Bene Lefi 6:19 - Baibo Busansulushi Bwa Libuku Ili

¹⁹ Mpomunyaawo Mwaami Lesa wakaambila Mose ayi,

Bene Lefi 6:19 ပူးပေါင်းရင်းမြစ်များ

Kulonga 29:2

Ukasebenseshe fulaulo ubotu abuumbi wa witi, sombi utacite cimena, akupanga shimaande shimwi shakusenkanya amafuta a olifi, shimwi shitakabi amafuta, ashalo shimwi shipampamene shinanikitwe mafuta.

Esekelo 42:13

Mpomunyaawo muntu uyo wakandwiita ayi, “Maanda obilo oonse aya alisalalite. Bapailishi abo benjilaamo balalya milambu indaawo kusalala. Ceebo cakwaamba ayi shipinda isho shilisalalite, bapailishi balabikaamo milambu indaawo kusalala. Nkokwaamba ayi balabikaamo shipo sha fulaulo, milambu yakulekelelwa shibiibi alimwi amilambu yakumanisha milandu.

Bene Lefi 10:18

Ceebo bulowa bwa njiyo tabukwe kuletwa muTente isalalite, naakwiinga momwalita mulambu, kweelana ambondakamwaambila.”

Bene Lefi 6:18

Mumyaaka yoonse ili kunembo baana basankwa bamulunyungu lwakwe Aloni balyeelete kunoolya cakulya ici, ayi abalo nceshi cikanoolibo cinebo kuswa kushakulya shipekwa kuli ndime neMwaami Lesa. Uyo woonse weenga wakumya kucipo ca shakulya ulaakucisikwa ceebo cipo ico cilisalalite.”

Bene Lefi 6:20

“Ici ncipo Aloni abana bakwe ncebeelete kupa ndime neMwaami Lesa bushiku mbobabikwa pabupailishi. Womwi awomwi ulyeelete kupa kilogilamu yomwi ya fulaulo, nkokwaamba ayi uunji bweenka mbuli cipo ca fulaulo cipekwa nshiiku shoonse, musa umwi macuunsa, awalo umwi macolesha.

Bene Lefi 6:9

“Lwiita Aloni alimwi abana bakwe ayi iyi njimilawo ya milambu yakutenta. Mulambu wakutenta ulyeelete kucaala pacipaililo mashiku oonse, awalo mulilo ulyeelete kubucesha koonyaka.

Shakubelenga 18:27

Cipo canu ici cilaakuba anga ncipo ca fulaulo shipya nabi waini upya.

Shakubelenga 18:9

Mulyeelete kunoopekwa cipansha ca shintu shisalalite abuumbi isho shitatentwi pacipaililo. Kuswa pacipo coonse cisalalite ciindaawo ico ncebaleta kuli ndimwe, nabi ncipo ca shili anga ngamaila, mulambu wakulekelelwa shibiibi alimwi awakumana milandu, ishi nshaako alimwi abana bako basankwa.