Bene Lefi 5:15 - Baibo Busansulushi Bwa Libuku Ili

¹⁵ “Na muntu umwi wabisha cakuteshiba kwiinda mukwaalilwa kulipila sheesho shisalalite kuli ndime neMwaami Lesa, ulyeelete kuleta mbelele isankwa itacite kampenda kali koonse kuli ndime neMwaami Lesa, ayi ngumulambu wakumana mulandu. Bubotu bwa njiyo bulyeelete kwishibwa kweelana acipimo cakasuminishikwa.

Bene Lefi 5:15 ပူးပေါင်းရင်းမြစ်များ

2 Baami 12:16

Maali akalinga kubengwa ayi ncipo cakumana mulandu acipo cakulekelelwa shibiibi taakalinga kubikwa mulibokoshi ilyo. Sombi akalinga kupekwa kubapailishi.

Esila 10:19

Lyalo bantu aba bakashomesha kulekana abamakaabo alimwi bakabenga mbelele isankwa kuswa mulitanga ayi ngumulambu wakumana mulandu.

Kulonga 30:13

Nkokwaamba ayi muntu woonse weshi akabelengwe ulyeelete kulipila mweelo weelete ngobasuminisha bantu boonse. Muntu woonse ulyeelete kulipila maali ayi ncipo kuli ndime.

Esekelo 40:39

Mucipinda cakwinjililaako ico mwakalinga matebulu one, obilo kumbasu shobilo shoonse. Pamatebulu aya mpobakalinga kunoocaila shifubwa shakubenga milambu iyo yakalinga kutentwa yakabumbulu, milambu yakulekelelwa shibiibi nabi milambu yakumanisha milandu.

Bene Lefi 1:10

“Na muntu utoobenga mulambu kuswa mulitanga lya mbelele nabi mpongo shakwe, ulyeelete kubenga isankwa itacite kampenda kali koonse.

Bene Lefi 1:3

“Na utoobenga mulambu wakutenta kuswa mulitanga lya ŋombe shakwe, ulyeelete kuleta mucende utacite kampenda kali koonse. Ulyeelete kumuleta pamulyango wa Tente ya Cipangano kwaamba ayi nebo neMwaami Lesa nkootambule.

Bene Lefi 14:12

Mupailishi ulaakubwesa mbelele yomwi isankwa alimwi acomwi ca shotatwe sha lita ya mafuta a olifi, akushibenga ayi ngumulambu wakumana milandu. Ulaakushitambeeka kunembo lya Mwaami Lesa ayi ngumulambu wakutambeeka.

Bene Lefi 27:3

Musankwa ucite myaaka ili makumi obilo kushika akumakumi osanwe alyomwi, ulyeelete kulipilishikwa maali makumi osanwe a silifa.

Bene Lefi 4:2

“Lwiita bene Isilaeli ayi uyo woonse weenga wabisha akusotoka mulawo wangu neMwaami Lesa uli woonse cakuteshiba, ulyeelete kukonkela milawo iyi.

Bene Lefi 5:14

Mpomunyaawo Mwaami Lesa wakapa Mose milawo iyi.

Bene Lefi 5:16

Ulyeelete kulipila sheesho nshaakaalilwa alimwi ulyeelete kwiilikaawo acomwi ca shosanwe ca sheesho nshaakaalilwa. Ulaakushipa mupailishi uyo weshi akabenge munyama ayi ngumulambu wa cibiibi ca muntu uyo, aboobo ulaakulekelelwa.

Bene Lefi 5:18

Ulyeelete kuleta mbelele isankwa itacite kampenda kali koonse kumupailishi ayi ngumulambu wakumana mulandu. Bubotu bwa njiyo bulyeelete kushibwa kweelana acipimo cakasuminishikwa. Lyalo munshila iyi mupailishi ulaakubenga mulambu wa cibiibi cakabisha muntu uyo mukuteshiba, aboobo ulaakulekelelwa.

Bene Lefi 6:6

Ulyeelete kuleta mbelele isankwa itacite kampenda kali koonse kumupailishi ayi ngumulambu wakumana mulandu kuli ndime neMwaami Lesa. Bubotu bwa njiyo bulyeelete kwishibwa kweelana acipimo cakasuminishikwa.

Bene Lefi 7:1

“Iyi njimilawo ya pamilambu yakumana milandu iyo isalalite abuumbi.

Bene Lefi 7:6

Musankwa woonse wa mumikowa ya bupailishi inga walya mulambu uyu, sombi ulyeelete kulitwa mumusena usalalite, ceebo ulisalalite abuumbi.

Shakubelenga 15:24

ono cacanika ayi bakabisha mukuteshiba, balyeelete kubenga mucende ayi ngumulambu wakutenta. Bweema bwa mulambu uyu bulansangalasha nebo neMwaami Lesa. Balyeelete kubikaawo acipo ca fulaulo alimwi aca cakunwa ceelete. Cakwiilikaawo nimpongo isankwa ayi ngumulambu wakulekelelwa shibiibi.

Shakubelenga 5:5

Lyalo Mwaami Lesa wakaambila Mose ayi,

Shakubelenga 5:8

Sombi na muntu uyo wafwa, ono taacite mukwabo umwi nkweenga kwalipilwa, malipilo ayo alaakupekwa kuli ndime neMwaami Lesa ayi nga mupailishi. Malipilo ayo ngakwiilika pambelele isankwa isebenseshekwa pakusalasha muntu kweelana amulawo.

Dutolonomi 12:26

Amukatole shipo shanu ashintu shimwi nshemwakashomesha cakulumbila kupa Mwaami Lesa kumusena womwi uyo wakulambililaako ngweshi akasaale.

1 Samwelo 6:3

Bakakumbula ayi, “Na mutooyanda kuboosha Libokoshi lya Cipangano ca Mwaami Lesa, Lesa wa bene Isilaeli, mutumye acipo cakumana mulandu wanu uyu kuli nguwe. Libokoshi lya Cipangano talyeelete kuyabo kwakubula cipo. Na mukatumye cipo mulaakuba kabotu alimwi mulaakwishiba ncaalinga kunoomutondeshesha bukali.”