Bene Lefi 4:2 - Baibo Busansulushi Bwa Libuku Ili

² “Lwiita bene Isilaeli ayi uyo woonse weenga wabisha akusotoka mulawo wangu neMwaami Lesa uli woonse cakuteshiba, ulyeelete kukonkela milawo iyi.

Bene Lefi 4:2 ပူးပေါင်းရင်းမြစ်များ

Matalikilo 20:9

Lyalo Abimeleki wakeeta Abulaamu akumwiipusha ayi, “Nciinshi ncewacita kuli ndiswe? Ncibiibinshi ncendacita kuli ndiwe calengesha kwaamba ayi ulete malwesa pali ndime abulelo bwangu boonse? Kutabi muntu nabi womwi weshi akaciboosheewo ncewacita kuli ndime.”

Kulumbaisha 19:12

Taaku ukonsha kubona shilubo shakwe shoonse. Anu amundekelele nkambo kushibiibi shitaboneki.

Kulumbaisha 19:13

Amuntalamushe kushibiibi shakashanga, ayi shitanyendeleshi napaceyuubo, sobwe. Munshila iyo ndyeshi nkabe muntu utacite kampenda, ncakwiila muntu utacite mulandu unene wiindaawo.

Shikushimikila 5:6

Utasuminishi mulomo wako kukunjisha mucibiibi. Utaambili mupailishi ayi, “Ndakalubisha kushomesha cakulumbila.” Ceebonshi ulisuni ayi Lesa akakalale pashintu nshewaamba akunyonyoola milimo ya maansaako?

Bene Lefi 22:14

“ ‘Na muntu umwi uteshi wa mulifumo lya bapailishi walya cakulya ca milambu isalalite cakuteshiba, ulyeelete kulipila maali eenga akumana shakulya isho kumupailishi, akwiilikaawo comwi ca shosanwe ca mweelo wa nshisho.

Bene Lefi 4:1

Mpomunyaawo Mwaami Lesa wakaambila Mose ayi,

Bene Lefi 4:13

“Ono na mbene Isilaeli boonse babisha cakuteshiba kwiinda mukusotoka mulawo umwi pamilawo yangu neMwaami Lesa. Nabi babisha cakuteshiba, balicite mulandu.

Bene Lefi 4:22

“Ono na ngumutanjilili wabisha cakuteshiba kwiinda mukusotoka mulawo umwi pamilawo yangu neMwaami Lesa, ulicite mulandu.

Bene Lefi 4:27

“Ono na ngumuntubo wabisha cakuteshiba kwiinda mukusotoka mulawo umwi pamilawo yangu neMwaami Lesa, ulicite mulandu.

Shakubelenga 35:11

mulyeelete kusala mandabala anene akulobokelaamo na muntu wacaya mubye mumapuso.

Dutolonomi 19:4

Na muntu umwi wacaya muntunyina mumapuso uteshi mulwani wakwe, inga walobokela kundabala inene imwi pali ngawo ayi akalifuune.

1 Timoti 1:13

Nakubi kwaamba ayi ndakalinga shikucobola Lesa, shikupensha bantu bakwe Lesa alimwi mukali abuumbi, Lesa wakanyumfwila nkumbu ceebo ndakalinga kucita shintu ishi mukubula lushibo alushomo.

Bene Ebulu 5:2

Ceebo cakwaamba ayi alakwe mwiine ulilefukite, ulakonsha kubombya moyo kubaabo babisha mukubula lushibo.

Bene Ebulu 9:7

Sombi mupailishi munene eenkabo ngowakalinga kwinjila mucipinda ca mukati alimwi ndinkanda lyomwibo pamwaaka. Wakalinga kwinjila abulowa ubo mbwaakalinga kupa kuli Lesa ceebo ca shibiibi shakwe mwiine alimwi asha bantu isho nshebakacita kabateshi.

Jemusi 3:10

Mumulomo womwi mulaswa maswi akulumbaisha akushinganya. Nobamakwesu, tabwishi mboceelete kuba ubo!

1 Samwelo 14:27

Jonasani taakwe kunyumfwa baishi, ndibakaamba shalishingo ilyo. Aboobo wakayasa mpuma akakoli nkaakalinga kucite akulya buuci ubo. Paciindi ceenka ico wakanyumfwa kabotu.