa mpongo iyo. Lyalo palaakusalwa musankwa weshi akeetole muluyanga.

Bene Lefi 16:6

Mpeeke ulaakubenga mucende ayi ngumulambu wakukusha shibiibi shakwe alimwi asha bamuŋanda yakwe.

Bene Lefi 4:15

Mpomunyaawo batanjilili ba bene Isilaeli balaakubika maansaabo pamutwi wa mucende akumucaila peenka apo.

Bene Lefi 8:2

“Tola Aloni abana bakwe basankwa kumulyango wa Tente ya Cipangano. Ulete shakufwala shabo sha bupailishi, mafuta akunanika, mucende mwaana wa mulambu wakulekelelwa shibiibi, mbelele shisankwa shobilo alimwi amutaanga wa shimaande.

Shakubelenga 8:12

“Bene Lefi balo balyeelete kubika maansaabo pamitwi ya bacende bobilo. Mucende umwi akabengwe kuli ndime neMwaami Lesa ayi ngumulambu wakulekelelwa shibiibi, alakwe umwi ayi ngumulambu wakutenta mukusalasha bene Lefi kweelana amulawo.

Bene Loma 8:3

Isho Milawo nsheyakaalilwa kucita ceebo buumi bwa buntu bwakeemana nkusu, Lesa wakashicita. Wakacita boobo kwiinda mukutuma Mwanaakwe, uyo wakesa mucishi ca panshi mubuntu bweenka mbuli ndiswe kwaamba ayi akome bubi.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.