Bene Lefi 5:16 - Baibo Busansulushi Bwa Libuku Ili

¹⁶ Ulyeelete kulipila sheesho nshaakaalilwa alimwi ulyeelete kwiilikaawo acomwi ca shosanwe ca sheesho nshaakaalilwa. Ulaakushipa mupailishi uyo weshi akabenge munyama ayi ngumulambu wa cibiibi ca muntu uyo, aboobo ulaakulekelelwa.

Bene Lefi 5:16 ပူးပေါင်းရင်းမြစ်များ

Kulumbaisha 69:4

Abo bampatitebo kutaaku ncendakacita mbaanji kwiinda misusu yangu. Balwani bangu mbeshinkusu batooyanda kuncaya, balaamba shakubeca pali ndime mukundwana. Bakankakatisha kuboosha shintu nshentakwe kwiipa.

Kulonga 22:1

“Ono na muntu umwi weepa musune nabi mbelele akucaya nabi kuulisha, ulyeelete kulipila basune bosanwe pamusune womwi, nabi mbelele shone pambelele yomwi.

Bene Lefi 22:14

“ ‘Na muntu umwi uteshi wa mulifumo lya bapailishi walya cakulya ca milambu isalalite cakuteshiba, ulyeelete kulipila maali eenga akumana shakulya isho kumupailishi, akwiilikaawo comwi ca shosanwe ca mweelo wa nshisho.

Bene Lefi 27:13

Ono na muntu uyo ulisuni kuula munyama wakwe alimwi, ulyeelete kulipilishikwa mweelo wapingulwa akwiilikawo comwi ca shosanwe ca nguwo.

Bene Lefi 27:15

Ono na uyo wakeebenga ulisuni kuyuula alimwi, ulyeelete kulipilishikwa mweelo wapingulwa akwiilikawo acomwi ca shosanwe ca nguwo.

Bene Lefi 27:27

Sombi na ngwakwiiya wa munyama utasalalite kweelana aMilawo, inga woolwa alimwi kweelana amweelo weelete kwiilikaawo acomwi ca shosanwe ca nguwo. Na wabula kuulwa alimwi, inga woolishikwa kumuntu umwi kweelana amweelo weenka wapingulwa.

Bene Lefi 27:31

Ono na umwi ulisuni kucuula cimwi alimwi, ulyeelete kulipilishikwa mweelo weelete kweelana awooyo wapingulwa akwiilikawo acomwi ca shosanwe ca nguwo.

Bene Lefi 4:20

Kumucende mwaana uyo, ulaakucita mbomunya mbwaacita kumucende wa mulambu wakulekelelwa shibiibi. Aboobo munshila iyi, ulaakubenga mulambu wa shibiibi sha bantu, lyalo balaakulekelelwa.

Bene Lefi 4:26

Mpomunyaawo mafuta oonse ulaakwaatentela pacipaililo, bweenka mbwaatenta mafuta a banyama bacaikwa ayi njimilambu ya bwanabwankashi. Munshila iyi, mupailishi ulaakubenga mulambu wa cibiibi ca mutanjilili, aboobo ulaakulekelelwa.

Bene Lefi 5:10

Kuswawaawo, ndyeshi akabenge kayuni kabili ayi ngumulambu wakutenta kweelana amilawo. Munshila iyi, mupailishi ulaakubenga mulambu wa cibiibi ca muntu uyo, aboobo ulaakulekelelwa.

Bene Lefi 5:13

Munshila iyi, mupailishi ulaakubenga cipo ca cibiibi ca muntu uyo, aboobo ulaakulekelelwa. Fulaulo umwi woonse ngwa mupailishi kweelana ambocibete mumakani a cipo ca fulaulo.”

Bene Lefi 5:6

Ono mulandu wakubisha kwakwe, ulyeelete kuleta mbelele yanakashi nabi mpongo kuli ndime neMwaami Lesa ayi ngumulambu. Mupailishi ulaakubenga mulambu uyo pacibiibi ca muntu uyo.

Bene Lefi 7:2

Munyama wa pamulambu uyo ulyeelete kucailwa uko kucailwa banyama ba milambu yakutenta, alimwi bulowa bwa munyama uyo bulyeelete kusanseelwa kumbasu shone shoonse sha cipaililo.

Shakubelenga 5:7

Aboobo ulyeelete kulyaambilila cibiibi cakwe. Ulyeelete akulipila shoonse sheelete kwiilikawo acomwi ca shosanwe ca mweelo uyo kumuntu ngwaakabishisha.

Shakubelenga 5:8

Sombi na muntu uyo wafwa, ono taacite mukwabo umwi nkweenga kwalipilwa, malipilo ayo alaakupekwa kuli ndime neMwaami Lesa ayi nga mupailishi. Malipilo ayo ngakwiilika pambelele isankwa isebenseshekwa pakusalasha muntu kweelana amulawo.

Luka 19:8

Sombi Sakeyo wakanyamuka akwaambila Mwaami Jesu ayi, “Amubone, Nkambo, ndaakupa musa wa buboni bwangu kubakandu. Peculu lya waawo na kuli ngondakanyengelela buboni, ndaakumubooshesha akwiilikaawo mankanda one.”

Milimo ya Batumwi 26:20

Ndakataanguna kushimikila muDamasikasi, muJelusalemu amucishi coonse ca Judeya alimwi akubaswamashi bakunsengwe. Ndakabashimikila ayi balyeelete kusanduka kuswa kushibiibi shabo akushoma muli Lesa alimwi akucita shintu shibonesha ayi bakasanduka cancinencine.

1 Samwelo 6:3

Bakakumbula ayi, “Na mutooyanda kuboosha Libokoshi lya Cipangano ca Mwaami Lesa, Lesa wa bene Isilaeli, mutumye acipo cakumana mulandu wanu uyu kuli nguwe. Libokoshi lya Cipangano talyeelete kuyabo kwakubula cipo. Na mukatumye cipo mulaakuba kabotu alimwi mulaakwishiba ncaalinga kunoomutondeshesha bukali.”