Bene Lefi 6:26 - Baibo Busansulushi Bwa Libuku Ili

²⁶ Mupailishi utoobenga munyama, ulyeelete kulita nyama iyo mumusena usalalite nkokwaamba ayi mulubansa lwa Tente ya Cipangano.

Bene Lefi 6:26 ပူးပေါင်းရင်းမြစ်များ

Kulonga 40:33

Alimwi Mose wakayaka lushito kushingulusha Tente alimwi acipaililo, akukobeka cisani cakushitilisha pamulyango wa lushito. Anu ubo mbwaakamanisha milimo yoonse.

Esekelo 42:13

Mpomunyaawo muntu uyo wakandwiita ayi, “Maanda obilo oonse aya alisalalite. Bapailishi abo benjilaamo balalya milambu indaawo kusalala. Ceebo cakwaamba ayi shipinda isho shilisalalite, bapailishi balabikaamo milambu indaawo kusalala. Nkokwaamba ayi balabikaamo shipo sha fulaulo, milambu yakulekelelwa shibiibi alimwi amilambu yakumanisha milandu.

Esekelo 46:20

akundwiita ayi, “Uyu ngomusena bapailishi ngweshi banootelekelaako nyama ibengwa ayi njimilambu yakulekelelwa shibiibi, milambu yakumanisha milandu alimwi akubamba shipo sha fulaulo kwaamba ayi batakanookusha shintu shisalalite akushitola kulubansa lwa pansengwe. Ceebo na muntu wacata shintu isho shisalalite inga wacisikwa.”

Osiya 4:8

Mwebo mulabilila pakubisha kwa bantu bangu. Paceebo ceeco mulisuni ayi kababisha lyoonse.

Bene Lefi 6:16

Lyalo bapailishi balaakulya shoonse sheshi shikacaaleewo. Balaakupanga cimaande ico nceshi bakalite mumusena usalalite nkokwaamba ayi mulubansa lwa Tente ya Cipangano,

Bene Lefi 6:17

Tabeelete kupangisha acimena. Nebo neMwaami Lesa ndabapa ayi ncakulya cabo kuswa kucipo ca shakulya. Cipo ico cilisalalite abuumbi, bweenka mbuli milambu yakulekelelwa shibiibi alimwi amilambu yakumana milandu.

Bene Lefi 6:29

Musankwa woonse wa mumikowa ya bupailishi inga walya mulambu uyu mukwiinga ulisalalite abuumbi.

Bene Lefi 7:7

“Ono pali mulawo womwi pamulambu wakulekelelwa shibiibi alimwi amulambu wakumana milandu. Mulawo uyu ngwakwaamba ayi nyama nja mupailishi uyo ubenga mulambu uyo.

1 Bene Kolinto 9:13

Mwebo mulishi cakwiila ayi abo basebensela muŊanda yakwe Lesa balacana cakulya mweenka umo, abalo beshikubenga milambu pacipaililo balabaana milambu iyo ibengwa pacipaililo.