Bene Lefi 7:19 - Baibo Busansulushi Bwa Libuku Ili

¹⁹ Na nyama iyo yakumya cimwi cintu citasalalite kweelana aMilawo, nyama iyo tayeelete kulikwa, sombi kutentwa. “Uyo woonse usalalite kweelana amulawo inga walya nyama ya mulambu uyo,

Bene Lefi 7:19 ပူးပေါင်းရင်းမြစ်များ

Bene Lefi 6:27

Muntu woonse nabi cintu cimwi coonse na shakumya kunyama iyi, shilaakucisikwa ceebo nyama iyi ilisalalite. Na pacakufwala pasamfukila bulowa bwa munyama, cakufwala ico cilyeelete kucapilwa mumusena usalalite.

Bene Lefi 7:18

Ceebo na imwi yalikwa pabushiku bwatatu, Lesa teshi akatambule mulambu wa muntu uyo. Mulambu uyo teshi ukatambulweewo, sombi ulaakuboneka ayi toosalalite, alimwi woonse eshi akoolye, ulaakupekwa mulandu weelete.

Bene Lefi 7:20

sombi na utasalalite kweelana aMilawo weelya, teshi akanoociyeeyelwa kuba mulikoto lya bantu bakwe Lesa.

Luka 11:41

Amupe bapengete isho shintu shili munkomeshi ambale, lyalo shoonse shintu shilaakumusalalila.

Milimo ya Batumwi 10:28

Lyalo Pita wakabaambila ayi, “Mwebo mulishi kwaamba ayi mulawo wa baJuda toosuminishi muJuda kufwakashisha nabi kubandikila pantu pomwi abaswamashi bakunsengwe. Sombi Lesa wanshibisha ayi nsheelete kubanda muntu nabi womwi ayi taasalalite nabi ayi taabete kabotu.

Bene Loma 14:14

Kwiinda muMwaami Jesu, ndishi cakutatonsha ayi taaku cintu nabi comwi cibisha muntu ciine. Sombi na muntu ulashoma ayi ncibiibi, nkokwaamba ayi cilabica kuli nguwe kucicita.

Bene Loma 14:20

Ceebo cakwaamba ayi ulakonsha kulya shakulya shipusenepusene, utanyonyooli milimo yakwe Lesa. Shakulya shoonse inga shalikwa, sombi ncibiibi kulya cintu cilengesha mwine Klistu umwi kubisha.

2 Bene Kolinto 6:17

Aboobo Lesa wakaamba ayi, “Amuswe pakati ka bakunsengwe, mwikale amwebo nweenka. Mutacati cintu citasalalite, lyalo ndaakumutambula.

Taitasi 1:15

Shintu shoonse shilisalalite kubantu basalalite, sombi kubaabo batasalalite akutashoma, shintu shoonse tashisalalite, mukwiinga miyeeyo amyoyo yabo njibiibi.