Bene Lefi 4:3 - Baibo Busansulushi Bwa Libuku Ili

³ “Na ngumupailishi munene wabisha, akuleta mulandu pabantu, ulyeelete kuleta kuli ndime neMwaami Lesa mucende mwaana utacite kampenda kali koonse, alimwi akumubenga ayi ngumulambu wakulekelelwa shibiibi shakwe.

Bene Lefi 4:3 ပူးပေါင်းရင်းမြစ်များ

2 Makani 29:21

Bantu bakaleta bacende bosanwe abobilo, mbelele shisankwa shosanwe ashobilo, bana ba mbelele basankwa bali bosanwe abobilo alimwi ampongo shisankwa shosanwe ashobilo. Mpeeke bakashibenga ayi ngumulambu wakulekelelwa shibiibi sha bamuŋanda ya mwaami abantu boonse bene Juda alimwi ayi ngumulambu wakusalasha Ŋanda yakwe Lesa. Mwaami wakaambila bapailishi, bamulunyungu lwakwe Aloni, ayi babenge banyama boonse abo pacipaililo ca Mwaami Lesa.

Esila 8:35

Kuswawaawo bantu abo bakaswa mucishi ca busha bakabenga milambu yakutenta kuli Lesa wa bene Isilaeli. Bakabengela bene Isilaeli boonse bacende bali 12, mbelele shisankwa shili 96, bana ba mbelele basankwa bali 77. Bakabenga ampongo shisankwa shili 12 ayi ngumulambu wakulekelelwa shibiibi. Shintu shoonse ishi shakalinga ngumulambu wakutenta wakabengwa kuMwaami Lesa.

Kulonga 29:14

Sombi nyama, cipaya alimwi amala a mucende, mukashitentele pansengwe lya misumba. Uyu ngumulambu wakukusha shibiibi sha bapailishi.

Kulonga 29:21

Lyalo ukabwese bulowa bumwi buli pacipaililo amafuta a olifi amwi akusanseela pali Aloni ashakufwala shakwe, alimwi apabana bakwe basankwa ashakufwala shabo. Mpeeke Aloni, bana bakwe alimwi ashakufwala shabo, shilaakubengwa kuli ndime.

Kulonga 29:7

Ndyeshi ukabwese mafuta, ukamutilile pamutwi akumunanika.

Kulonga 30:10

Aloni ulyeelete kucita kwishibila kwa kusalasha cipaililo linkanda lyomwi pamwaaka. Ulyeelete kunanika bulowa bwa mulambu wakulekelelwa shibiibi pashintu shili anga ngameeca. Nkokwaamba ayi ici cilyeelete kunoocitika lyoonsebo pamwaaka mumashalane anu oonse acisa. Sombi cipaililo ici cilyeelete kunoosalalite cancinencine, cinoolibo caangu nebo neMwaami Lesa.”

Esekelo 40:39

Mucipinda cakwinjililaako ico mwakalinga matebulu one, obilo kumbasu shobilo shoonse. Pamatebulu aya mpobakalinga kunoocaila shifubwa shakubenga milambu iyo yakalinga kutentwa yakabumbulu, milambu yakulekelelwa shibiibi nabi milambu yakumanisha milandu.

Esekelo 43:19

Bapailishi bene Lefi bamulunyungu lwakwe Sadoki beenkabo mbobeelete kwisa kunembo lyangu mukunsebensela. Nebo neMwaami Lesa Shinkusu shoonse ndime ndapa mulawo uyu. Mulaakubapa mucende mwaana pakubenga mulambu wakulekelelwa shibiibi.

Esekelo 44:27

Ono bushiku mbweenga wenjila mulubansa lwa mukati wa Ŋanda yangu kuya mukusebensela mumo, ulyeelete kubenga mulambu wakulekelelwa shibiibi. Nebo neMwaami Lesa Shinkusu shoonse ndaamba.

Bene Lefi 1:10

“Na muntu utoobenga mulambu kuswa mulitanga lya mbelele nabi mpongo shakwe, ulyeelete kubenga isankwa itacite kampenda kali koonse.

Bene Lefi 1:3

“Na utoobenga mulambu wakutenta kuswa mulitanga lya ŋombe shakwe, ulyeelete kuleta mucende utacite kampenda kali koonse. Ulyeelete kumuleta pamulyango wa Tente ya Cipangano kwaamba ayi nebo neMwaami Lesa nkootambule.

Bene Lefi 16:11

“Na Aloni akabenge mucende ayi ngumulambu wakulekelelwa shibiibi shakwe alimwi asha bamuŋanda yakwe,

Bene Lefi 16:3

“Aloni ulyeelete kwiinjila muMusena Usalalite Wiindaawo na wamana kuleta mucende mwaana ayi ngumulambu wakulekelelwa shibiibi alimwi ambelele isankwa ya mulambu wakutenta.

Bene Lefi 16:5

“Lyalo bene Isilaeli balaakupa Aloni mpongo shobilo shisankwa ayi ngumulambu wakulekelelwa shibiibi ambelele isankwa ayi ngumulambu wakutenta.

Bene Lefi 16:6

Mpeeke ulaakubenga mucende ayi ngumulambu wakukusha shibiibi shakwe alimwi asha bamuŋanda yakwe.

Bene Lefi 4:14

Lyalo na beshiba ayi babisha, balyeelete kuleta mucende mwaana ayi ngumulambu wakulekelelwa shibiibi. Mucende mwaana uyu balaakumuleta kuTente ya Cipangano.

Bene Lefi 4:23

Lyalo na washibishikwa cibiibi cakwe, ulyeelete kuleta mulambu wa mpongo isankwa itacite kampenda kali koonse.

Bene Lefi 4:28

Lyalo na washibishikwa cibiibi cakwe, ulyeelete kubenga mulambu wa mpongo yanakashi itacite kampenda kali koonse.

Bene Lefi 4:5

Lyalo mupailishi munene ulaakubwesa bulowa bwa mucende bumwi akubwinjisha muTente.

Bene Lefi 5:6

Ono mulandu wakubisha kwakwe, ulyeelete kuleta mbelele yanakashi nabi mpongo kuli ndime neMwaami Lesa ayi ngumulambu. Mupailishi ulaakubenga mulambu uyo pacibiibi ca muntu uyo.

Bene Lefi 6:18

Mumyaaka yoonse ili kunembo baana basankwa bamulunyungu lwakwe Aloni balyeelete kunoolya cakulya ici, ayi abalo nceshi cikanoolibo cinebo kuswa kushakulya shipekwa kuli ndime neMwaami Lesa. Uyo woonse weenga wakumya kucipo ca shakulya ulaakucisikwa ceebo cipo ico cilisalalite.”

Bene Lefi 8:12

Lyalo wakabika Aloni pabupailishi kwiinda mukumutila mafuta akunanika amwi pamutwi.

Bene Lefi 9:2

Wakaambila Aloni ayi, “Ubwese mucende mwaana alimwi ambelele isankwa shoonse shobilo shitacite kampenda kali koonse akushibenga kuMwaami Lesa. Mucende mwaana ngwamulambu wakulekelelwa shibiibi, mbelele isankwa njamulambu wakutenta.

Bene Lefi 9:3

Lyalo ulwiite bene Isilaeli ayi babwese mpongo isankwa ibe mulambu wakulekelelwa shibiibi, mwanaaŋombe ucite mwaaka womwi, alimwi amwanaambelele ucite mwaaka womwi boonse bobilo batacite kampenda kali koonse ayi babe mulambu wakutenta,

Shakubelenga 16:22

Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?”

Shakubelenga 8:8

Kuswawaawo balyeelete kubwesa mucende mwaana acipo ca fulaulo ciyandika nkokwaamba ayi fulaulo uyo usenkene amafuta a olifi. Awebo ulyeelete kubwesa amucende umwi wa mulambu wakulekelelwa shibiibi.

Bene Loma 8:3

Isho Milawo nsheyakaalilwa kucita ceebo buumi bwa buntu bwakeemana nkusu, Lesa wakashicita. Wakacita boobo kwiinda mukutuma Mwanaakwe, uyo wakesa mucishi ca panshi mubuntu bweenka mbuli ndiswe kwaamba ayi akome bubi.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Ebulu 5:3

Alimwi mukwiinga alakwe ulilefukite, teelete kubenga milambu ya banyama kuli Lesa ceebo ca shibiibi sha bantu bamwi beenka, sombi ashibiibi shakwe mwiine.

Bene Ebulu 9:12

Klistu ndyaakenjila mutente, akwinjila linkanda lyomwibo ndondoli muMusena Usalalite Wiindaawo, taakwe kutola bulowa bwa mpongo nabi bwa bacende ayi ape kuli Lesa. Sombi lakwe wakatola bulowa bwakwe mwiine akutubambila lupulusho lutamaani.