Bene Lefi 7:18 - Baibo Busansulushi Bwa Libuku Ili

¹⁸ Ceebo na imwi yalikwa pabushiku bwatatu, Lesa teshi akatambule mulambu wa muntu uyo. Mulambu uyo teshi ukatambulweewo, sombi ulaakuboneka ayi toosalalite, alimwi woonse eshi akoolye, ulaakupekwa mulandu weelete.

Bene Lefi 7:18 ပူးပေါင်းရင်းမြစ်များ

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Isaya 65:4

Mashiku balaya kushimfwengo akushuumbwe mukucebusha kubafu. Balalya nyama ya nkumba akunwa musushi wa nyama itasalalite.

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Jelemiya 14:10

Mwaami Lesa waamba makani aya pabantu aba ayi, “Balisuni bunene kwiingaila. Tabalitibukiiwo napaceyi. Aboobo nebo neMwaami Lesa ndabakaka. Ono ntokwiibaluka bubi bwabo akubapa mulandu ceebo ca shibiibi shabo.”

Jelemiya 14:12

Nabi bakalikashe kulya, kulila kwabo teshi nkakunyumfweewo. Nabi bakabenge milambu yabo yakutenta akupa shipo sha fulaulo teshi nkashitambulewo, sobwe. Sombi ndaakubanyonyoola kunkondo, nsala alimwi akumwaalu.”

Esekelo 18:20

Muntu uyo ubisha ngweshi akafwe. Mwaana teshi akapengele shibiibi sha mushali wakwe alakwe mushali teshi akapengele shibiibi sha mwanaakwe. Muntu ululeme ulaakulambulwa ceebo ca bululami bwakwe mwiine alakwe mucita shibi ulaakupengela bubi ubo mbwaacita mwiine.

Osiya 8:13

Balabenga milambu kuli ndime akulya nyama ya njiyo. Sombi nebo neMwaami Lesa mumilambu iyo nshisangalaliliimo. Ono bulya ntokwiibaluka shibiibi shabo akubapa mulandu ceebo ca nshisho. Ndaakubaboosha kucishi ca Ijipiti.

Bene Lefi 10:17

“Tamukwe kulitaanshi mulambu wakulekelelwa shibiibi mumusena usalalite? Mulambu uyu ulisalalite abuumbi, alimwi Mwaami Lesa wamupa ayi shibiibi sha bene Isilaeli boonse shilekelelwe.

Bene Lefi 10:19

Mpomunyaawo Aloni wakakumbula ayi, “Sa Mwaami Lesa naakwiinga wasangalala nindoolya sunu mulambu wakulekelelwa shibiibi? Bantu babenga mulambu wakulekelelwa shibiibi kuMwaami Lesa sunu akuleta mulambu wabo wakutenta, nacibi boobo shintu shibiibi mbuli sheeshi shancitikila.”

Bene Lefi 11:41

“Tamweelete kulya shilongolo shili shoonse sheenda panshi

Bene Lefi 17:16

Ono na wabula kucita boobo, ulyeelete kupekwa mulandu weelete.’ ”

Bene Lefi 19:5

“Ono na mwacaya munyama ayi ngumulambu wa bwanabwankashi, mulyeelete kukonkela milawo njendamupa, lyalo ndaakutambula mulambu uyo.

Bene Lefi 20:17

“Na muntu weeba nankashi yakwe, nabi nankashi yakwe kuli baishi nabi banyina bateshi bakumushala, boonse balyeelete kusebaanishikwa pameenso a bantu akutandwa pakati kanu. Ceebo muntu uyo wakumana anankashi yakwe, ulyeelete kupekwa mulandu weelete.

Bene Lefi 20:19

“Na muntu wakumana abaishinkashi nabi bakwabo banyina, boonse bobilo balyeelete kupekwa mulandu wa cimalwamalwa.

Bene Lefi 22:16

kwiinda mukusuminisha muntu uli woonse uteelete kulya ayi alyeeko. Camushobo wooyo inga caleta mulandu weelete kulipilwa pamuntu uyo. Nebo ndime Mwaami Lesa uyo usalasha milambu iyo.’ ”

Bene Lefi 22:23

Ono mbuli mulambu wakulyaaba, inga wabenga munyama utintilite nabi utabete kabotu mubili. Sombi munyama wa mbuli wooyo taatambulwi na ngumulambu utoopekwa mukucita kweelana ambwaakashomesha cakulumbila.

Bene Lefi 22:25

“Tamweelete kubenga munyama wakaswa kumuswamashi ayi ngumulambu wa cakulya. Banyama ba mushobo wooyo balalangwa ayi mbakampenda, aboobo tabatambulwi.”

Bene Lefi 5:17

“Ono na muntu umwi wabisha cakuteshiba kwiinda mukusotoka mulawo wangu neMwaami Lesa uli woonse, nkokwaamba ayi wabisha. Aboobo ulyeelete kulipila kweelana ambwaaelete.

Bene Lefi 7:19

Na nyama iyo yakumya cimwi cintu citasalalite kweelana aMilawo, nyama iyo tayeelete kulikwa, sombi kutentwa. “Uyo woonse usalalite kweelana amulawo inga walya nyama ya mulambu uyo,

Amosi 5:22

Nabi mukandetele milambu yakutenta, kubikaawo ashipo shanu sha fulaulo, teshi nkashitambuleewo. Nabi mukandetele milambu ya bwanabwankashi ili buyani, teshi nkeetambuleewo, sobwe.

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.

Malaki 1:13

Kuswawaawo, mulaamba ayi, ‘Wakomena mukuli uyu!’ akulansha nshono kuumbi. Na mwaleeta banyama bakeepwa, balema nabi balwashi ayi njimilambu, sa ndyeelete kwiitambula?

Shakubelenga 18:27

Cipo canu ici cilaakuba anga ncipo ca fulaulo shipya nabi waini upya.

Luka 16:15

Sombi Jesu wakabaambila ayi, “Mwebo mulalibonekesha kubantu ayi muliluleme, nakubi boobo Lesa ulishi myoyo yanu. Mukwiinga cintu coonse bantu ncibaamba ayi ncibotu abuumbi, kuli Lesa taaku ambocibete.

Bene Loma 4:11

Pesule Abulaamu wakapalulwa ayi cibe cishibilo cakutondesha ayi Lesa wakamululamika ceebo ca lushomo lwakwe. Aboobo Abulaamu ngoishiwabo boonse abo bashoma muli Jesu. Paceebo ceeci Lesa ulabalulamika nabi tabana kupalulwa.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.