Bene Lefi 5:13 - Baibo Busansulushi Bwa Libuku Ili

¹³ Munshila iyi, mupailishi ulaakubenga cipo ca cibiibi ca muntu uyo, aboobo ulaakulekelelwa. Fulaulo umwi woonse ngwa mupailishi kweelana ambocibete mumakani a cipo ca fulaulo.”

Bene Lefi 5:13 ပူးပေါင်းရင်းမြစ်များ

Osiya 4:8

Mwebo mulabilila pakubisha kwa bantu bangu. Paceebo ceeco mulisuni ayi kababisha lyoonse.

Bene Lefi 2:10

Shoonse shicaala kucipo ca fulaulo, nsha bapailishi. Cipansha ico cilisalalite abuumbi ceebo caswa pacipo ca shakulya capekwa kuli ndime neMwaami Lesa.

Bene Lefi 2:3

Shoonse shicaala kucipo ca fulaulo, nsha bapailishi. Cipansha ico cilisalalite abuumbi ceebo caswa pacipo ca shakulya capekwa kuli ndime neMwaami Lesa.

Bene Lefi 4:20

Kumucende mwaana uyo, ulaakucita mbomunya mbwaacita kumucende wa mulambu wakulekelelwa shibiibi. Aboobo munshila iyi, ulaakubenga mulambu wa shibiibi sha bantu, lyalo balaakulekelelwa.

Bene Lefi 4:26

Mpomunyaawo mafuta oonse ulaakwaatentela pacipaililo, bweenka mbwaatenta mafuta a banyama bacaikwa ayi njimilambu ya bwanabwankashi. Munshila iyi, mupailishi ulaakubenga mulambu wa cibiibi ca mutanjilili, aboobo ulaakulekelelwa.

Bene Lefi 4:31

Lyalo ulaakukusha mafuta a munyama uyu oonse, bweenka mbwaakusha mafuta a banyama bacaikwa ayi njimilambu ya bwanabwankashi. Mpeeke ulaakwaatentela pacipaililo kwaamba ayi bweema bukansangalashe neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Bene Lefi 5:10

Kuswawaawo, ndyeshi akabenge kayuni kabili ayi ngumulambu wakutenta kweelana amilawo. Munshila iyi, mupailishi ulaakubenga mulambu wa cibiibi ca muntu uyo, aboobo ulaakulekelelwa.

Bene Lefi 5:12

Lyalo ulaakuutola kumupailishi uyo ngweshi akatapulewo lupaka lomwi ayi cikabe cishibilo cakwaamba ayi woonse wapekwa kuli ndime neMwaami Lesa. Lyalo ulaakuutentela pacipaililo peculu lya milambu yakutenta ayi ncipo ca shakulya. Ico ncipo cakulekelelwa shibiibi.

Bene Lefi 5:14

Mpomunyaawo Mwaami Lesa wakapa Mose milawo iyi.

Bene Lefi 5:16

Ulyeelete kulipila sheesho nshaakaalilwa alimwi ulyeelete kwiilikaawo acomwi ca shosanwe ca sheesho nshaakaalilwa. Ulaakushipa mupailishi uyo weshi akabenge munyama ayi ngumulambu wa cibiibi ca muntu uyo, aboobo ulaakulekelelwa.

Bene Lefi 5:4

“Na umwi washomesha cakulumbila pacintu cili coonse kwakubula kuyeeya, paciindi ceenka ico ndyeeshiba ncaacita ulaba amulandu.

Bene Lefi 5:5

“Na muntu ulicite mulandu, ulyeelete kulyaambilila cibiibi cakwe.

Bene Lefi 5:6

Ono mulandu wakubisha kwakwe, ulyeelete kuleta mbelele yanakashi nabi mpongo kuli ndime neMwaami Lesa ayi ngumulambu. Mupailishi ulaakubenga mulambu uyo pacibiibi ca muntu uyo.

Bene Lefi 7:6

Musankwa woonse wa mumikowa ya bupailishi inga walya mulambu uyu, sombi ulyeelete kulitwa mumusena usalalite, ceebo ulisalalite abuumbi.

1 Bene Kolinto 9:13

Mwebo mulishi cakwiila ayi abo basebensela muŊanda yakwe Lesa balacana cakulya mweenka umo, abalo beshikubenga milambu pacipaililo balabaana milambu iyo ibengwa pacipaililo.

1 Samwelo 2:28

Ndakasala bamuŋanda yakwe pakati ka mikowa yoonse ya bene Isilaeli, kuba bapailishi bangu, beshikusebensela kucipaililo, kutenta tununkila kabotu akufwala cakufwala ciitwa ayi efodi pameenso angu. Ndakabapa ankusu shakucaasha cipansha ca mulambu womwi awomwi wa bene Isilaeli watentwa pacipaililo.