Bene Lefi 5:17 - Baibo Busansulushi Bwa Libuku Ili

¹⁷ “Ono na muntu umwi wabisha cakuteshiba kwiinda mukusotoka mulawo wangu neMwaami Lesa uli woonse, nkokwaamba ayi wabisha. Aboobo ulyeelete kulipila kweelana ambwaaelete.

Bene Lefi 5:17 ပူးပေါင်းရင်းမြစ်များ

Kulumbaisha 19:12

Taaku ukonsha kubona shilubo shakwe shoonse. Anu amundekelele nkambo kushibiibi shitaboneki.

Bene Lefi 4:13

“Ono na mbene Isilaeli boonse babisha cakuteshiba kwiinda mukusotoka mulawo umwi pamilawo yangu neMwaami Lesa. Nabi babisha cakuteshiba, balicite mulandu.

Bene Lefi 4:22

“Ono na ngumutanjilili wabisha cakuteshiba kwiinda mukusotoka mulawo umwi pamilawo yangu neMwaami Lesa, ulicite mulandu.

Bene Lefi 4:27

“Ono na ngumuntubo wabisha cakuteshiba kwiinda mukusotoka mulawo umwi pamilawo yangu neMwaami Lesa, ulicite mulandu.

Bene Lefi 5:15

“Na muntu umwi wabisha cakuteshiba kwiinda mukwaalilwa kulipila sheesho shisalalite kuli ndime neMwaami Lesa, ulyeelete kuleta mbelele isankwa itacite kampenda kali koonse kuli ndime neMwaami Lesa, ayi ngumulambu wakumana mulandu. Bubotu bwa njiyo bulyeelete kwishibwa kweelana acipimo cakasuminishikwa.

Bene Lefi 5:18

Ulyeelete kuleta mbelele isankwa itacite kampenda kali koonse kumupailishi ayi ngumulambu wakumana mulandu. Bubotu bwa njiyo bulyeelete kushibwa kweelana acipimo cakasuminishikwa. Lyalo munshila iyi mupailishi ulaakubenga mulambu wa cibiibi cakabisha muntu uyo mukuteshiba, aboobo ulaakulekelelwa.

Bene Lefi 5:19

Uyu ngumulambu wakumana mulandu uyo ngwaakabaawo ceebo cakubishisha nebo neMwaami Lesa.”

Luka 12:48

Sombi musebenshi uteshi ciyanda mwaami wakwe na wabisha cakuteshiba uloomwabo paniini. Uyo woonse upekwa shiinji ulayandika kuboosha shiinji. Uyo eenka wakapekwa shiinji ulyeelete kuboosha shiinji peculu lya sheesho nshaakapekwa.

Bene Loma 14:23

Sombi na utootonsha pakulya cintu cimwi nkokwaamba ayi wabisha kale mukwiinga ncaatoocita teshi ncaashoma ayi cilyeelete kucitwa. Nkokwaamba ayi cintu coonse muntu ncaacita kaatashomi ayi cilyeelete kucitwa, nkubisha.