Bene Lefi 7:12 - Baibo Busansulushi Bwa Libuku Ili

¹² Na muntu wabenga mulambu uyo ayi ube wakulumba Lesa, pamunyama uyo ngwaabenga ulyeelete kwiilikawo cipo ca shimaande. Shimaande ishi shilyeelete kuba shinene shakapangwa kufulaulo wakusenkanya amafuta a olifi, tumaande tupampamene tunanikitwe amafuta a olifi nabi shinkwa ubotu wamise wa fulaulo usenkene amafuta a olifi.

Bene Lefi 7:12 ပူးပေါင်းရင်းမြစ်များ

2 Makani 29:31

Kuswawaawo Esekiya wakaamba ayi, “Ono bulya mwalisalasha kweelana aMilawo. Anu amulete milambu ashipo shakulumba Mwaami Lesa.” Mpeeke bantu boonse bakaleta milambu ashipo shakulumba Lesa. Bamwi bakaleta amilambu yakutenta cakulyaaba beene.

2 Makani 33:16

Mpeeke wakayakulula cipaililo apo Mwaami Lesa mpwaakalinga kulambililwa. Wakabenga milambu ya bwanabwankashi amilambu yakulumba pali ncico. Lyalo wakaambila bene Juda boonse ayi banoosebenselabo Mwaami Lesa, Lesa wa bene Isilaeli.

Neyemiya 12:43

Pabushiku ubu bakaleta milambu iinji, abantu bakasekelela cakusangalala ceebo Lesa wakabasangalasha abuumbi. Banakashi abaana abalo bakasekelela, aboobo ciyobeyobe cakusangalala kwabo muJelusalemu cakalinga kunyumfwikilabo kulaale.

Kulumbaisha 107:8

Abalumbe Mwaami Lesa ceebo ca lusuno lwakwe lutamaani, kumulumba ceebo shintu shikankamika nshaakabacitila.

Kulumbaisha 116:17

Ndaakubenga mulambu wakulumba kuli ndimwe alimwi akupaila muliina lyanu noBaami baLesa.

Kulumbaisha 50:23

Mulambu upa bulemu kuli ndime nkunumba, ndushinisho anebo ndaakupulusha muntu uli woonse unyumfwila!”

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Osiya 14:2

Amusandukile kuMwaami Lesa akusenga kuli nguwe ayi, “Amutulekelele shibiibi shesu shoonse. Amutambule mipailo yesu, lyalo tulaakumulumbaisha amilomo yesu.

Bene Lefi 2:4

“Ono na cipo ca fulaulo ncimaande cakapangilwa mucitofu, taceelete kuba acimena. Inga shaba shinene shakapangwa kufulaulo wakusenkanya amafuta a olifi nabi tumaande tupampamene tunanikitwe amafuta a olifi.

Bene Lefi 2:5

“Na ncipo ca fulaulo cakapangilwa paceela ciselebete, cilyeelete kuba cimaande cakapangwa kufulaulo wakusenkanya amafuta a olifi.

Bene Lefi 22:29

Ono na mwabenga mulambu wakulumba kuli ndime neMwaami Lesa, kamukonkela milawo kwaamba ayi mukatambulwe.

Bene Lefi 6:16

Lyalo bapailishi balaakulya shoonse sheshi shikacaaleewo. Balaakupanga cimaande ico nceshi bakalite mumusena usalalite nkokwaamba ayi mulubansa lwa Tente ya Cipangano,

Bene Lefi 7:15

Nyama yoonse ya mulambu wa bwanabwankashi uyo ilyeelete kulikwa pabushiku bweenka mbowabengwa. Taaku yeelete kucaalaako kushikila amacuunsa.

Amosi 4:5

Kamutenta cimaande ayi ncipo cakulumba akulilumbaisha pashipo shanu shakulyaaba. Kamulisumpulabo pali nshisho nobene Isilaeli mukwiinga mwebo isho nsheshintu nshemusuni kucita. Nebo neMwaami Lesa Shinkusu shoonse ndaamba.”

Shakubelenga 6:15

Ulyeelete kubenga amutaanga wa cimaande, shimaande shakapangwa kufulaulo upelekete usenkene amafuta a olifi, shimaande shipampamene shakananikwa mafuta a olifi kwiilikaawo acipo ca fulaulo alimwi aca cakunwa.

Luka 17:16

Mpeeke ashike kuli Jesu, wakafukama kunembo lyakwe akumulumba. Shimanata uyu wakalinga mwine Samaliya.

Luka 17:18

Ceebonshi kwaboolabo muswamashi eenka mukulumba Lesa?”

Bene Loma 1:21

Bakalinga kwishi Lesa, sombi tabakwe kumulemeka mbwaaelete nabibo kumulumbaisha ceebo bakalinga kuyeeyabo shitacite ncito alimwi mitwi yabo iliswitebo munshinshe.

Bene Efeso 5:20

Kamulumba Lesa Ishiwesu muliina lya Mwaami wesu Jesu Klistu ceebo ca shintu shoonse.

Bene Ebulu 13:15

Paceebo ceeco kwiinda muli Jesu, atulumbaishe Lesa lyoonse kwaamba ayi kube mulambu wesu, nditulyaambilila ayi nguMwaami wesu.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.