Bene Lefi 8:13 - Baibo Busansulushi Bwa Libuku Ili

¹³ Kuboolaawo, Mose wakaleta bana bakwe Aloni basankwa kunembo akubafwalika minjila, balaamba mumakome alimwi akubaangilila shisooti kumitwi, kweelana aMwaami Lesa mbwaakaambila Mose.

Bene Lefi 8:13 ပူးပေါင်းရင်းမြစ်များ

Kulumbaisha 132:9

Bapailishi banu abafwale bululami anga ncakufwala. Abalo bantu banu basalalite kabeemba cakusangalala.

Kulonga 40:13

Ukafwalike Aloni shakufwala sha bupailishi akumunanika mafuta asalalite alimwi akumubenga kuli ndime, kwaamba ayi akansebensele mulimo wa bupailishi.

Kulonga 40:16

Mpomunyaawo Mose wakacita shoonse kweelana abwakamwaambila Mwaami Lesa.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Isaya 61:6

Mulaakunokwiitwa ayi bapailishi ba Mwaami Lesa, ncakwiila basebenshi bakwe Lesa wesu. Buboni bwa mishobo imwi ndimwe mweshi mukanoobulya alimwi mulaakunoosangalala kwaamba ayi buboni ubo mbwanu.

Esekelo 42:14

Na bapailishi batooyanda kuswa muŊanda yakwe Lesa ayi baye mulubansa lwa pansengwe, balyeelete kushiya shakufwala shisalalite nshebafwala pakusebensela Mwaami Lesa mushipinda ishi. Balyeelete kufwala shakufwala shimwi pakuya kumusena ubunganinaako bantubo.”

Bene Lefi 10:5

Abalo bakesa babakusha kabacifwete aminjila yabo akubatola pansengwe lya misumba, kweelana abwakaamba Mose.

Bene Lefi 8:21

Mpeeke wakasansha shamukati alimwi amyeendo mumaanshi akutenta shipansha shimwi shoonse sha mbelele pacipaililo ayi ngumulambu wakutenta, bweema bubotu busangalasha Mwaami Lesa. Uyo wakalinga ngumulambu wa shakulya, kweelana aMwaami Lesa mbwaakaambila Mose.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Ciyubululo 1:6

Lakwe wakatulengesha kuba bamaami ayi tusebensele Lesa Ishi anga mbapailishi. Jesu Klistu apekwe bulemu alimwi ankusu lyoonse alyoonse. Ameni.

Ciyubululo 5:10

Wakalengesha kwaamba ayi babe bamaami, kwaamba ayi basebensele Lesa wesu anga mbapailishi, aboobo balaakweendelesha mucishi ca panshi.”