Bene Lefi 5:10 - Baibo Busansulushi Bwa Libuku Ili

¹⁰ Kuswawaawo, ndyeshi akabenge kayuni kabili ayi ngumulambu wakutenta kweelana amilawo. Munshila iyi, mupailishi ulaakubenga mulambu wa cibiibi ca muntu uyo, aboobo ulaakulekelelwa.

Bene Lefi 5:10 ပူးပေါင်းရင်းမြစ်များ

Bene Lefi 4:20

Kumucende mwaana uyo, ulaakucita mbomunya mbwaacita kumucende wa mulambu wakulekelelwa shibiibi. Aboobo munshila iyi, ulaakubenga mulambu wa shibiibi sha bantu, lyalo balaakulekelelwa.

Bene Lefi 4:26

Mpomunyaawo mafuta oonse ulaakwaatentela pacipaililo, bweenka mbwaatenta mafuta a banyama bacaikwa ayi njimilambu ya bwanabwankashi. Munshila iyi, mupailishi ulaakubenga mulambu wa cibiibi ca mutanjilili, aboobo ulaakulekelelwa.

Bene Lefi 4:31

Lyalo ulaakukusha mafuta a munyama uyu oonse, bweenka mbwaakusha mafuta a banyama bacaikwa ayi njimilambu ya bwanabwankashi. Mpeeke ulaakwaatentela pacipaililo kwaamba ayi bweema bukansangalashe neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Bene Lefi 4:35

Kuswawaawo, ulaakukushamo mafuta oonse, bweenka mbwaakusha mafuta a mumbelele icaikwa ayi ngumulambu wa bwanabwankashi, akwaatentela pacipaililo pantu pomwi acipo ca shakulya cipekwa kuli ndime neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Bene Lefi 5:13

Munshila iyi, mupailishi ulaakubenga cipo ca cibiibi ca muntu uyo, aboobo ulaakulekelelwa. Fulaulo umwi woonse ngwa mupailishi kweelana ambocibete mumakani a cipo ca fulaulo.”

Bene Lefi 5:16

Ulyeelete kulipila sheesho nshaakaalilwa alimwi ulyeelete kwiilikaawo acomwi ca shosanwe ca sheesho nshaakaalilwa. Ulaakushipa mupailishi uyo weshi akabenge munyama ayi ngumulambu wa cibiibi ca muntu uyo, aboobo ulaakulekelelwa.

Bene Lefi 5:6

Ono mulandu wakubisha kwakwe, ulyeelete kuleta mbelele yanakashi nabi mpongo kuli ndime neMwaami Lesa ayi ngumulambu. Mupailishi ulaakubenga mulambu uyo pacibiibi ca muntu uyo.

Bene Loma 5:11

Sombi teshi ceeci ceenka, tulasangalala muli Lesa ceebo Mwaami wesu Jesu Klistu wakalengesha ayi alimwi tube beshicibusa bakwe Lesa.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Jemusi 5:15

Na bapaila calushomo, mulwashi ulaba kabotu. Mwaami wesu inga wamulengesha kuba kabotu alimwi shibiibi shoonse nshaakacita shilalekelelwa.

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.