Bene Lefi 6:2 - Baibo Busansulushi Bwa Libuku Ili

² “Mulambu ulyeelete kupekwa na umwi wabisha alimwi akubula kushomeka kuli ndime neMwaami Lesa kwiinda mukukaka kuboosha ceeco cakamupa mwine Isilaelinyina ayi alame, kwiipila mubye, kumucenjeeka,

Bene Lefi 6:2 ပူးပေါင်းရင်းမြစ်များ

Matalikilo 26:7

Ono basankwa bakooko na bamwiipusha pamukaakwe, wakalinga kubaambila ayi ngunankashi yakwe. Taakalinga kusumina ayi ngumukaakwe kuloonda ayi inga bamucaya mukuyanda kubwesa Labeka uyo wakalinga mubotu abuumbi.

Kulumbaisha 51:4

Ndakabishisha ndimwe, ee, mwebo nweenka, ndakacita cintu cibiibi pameenso anu. Ndushinisho mulalulika kuŋamba ayi ndilubite, alimwi tamukwe kulubya kumpa mulandu.

Tushimpi 24:28

Utapi bukamboni bwakubeca pamubyo. Ee, utasebenseshi mulomo wako kwaamba shakubeca.

Tushimpi 26:19

mbweeke ubo muntu wiinda kumaano mubye akwaamba ayi, “Ndalinga kusekanabo,” mbwaacita.

Isaya 21:2

Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.

Isaya 24:16

Kuswa kushishi sha kulaale tutoonyumfwa lwiimbo lwakwaamba ayi, “Amulemeke wooyo Ululeme.” Sombi nebo ndaamba ayi, “Ndamanaawo! Ndamanaawo! Mapensho kuli ndime! Beshikwaaba babyaabo baciyabo kunembo, bubeshi bwabo tabutooboolawo pesule!”

Isaya 33:1

Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Jelemiya 9:5

Womwi awomwi ngushikucenjeeka mubye, taaku awaamba shalushinisho. Bakeeisha milaka yabo kubeca, akumana nkusu shabo shoonse mukubisha.

Esekelo 40:46

Cipinda cilangite kumalenge nca bapailishi basebensela kucipaililo. Bapailishi boonse mbamulunyungu lwakwe Sadoki. Aba mbobantu beenkabo mumukowa wakwe Lefi basuminishikwa kusebensela Mwaami Lesa muŊanda yakwe.”

Bene Lefi 1:3

“Na utoobenga mulambu wakutenta kuswa mulitanga lya ŋombe shakwe, ulyeelete kuleta mucende utacite kampenda kali koonse. Ulyeelete kumuleta pamulyango wa Tente ya Cipangano kwaamba ayi nebo neMwaami Lesa nkootambule.

Bene Lefi 19:11

“Mutanokwiipa, kubeca nabi kuba shikucenjeeka.

Bene Lefi 5:15

“Na muntu umwi wabisha cakuteshiba kwiinda mukwaalilwa kulipila sheesho shisalalite kuli ndime neMwaami Lesa, ulyeelete kuleta mbelele isankwa itacite kampenda kali koonse kuli ndime neMwaami Lesa, ayi ngumulambu wakumana mulandu. Bubotu bwa njiyo bulyeelete kwishibwa kweelana acipimo cakasuminishikwa.

Bene Lefi 5:19

Uyu ngumulambu wakumana mulandu uyo ngwaakabaawo ceebo cakubishisha nebo neMwaami Lesa.”

Bene Lefi 6:1

Lyalo Mwaami Lesa wakaambila Mose ayi,

Amosi 8:5

Mwebo mulaamba ayi, ‘Kusekelela kwa Mweenshi Upya kulaakumana lili kwaamba ayi tukoolishe shili anga ngamaila shesu? Anu bushiku bwakookesha bwa Cibelu bulaakumana lili kwaamba ayi tukoolishe witi? Lyalo tukatantike mweelo akusebensesha shipimo shakubeca ee, tukanyengelele bantu mukusebensesha shipimo shitaluleme.

Abakuku 1:13

Meenso anu alisalalite abuumbi cakunoolangabo bubi kabucitika. Tamukoonshi kusuminisha ayi shitaluleme shinoocitikabo. Ino ono ceebonshi mutokweebelabo bamucita shibi aba batashomeki? Ino ceebonshi mulyuumwitebo bamucita shibi kabanyonyoola cakumaninina bantu baluleme kwiinda mbabo?

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Milimo ya Batumwi 5:4

Kootana kubuulisha bwakalinga bwaako alimwi andiwakoolisha, maali akalinga aako. Ono nciinshi ncewakayeeyela kucita cintu ca mushobo wooyu? Anu tookwe kubeca bantu, sombi Lesa mwiine!”

Bene Efeso 4:25

Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.

Bene Kolose 3:9

Mutanoobecana mukwiinga mwashiya buumi bwanu bwakale kale amicito ya mbubo

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.