Bene Lefi 6:14 - Baibo Busansulushi Bwa Libuku Ili

¹⁴ “Iyi njimilawo ya pacipo ca fulaulo. Bana bakwe Aloni bapailishi balaakucipa kunembo lyangu neMwaami Lesa nkokwaamba ayi kunembo lya cipaililo.

Bene Lefi 6:14 ပူးပေါင်းရင်းမြစ်များ

1 Makani 9:31

Mwine Lefi umwi wakalinga kwiitwa ayi Matitiya mwanaakwe Shalumu wakwiiya, wa mucipani cakwe Kola, wakalinga kucite ncito yakupanga shimaande shipampamene shakalinga kupekwa kuli Lesa.

Bene Lefi 1:13

Ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 1:17

Kuswawaawo, ulaakwiicata kumapapaminwa akwiikwamuna ayi ipabuke kwakutatumuna mapapaminwa. Mpeeke mupailishi ulaakwiitenta pacipaililo yoonse ayi ngumulambu wakutenta. Bweema bwa mulambu uyu bulansangalasha neMwaami Lesa.

Bene Lefi 1:9

Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 10:12

Kuswawaawo Mose wakaambila Aloni abana bakwe basankwa bakacaalaawo beetwa ayi Elyasa alimwi aItama ayi, “Amubwese cipo ca fulaulo cakacaala kucipo ca shakulya, mupange cimaande alimwi akulita kulubasu lwa cipaililo ceebo cipo ici cilisalalite abuumbi.

Bene Lefi 6:13

Anu mulilo ulyeelete kunoonyakabo lyoonse pacipaililo, taweelete kushimika, sobwe.

Bene Lefi 6:15

Kuswawaawo ulaakutapula lupaka lwa fulaulo usenkene amafuta, alimwi atununkila kabotu tuliiwo, akushitentela pacipaililo kwaamba ayi cibe cishibilo kwaamba ayi shoonse shapekwa kuli ndime neMwaami Lesa. Anu bweema bwa cipo ico bulansangalasha neMwaami Lesa.

Shakubelenga 15:4

Lyalo uyo woonse uleta mulambu, ulyeelete kupa Mwaami Lesa kilogilamu yomwi ya fulaulo usenkene alita yomwi ya mafuta a olifi ayi ncipo ca fulaulo.

Shakubelenga 15:6

Na nimbelele isankwa yabengwa, makilogilamu 2 a fulaulo asenkene amalita 1.5 a mafuta a olifi alyeelete kupekwa ayi ncipo ca fulaulo,

Shakubelenga 15:9

palyeelete kuba amakilogilamu 3 a fulaulo usenkene amalita 2 a mafuta a olifi ayi ncipo ca fulaulo.

Joni 6:32

Jesu wakaamba ayi, “Ntoomulwiita calushinisho ayi teshi Mose wakamupa cakulya ciswa kwiculu, sombi baTa mbobapa cakulya cancinencine ciswa kwiculu.