Bene Lefi 5:11 - Baibo Busansulushi Bwa Libuku Ili

¹¹ “Ono na muntu inga tacikoonshi kucana mpolobe shobilo nabi nkulimba shobilo, ulyeelete kuleta kilogilamu yomwi ya fulaulo ayi ncipo cakulekelelwa shibiibi. Teelete kubikako mafuta a olifi nabi tununkila kabotu ceebo ncipo cakulekelelwa shibiibi, kuteshi cipo ca fulaulo.

Bene Lefi 5:11 ပူးပေါင်းရင်းမြစ်များ

Kulonga 16:18

Ono ndibakashipima, abo bakabwesa uunji, tabakwe kuba ausotoka. Abalo abo bakabwesa uniini tabakwe kubulila. Cakacanika ayi muntu woonse wakabwesa kweelana ambwaakalinga kweelete.

Kulonga 16:36

Ono cipimo ncebakalinga kusebensesha paciindi ico, cakalinga kukumana malita ali obilo.

Bene Lefi 1:14

“Na muntu utoobenga muyuni ayi ngumulambu wakutenta, ulyeelete kuba mpolobe nabi nkulimba.

Bene Lefi 12:8

“Ono na mwanakashi uyo waalilwa kucana mwanaambelele, ulyeelete kuleta mpolobe shobilo nabi nkulimba shobilo ayi yomwi ngumulambu wakutenta, alimwi imwi ngumulambu wakulekelelwa shibiibi. Alakwe mupailishi ulaakucita kweelana aMilawo ayi amusalashe, kuswawaawo ulaakunoosalalite.”

Bene Lefi 14:21

“Ono na muntu uyo ngumukandu weenga taacikoonshi kuleta shintu shoonse isho, ulyeelete kuletabo mbelele yomwi yaana isankwa ayi ngumulambu wakumana milandu weelete kutambeeka kuli ndime neMwaami Lesa ayi asalashikwe. Ulyeelete kuletabo kilogilamu yomwi ya fulaulo isenkene amafuta a olifi ayi ncipo ca fulaulo, alimwi comwi ca shotatwe sha mafuta a olifi.

Bene Lefi 27:8

Ono na muntu wakashomesha cakulumbila ngumukandu utakoonshi kulipila maali eelete, uyo wakashomesha ulyeelete kuleta uyo wakashomeshekwa kumupailishi kwaamba ayi akaceesheko maali kweelana a maali ngweenga muntu uyo wakonsha kulipila.

Bene Lefi 5:12

Lyalo ulaakuutola kumupailishi uyo ngweshi akatapulewo lupaka lomwi ayi cikabe cishibilo cakwaamba ayi woonse wapekwa kuli ndime neMwaami Lesa. Lyalo ulaakuutentela pacipaililo peculu lya milambu yakutenta ayi ncipo ca shakulya. Ico ncipo cakulekelelwa shibiibi.

Bene Lefi 5:6

Ono mulandu wakubisha kwakwe, ulyeelete kuleta mbelele yanakashi nabi mpongo kuli ndime neMwaami Lesa ayi ngumulambu. Mupailishi ulaakubenga mulambu uyo pacibiibi ca muntu uyo.

Bene Lefi 5:9

akusanseela bulowa bwa nkako bumwi kulubasu lwa cipaililo. Bulowa bweshi bukacaaleeko bulaakutilwa panshi pacipaililo. Uyo ngumulambu wakulekelelwa shibiibi.

Bene Lefi 6:20

“Ici ncipo Aloni abana bakwe ncebeelete kupa ndime neMwaami Lesa bushiku mbobabikwa pabupailishi. Womwi awomwi ulyeelete kupa kilogilamu yomwi ya fulaulo, nkokwaamba ayi uunji bweenka mbuli cipo ca fulaulo cipekwa nshiiku shoonse, musa umwi macuunsa, awalo umwi macolesha.

Shakubelenga 5:15

anu ulyeelete kutola mukaakwe kumupailishi. Ulyeelete kutola akilogilamu yomwi ya fulaulo wa bale, sombi teelete kutilawo mafuta a olifi naaceyi, nabi kusenkanyako tununkila kabotu mukwiinga ncipo ca fulaulo ca busuba capekwa kwaamba ayi lushinisho luyubuluke.

Luka 2:24

Bakaya mukupa acipo ca twaana tobilo twa mpolobe nabi nkulimba shobilo kweelana ambocilembetwe mumulawo wa Mwaami.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Ebulu 9:22

Ncakwiila kweelana aMilawo, shintu shiinji shilasalashikwa abulowa alimwi shibiibi tashilekelelwi kwakubula kutilwa kwa bulowa.